Hisaaya 10:34 - Kifuliiru

³⁴ Rurema woꞌbushobozi bwoshi, ye gabakuba haashi, nga kwoꞌmundu ali mu kizi kuba imyerezi yeꞌLebanooni neꞌsheenyo.

Hisaaya 10:34 ပူးပေါင်းရင်းမြစ်များ

Zaburi 103:20

Aaho! Mwe baganda ba Nahano! Mukizi múyivuga. Ikyanya ali mu mùlungika, munabe mumúsimbahiri.

Hisaaya 10:18

Gunaboyole noꞌlubako, kiri neꞌndalo zoꞌkuyera bwija. Yibyo byoshi, Nahano agabishereeza, nga mulwazi úwaharurwa neꞌkiija.

Hisaaya 2:13

Ingaaja-malungu zooshi zeꞌLebanooni, kundu ziryagagi nyila, haliko agazikuba. Agaakuba neꞌbiti bihamu byoshi byeꞌmyalooni yeꞌBashaani.

Hisaaya 31:8

Abahasuriya boohe, bagayitwa ku ngooti. Neꞌyo ngooti itagaaba yaꞌbandu, si igaaba ya Rurema, bwo ye gabaminika. Yabo Bahasuriya, ikyanya bagagibona, bagatibita. Kundu kwokwo, imisore yabo igagwatwa, banakizi koleesibwa ku kahaati mu buja.

Hisaaya 33:9

Ikihugo kikoli ginunusiri, kinakoli yumagusiri. Kiri neꞌmigazi yeꞌLebanooni, keera ikateezibwa ishoni, inakoli yumagusiri. Indekeera nyiija yeꞌSharooni ikoli yumiri ngiꞌshamba. Ku mugazi Bashaani, na ku gweꞌKarimeeri, ibiti byoshi bikola bizira bihunda.

Hisaaya 37:24

Keera walungika abakozi baawe, gira ushekeereze Nahano, ti: “Amagaare gaani giꞌzibo, bwo galyagagi katundu, keera gakahika halinde ku marango geꞌLebanooni. Nanayami kuba ibiti byayo bila byeꞌmyerezi, kiri na byeꞌshindano kwo binonosiri. Keera nꞌgahika heꞌbiti bihekiiri, binali biti biija ngana-ngana!

Hisaaya 37:36

Mu bwobwo bushigi, umuganda wa Nahano anayingira mu shumbi yaꞌBahasuriya, anayita mwaꞌbandu bihumbi igana na makumi galimunaana na bitaanu. Iri bukakya, ku kyanya abandu bakiri mu vyuka, banagwana birya birunda byoshi bilambamiri haashi.

Yeremiya 22:7

Keera nalingikania abandu, kwo bagendi gishereeza. Ngiisi muguma wabo anakoli hagasiri ibilwaniiso byage. Iyo nyumba, kundu inguliro zaayo zikalimbiisibwa neꞌbiti byeꞌmyerezi, bagazishaaza, banazilashe mu muliro.”

Yeremiya 48:2

Yabo Bamohabu, abandu batagaki bahuuza. Mukuba Abaheshibooni bakola mu bagirira igambi, ti: “E balya! Tugire tugendi baminika, gira batakizi ki yimbwa mu milala.” E bandu ba mu kaaya keꞌMadimeni! Na niinyu, bagamùguujika ingooti mu migongo, mutanâye ki shubi deta.

Hezekyeri 31:3

Ee ma! Uli nga kiti kiija kyoꞌmwerezi gweꞌLebanooni. Amatavi gaawe gabuyahiri bweneene, ganali mu kizi leeta ikimbehwa mu kishuka. Unashuumiri halinde mu bibungu.

Danyeri 4:23

«Na yulwo lubaaja, mbu nyaludakwe alekerwe i kuzimu kuguma neꞌmizi, kuli kudeta kweꞌkyanya ugakebukwa kwo Rurema ye mutwali, na kwo ali hiꞌgulu lya byoshi, lyo ugashubi yimikwa.

Nahumu 1:12

Kundu kwokwo, Nahano adetaga kwokuno: «Kundu Abahasuriya bakoli luguusiri, si bagaahera, batanaki shubi boneka. E Bayuda! Kundu nâli kizi mùlibuza, leero ngamùleka.

2 Batesaloniki 1:7

Kwokwo, kundu muki ryagagi mu hahazibwa buno, agaki mùluhuula. Kiri na nyiitu kwakundi, agatuluhuula. Yukwo kuluhuuka, tugakulonga ku kyanya Nahamwitu Yesu âye yije ukulyoka mwiꞌgulu. Agaboneka mu mbigi zoꞌmuliro íziri mu yigwima. Anabe ali kuguma neꞌbikalage byaꞌbaganda baage.

2 Peturu 2:11

Birya biremwa, kiri naꞌbaganda batangabirega, mu kubituka imbere lya Nahano. Si bihiitagi ubushobozi noꞌbukalage bweneene, ukuhima balya bigiriza beꞌbibeesha.

Bwigule 10:1

Ha nyuma, nanabonaga ikindi kihagarusi kyoꞌmuganda, kigweti kigayika ukulyoka mwiꞌgulu. Uyo muganda, âli sokaniinwi neꞌkibungu. Na hiꞌgulu liꞌtwe lyage, hâli soosiri umukuruzi. Amalanga gaage, gâli kizi langashana ngiꞌzuuba, ngaa! Amagulu gaage, gâli riiri nga nguliro zoꞌmuliro.

Bwigule 18:21

Haaho, ikihagarusi kyoꞌmuganda kyanalengeza akabururunge kiꞌbuye. Kâli yumiini noꞌlushyo luhamu. Haaho, kyanalilasha mu nyaaja. Anadeta: «Kwoku, kwaꞌkaaya kahamu keꞌBabeeri kaganyaanyagwa haashi. Katanâye ki boneke!