Hisaaya 10:3 - Kifuliiru

³ Aahago! Ulusiku Nahano agaahana abandu, kutagi kwo mwâye ki yibulanire? Ikyanya ibinyamahanga bigayiji mùteera kutagi kwo mwâye ki fuuke? Nyandagi ye mwâye tibitire, mbu amùtabaale? Ibindu biinyu, hayi ho mwâye gendi bibisha?

Hisaaya 10:3 ပူးပေါင်းရင်းမြစ်များ

Ndondeko 31:1

Yakobo anayuvwa umwazi, kwo bagala Labaani bagweti bagayidodomba: «Si ibindu byoshi bya daata, muvyala witu wa Yakobo keera abigaaza! Na buno, akola mugale bweneene.»

2 Baami 7:15

Yabo bandu banagendaga, banakulikira Abaharaamu halinde ku lwiji Yorodaani. Neꞌri bakabakulikira ngiisi kwo bapuumuka, banakizi bona ngiisi kwo bâli kizi siga bajahika imirondo neꞌbirugu byabo. Iri bakagalukira imunda mwami, banayiji múmenyeesa byoshi.

Hayubu 31:14

kutagi kandi kwo nangashubi gendi bonaana na Rurema? Ikyanya Rurema agambuliriza, kutagi kwo nangamúshuvya?

Migani 11:4

Kundu umundu angaba ali noꞌbugale, si ku lusiku lwoꞌkufwa, butamúhitiiri kamaro. Haliko, umundu úkwaniini, yehe, ali mu kizibwa mu lufu.

Hisaaya 13:6

E bandu beꞌBabeeri, mukizi banda akaluulu. Ulusiku lwo Nahano agayiji mùtwira kweꞌmaaja, lukoli yegeriiri. Ee! Rurema woꞌbushobozi bwoshi, akola agamùshereeza.

Hisaaya 17:4

Ku yikyo kyanya, ubugale bwaꞌBahisiraheeri bugaaba bukoli maziri. Na kundu bashuba mu genda bajeziri, halikago, leero bakola mu genda, jabati-jabati!

Hisaaya 20:6

«Kinatume yabo Bafirisiti bagatulagula, ti: “Ala twe! Balya Bamiisiri, kundu twâli babiisiri kwoꞌmulangaaliro, mbu batukize mu maboko ga mwami weꞌHasuriya, si keera bayogogozibwa! Aaho! Kutagi kwo tugaki kizibwa?”»

Hisaaya 26:14

Yabo bandi batwali, si keera bakafwa, batanâye ki zuuke mu bafwiri! Keera ukabahana, wanabaminika. Mu kati kaabo, ndaanaye úwangaki kengeerwa.

Hisaaya 26:21

Lolagi! Nahano akola agalyoka mwiꞌgulu. Abandu beꞌkihugo bakiri mu gira amabi, kinatume agabahana hiꞌgulu lyago. Abiitani, kundu bâli kizi yona umuko mu kihugo, haliko yugwo muko, gutagaki shubi bishama.

Hisaaya 28:20

Mugaaba ngoꞌmundu úkagira mbu agwejere ku ngingo, yanamúyofihira. Neꞌkibwikwa kyage, kyanamúniihira.

Hisaaya 29:6

Nie Nahano woꞌbushobozi bwoshi, na ndi nie gamùlwira. Ngayija mu mukungulo, na mu misisi, na mu lujongo, na mu kihuhuuta kya kwingi-kwingi, na mu muliro úguli mu jigiivya.

Hisaaya 30:16

Mukadeta, ti: “Twehe, íbitugooziri, tulonge ifwarasi, gira tukizi suula umulindi.” Yukwo kusuula umulindi kwinyu, kugaaba naaho mu kupuumuka. Ka mutoniri kwo zirya fwarasi zigamùtabaala? Aahabi! Si ifwarasi za ábali mu mùhiiva, zo zigasuula umulindi ku zeꞌmwinyu.

Hisaaya 30:5

Kundu kwokwo, abandu iri bangamúlangaalira, bagateteerwa ngana. Ulya Faraho, ndaabwo butabaazi mugalongaga imwage. Si agakizi mùteeza ishoni naaho, iri munajambuurwa.»

Hisaaya 30:7

Ee! Abamiisiri, ubutabaazi bwabo buli ndaabwo. Kyo kitumiri keera nꞌgabayinika iziina Kingisho-ngisho kyoꞌmujoka, kafwa-busha.»

Hisaaya 33:14

Abanabyaha ba mu Sayuni, batatwaziizi Rurema. Kyo kitumiri bakoli yobohiri, banakola mu juguma. Bali mu deta, ti: «Yugu muliro, si guli mu jigiivya ngana-ngana! Aahago! Nyandagi úwangaki tuula ho? Si guyamiri guli mu yaka bweneene. Aaho! Nyandagi úwangaki guyigooyera?»

Hisaaya 39:3

Ha nyuma, ulya Hezekiya, umuleevi Hisaaya anamúgendera, anamúbuuza: «Yaba bandu, balyoka hayi? Na kuti kwo badeta?» Hezekiya, ti: «Balyosiri mu mahanga geꞌBabeeri.»

