Hisaaya 10:16 - Kifuliiru

¹⁶ Aahago! Nahano woꞌbushobozi bwoshi agatumira abasirikaani beꞌHasuriya ikiija kyoꞌkubajaavya. Kwokwo, ubukalage bwabo, bugamalira mu muliro.

Hisaaya 10:16 ပူးပေါင်းရင်းမြစ်များ

2 Kutondobola 32:21

Iri hakatama, Nahano analungika umuganda mu shumbi ya mwami weꞌHasuriya. Ulya muganda anayami minika ibikalage byaꞌbasirikaani, kuguma neꞌbirongoozi byabo. Kyanatuma mwami weꞌHasuriya agashaaga yaho, anagalukira mu kihugo kyage, akoli teziibwi ishoni. Lusiku luguma, mwami weꞌHasuriya anayingira mu luheero, bagala baage banayami múgujika ingooti. Mwami anayami fwa haaho-haaho.

Zaburi 106:15

Kundu kwokwo, ngiisi byo bâli kizi múhuuna, anakizi baheereza byo, halinde byanabagamba. Kuguma na yibyo, anabayushuula mweꞌkiija.

Zaburi 78:31

Rurema anayami barakarira, anabayite mweꞌbihagarusi byeꞌmisore.

Hisaaya 10:18

Gunaboyole noꞌlubako, kiri neꞌndalo zoꞌkuyera bwija. Yibyo byoshi, Nahano agabishereeza, nga mulwazi úwaharurwa neꞌkiija.

Hisaaya 17:4

Ku yikyo kyanya, ubugale bwaꞌBahisiraheeri bugaaba bukoli maziri. Na kundu bashuba mu genda bajeziri, halikago, leero bakola mu genda, jabati-jabati!

Hisaaya 26:11

E Nahano, yabo babi, kundu ukolaga ugabahana, haliko, batakutwaziizi. Aaho! Ubayerekage ngiisi kwo ukuuziri abandu baawe, halinde banateezibwe ishoni. Na bwo ubikiiri abagoma baawe umuliro, ugire ubajigiivye mwo.

Hisaaya 31:9

Yabo Bahasuriya bagahuumirwa. Abakulu baabo, ikyanya bagabonaga amarembera giinyu giꞌzibo, bagaagira mbu bapuumuke. Umuliro gwa Nahano guli mu kizi yaka hiꞌgulu lyaꞌkaaya keꞌSayuni. Ibengesheeshe lyagwo liyamiri haaho i Yerusaleemu. Kwokwo, kwo Nahano adesiri.

Hisaaya 37:29

Ewe! Uburaakari bwawe, keera bwambikira, nanayuvwa ubwikangaate bwawe. Kwokwo, ngakugosa mu kukubiika igera mwiꞌzulu. Na ngubiike ikyuma mu kanwa. Na ngugalule mu yerya njira yo ukayija mwo.»

Hisaaya 37:36

Mu bwobwo bushigi, umuganda wa Nahano anayingira mu shumbi yaꞌBahasuriya, anayita mwaꞌbandu bihumbi igana na makumi galimunaana na bitaanu. Iri bukakya, ku kyanya abandu bakiri mu vyuka, banagwana birya birunda byoshi bilambamiri haashi.

Hisaaya 5:17

Haaho, abandu baage bagaaba nga bibuzi, binakizi liisa ngiisi ho biloziizi. Kiri neꞌbyanabuzi bigayiloogeza ibyokulya haahalya mu biguuka.

Hisaaya 8:7

«Ku yukwo, mwami weꞌHasuriya, mu kubateera, agayija akundwiri ngoꞌlwiji Hefuraati, kwo luli mu sooka imbibi zaalwo.

Hisaaya 9:4

Ibiraato byaꞌbasirikaani, kiri neꞌbyambalwa byabo íbiyijwiragi imiko, keera bikakabulirwa mu muliro, byanasingooka.

Hisaaya 9:5

Umwana, keera akabutwa hiꞌgulu liitu. Ee! Tukoli haabirwi umwana woꞌbutabana. Uyo mwana agayimikwa, gira abe mutwali waꞌbandu baage. Anakizi buuzibwa Muhanuuzi wa kahebuuza, na Rurema woꞌbushobozi, na Daata weꞌmyaka neꞌmyakuula, na Muluzi woꞌmutuula.

Yeremiya 21:14

Ngamùhana ngana-ngana, nga ngiisi kwo bimùkwaniini. Na nduulike ulubako lwinyu mwoꞌmuliro, halinde gunasingoole byoshi íbimùsokaniini.» Kwokwo, kwo Nahano adesiri.

Yeremiya 48:14

«E bandu beꞌMohabu, kuti kwo mwangakizi yihaya, mbu: “Tulyagagi bikalage byeꞌndwani! Neꞌkyanya tulyagagi mwiꞌzibo, tuli mu zibiiriza.”

Hezekyeri 34:16

«Ikyanya bigakizi yangaara-yangaara, binabe bikoli teeresiri, ngakizi gendi bishakula, halinde na mbigalukire i kaaya. Neꞌkyanya bigakizi vunika, ngakizi bibuka. Neꞌkyanya bigaaba bikoli jehusiri, ngabikania indege. Halikago, ngiisi íbishishiri, binabe biki kaniri, byohe, ngabishereeza. Na bwo ndi mungere, ngakizi bilanga byoshi ku njira íkwaniini.

Nahumu 1:12

Kundu kwokwo, Nahano adetaga kwokuno: «Kundu Abahasuriya bakoli luguusiri, si bagaahera, batanaki shubi boneka. E Bayuda! Kundu nâli kizi mùlibuza, leero ngamùleka.

Sefaniya 2:13

Ngashereeza kiri neꞌkihugo kyeꞌHasuriya, uluhande lweꞌmbembe. Akaaya kaakyo kahamu keꞌNinaawi, ngakahindula kabe mushaka, kanasigale kayumiri lwoshi ngiꞌshamba.

Zakariya 7:4

Nahano woꞌbushobozi bwoshi anashuvya, ti:

Mikolezi 12:23

Yubwo bwivuge, Heroode atanabuheereza Rurema. Kyanatuma umuganda wa Nahano agayami múlambika kwoꞌbulwazi bwoꞌkuliibwa neꞌbijoka, anafwa.