Hisaaya 10:4 - Kifuliiru

⁴ Si mwâye gendi bunda mu mbohe, kandi iri muminikwe kuguma na ábali mu yitirwa mwiꞌzibo. Kundu kwokwo, ubute bwa Nahano bugaaba butazi hooha. Agaaba aki bangwiri ukuboko kwage, mu kulooza ukuhana abandu baage.

Hisaaya 10:4 ပူးပေါင်းရင်းမြစ်များ

Hisaaya 22:2

Kituma kiki mugweti mugabanda akabuli, na kituma kiki akaaya kali mwoꞌmulengo neꞌkisegengo? Ee! Abandu baawe keera bakafwa, neꞌbirunda byabo bikoli kabuliirwi hooshi. Kundu kwokwo, litali izibo írikabayita.

Hisaaya 24:22

Booshi bagakumanibwa kuguma, banalashwe mu nyumba yeꞌmbohe. Mwomwo, mwo bagashwekerwa imyaka mingi, halinde ku kyanya bâye twirwe kweꞌmaaja.

Hisaaya 34:3

Ibirunda biinyu bigakabulirwa imbuga, halinde ibaya lyabyo linalungiire, noꞌmuko gwabyo, gunagolombe ku migazi.

Hisaaya 5:25

Nahano akoli rakariiri abandu baage, anakoli bangwiri ukuboko kwage, gira abahane. Kiri neꞌmigazi ikoli gweti igajugumbana. Neꞌbirunda bikoli luuzirwi mu njira ngiꞌjolera. Kundu kwokwo, ubute bwa Nahano buki yasiri. Akoli bangwiri ukuboko kwage, gira ahaniirize abandu baage.

Hisaaya 66:16

Nahano agaahana abandu ku muliro, na ku ngooti. Ehee! Na yabo ábagaminikwa, bagaaba kanyegete.

Hisaaya 9:11

Abaharaamu bakalyoka uluhande lweꞌsheere. NaꞌBafirisiti, bakalyoka imuga. Yabo booshi, bagayiji janganula Abahisiraheeri. Kundu kwokwo, ubute bwa Nahano butazi hooha. Aki bangwiragi ukuboko kwage, mu kulooza ukuhana abandu baage.

Hisaaya 9:12

Yabo bandu, kundu Nahano woꞌbushobozi bwoshi akabahana, si batanamúgalukira.

Hisaaya 9:16

Yabo booshi, bakoli bihuusiri, banakoli yifuuziri mu bitalaalwe, banakola mu deta íbitali nga byo. Kyo kitumiragi Nahano ataki shambaliiri imisore yabo. Kiri neꞌfuuvi zaabo, na banamufwiri baabo, atakiri mu bakejeerera. Kundu kwokwo, ubute bwage butazi hooha. Aki bangwiri ukuboko kwage, mu kulooza ukuhana abandu baage.

Hisaaya 9:17

Ikyanya abandu bagweti bagaagira amabi, gali mu ba nga muliro. Guli mu tee singoola imigenge, gunabuli yigwima mu biti bihamu, halinde ikyusi kinanunge bweneene mu kyanyaanya.

Hisaaya 9:20

Manaasi agweti agateera Hifurahimu. Hifurahimu naye, ali mu teera Manaasi. Yabo bombi, banabuli teera Abayuda. Kundu kwokwo, ubute bwa Nahano butazi hooha. Aki bangwiri ukuboko kwage, mu kulooza ukuhana abandu baage.

Yeremiya 15:2

«Mango bakubuuza, ti: “Tugendage hayi?” unabashuvye kwo Nahano adetaga kwokuno: “Ngiisi ábashungikiirwi ukufwa, bagaafwa nyene. Na ábashungikiirwi kwo bayitwe neꞌngooti, zo ziganabayitaga. Na ábashungikiirwi kwo bayitwe niꞌshali, lyo liganabayita. Na ábashungikiirwi kwo batwalwe imbohe, baganagenda yo.”

Yeremiya 37:10

Kundu mwangahima akatundu kaꞌbasirikaani baage, anasigalane abasirikaani bagerwa naaho ábakomeresiri, haliko yabo bagerwa bangahuluka mu maheema gaabo, banayiji jigiivya i Yerusaleemu.”»

Yeremiya 4:8

Ku yukwo, mukenyerage amasuuzu, mu kuyerekana kwo mukoli jengiirwi. Munabululuke ku kimombo. Si uburaakari bwa Nahano butazi hooha hiꞌgulu liitu!»

Hosheya 9:12

Na kundu bangabiiri naꞌbaana, si yabo baana, booshi bagaafwa. Ikyanya ngabasigaga boonyene, agaaba yayewe imwabo!

Balaawi 26:17

Nienyene, ngamùhana, halinde abagoma biinyu bagakizi mùhima. Na kundu abagoma biinyu bamùshombiri, haliko bo bagakizi mùtwala. Munayami tibita, kiri na ku kyanya ndaaye úmùyimwiri.

Bukengeeze 32:30

Aaho! Koꞌmugoma muguma naaho angayimwiri Abahisiraheeri kihumbi? Kaꞌbagoma babiri bangayimwiri Abahisiraheeri bihumbi ikumi? Aahabi! Bitangashobosiri. Kundu kwokwo niehe, nie Nahano, ulwala lwabo, nie kaleka abagoma baabo babahime.