Hisaaya 5:14

Kwokwo, bakoli balindiriiri i nakwere, keera yanayashuula akanwa kaayo. Iyo munda i nakwere, abanalushaagwa beꞌYerusaleemu, kiri naꞌbagunda, booshi bakoli lindiiri ukumanukira yo, kuguma naꞌbalalwe booshi ábagweti bagaagira akalugi.

Hisaaya 5:26

Nahano alengeziizi irembera, gira alonge ukukema ibinyamahanga. Anali mu balakiza uluguuju, gira abagoma bayijage ukulyoka mu mbeka zeꞌkihugo. Lolagi! Yabo bagoma, bagweti bagatuyijira mulindi-mulindi!

Yeremiya 22:7

Keera nalingikania abandu, kwo bagendi gishereeza. Ngiisi muguma wabo anakoli hagasiri ibilwaniiso byage. Iyo nyumba, kundu inguliro zaayo zikalimbiisibwa neꞌbiti byeꞌmyerezi, bagazishaaza, banazilashe mu muliro.”

Yeremiya 4:30

E bandu beꞌYerusaleemu, kutagi leero mugaagira? Si keera mwashereezibwa lwoshi-lwoshi! E bandu beꞌBuyuda, kituma kikagi muki gweti mugayambala ibyambalwa byoꞌmulimbo? Munakiri mu yilimbiisa noꞌbungeni-ngeni úbukatulwa mu nooro! Na kituma kikagi mukiri mu yilaba ishalo nyiiru-nyiiru ku masu? Yukwo kuyilimbiisa kwinyu, si kulyagagi kwa busha! Si buno, biira biinyu keera bamùnenuuka, banakoli mùhigiiri, kwo bamùyite!

Yeremiya 5:31

Abaleevi bagweti bagatanga ubuleevi bweꞌkinyoma. Kiri naꞌbagingi bakola mu kizi yihahalira boonyene naaho. Aahabi! Amabi mwene yago, abandu baani bakoli bwini kwo go gakwaniini. Halikago, ku kyanya kyeꞌmberuuka, kutagi bâye gire?»

Yeremiya 9:9

Nie Yeremiya, ngweti ngabululukira imigazi, kiri neꞌndagiriro za mwiꞌshamba. Mukuba, byoshi keera byahangalala, ndaanaye úkiri mu bilenga mwo. Kiri neꞌngaavu, ndaazo ízikiri mu yana mwo. Byoshi keera byahera, kiri neꞌbitugwa noꞌtunyuni.

Hosheya 5:13

«Beene Hifurahimu naꞌBayuda, ikyanya bakabona ngiisi kwo balwaziri, banagendi tabaaza mwami mukulu weꞌHasuriya. Halikago, uyo Mwami atanahasha ukubabuka, atanabakiza.

Hosheya 9:5

Aaho! Kutagi kwo mugaagira ku zirya siku ngulu za Nahano?

Hosheya 9:7

E Bahisiraheeri! Isiku zo mugaahanwa kwo, keera zahikaga. Kikola kyanya kyoꞌkuyihoola ibyaha biinyu. Yizo siku, mwe Bahisiraheeri mukwiriiri muzimenye bwija! Bweꞌbyaha biinyu bikoli luguusiri, munakoli shombiini bweneene, kyo kitumiri mugweti mugaadeta kwokuno: «Si abaleevi bakoli sirehiri! Abakozi ba Rurema, bakola mu deta íbitali nga byo!»

Hamoosi 5:19

Yulwo lusiku, ikyanya lugaahika, mugaaba ngoꞌmundu úgweti úgatibita indare, kiziga, agendi yituruuza ku dubu. Kandi iri, ikyanya agayingira mu mwage, anayegamire ku kibambaazi, umujoka gunayami múkoma!

Mika 7:4

Mu kati kaabo, kundu bangadetwa kwo balyagagi biija, banabe boꞌkuli, si bakola mu shuta nga mishuugi. Aaho! Ulusiku lwinyu lwoꞌkuhanwa, keera lwahika! Ngiisi mundu agapumukira haage-haage.

Sefaniya 1:18

Yulwo lusiku, Nahano agaaba akoli barakariiri bweneene, batanaki kizibwe, mbu bwo batanga ifwaranga kandi iri inooro. Mukuba agaaba akoli yuvwiti uluugi ngana, halinde ikihugo kyoshi kinasingooke. Ee! Agaamala abandu booshi ba mu kihugo!

Luka 19:44

Balya bagoma bagakuhongolera haashi. Ndaanalyo ibuye írigasigala ku lyabo. Kiri na ábakutuuziri mwo, nabo bagabindikwa! Mukuba, ikyanya Rurema akakuleetera ubukize, utakakimenya!»

Bukengeeze 28:49

«Nahano agaashimya ibinyamahanga ukulyoka hala, ku mbeka yeꞌkihugo. Yabo bandu, mutayiji indeto yabo. Banayiji mùtibukira kwo, nga kwo nyunda ali mu yivwima ku mutumba.

1 Peturu 2:12

Mukizi tuula mu bapagaani ku njira íkwaniini. Kundu bagweti bagamùlega kwo muli bakozi baꞌmabi, haliko boonyene bagakizi yibonera imikolezi yinyu miija. Kwokwo, neꞌkyanya Rurema agayija, bagayiji múyivuga.