Hisaaya 10:1 - Kifuliiru

¹ Yayewe imwaꞌbatwi beꞌmaaja! Si bali mu kizi biika imaaja ízitakwaniini, zinali za kulibuzania naaho.

Hisaaya 10:1 ပူးပေါင်းရင်းမြစ်များ

1 Baami 21:13

Tulya tupere-pere twombi, twanayiji bwatala imbere lya Nabooti. Twanatondeera ukumúlega imbere lyaꞌbandu booshi, ti: «Uyu Nabooti keera atuka Rurema, atuka na mwami.» Balya booshi, banayami múhalamulira inyuma lyaꞌkaaya, banakizi múlasha amabuye, halinde anafwa.

Zaburi 58:2

E batwali, ka muli mu deta ukuli? Nanga, maashi! Si mugweti mugatwira abandu imaaja ku njira za kundi-kundi!

Kulyoka 23:3

«Ikyanya abakeni bagakizi kuleetera ulubaaja, utakizi bakundirira, mbu bwo bali bakeni.

Kulyoka 23:6

«Umukeni, iri angalegwa, anabe ali noꞌkuli, utamúhengekere ulubaaja lwage.

Hisaaya 29:21

Ikyanya abandu bali mu banganizania, bagaherera kuguma na ábali mu tegana imbere lyaꞌbatwi beꞌmaaja, kiri na ábali mu hana abandu bazira buhube.

Hisaaya 3:11

Halikago banangora-mabi, boohe, yayewe imwabo! Bagaahanwa, ukukulikirana naꞌmabi gooshi go bâli kizi kola.

Hisaaya 3:14

Agweti agalega abashaaja, kuguma naꞌbandi bimangizi baꞌbandu baage kwokuno: «Si mwe mukashereeza Abahisiraheeri, banali nga ndalo yani yeꞌmizabibu. Mu nyumba ziinyu, muyijwiri ibindu byo mukanyaga abakeni.

Hisaaya 5:11

Yayewe, imwa ábali mu zindukiri vyukira mu bilalusa, banali mu kizi yiza ku divaayi, halinde banalaluke lwoshi-lwoshi!

Hisaaya 5:18

Yabo bandu, yayewe imwabo! Si ibyaha byabo, bibayizingiiri kwo! Bagweti bagakizi yikululira umwama, nga bandu ábali mu kululwa noꞌmugozi.

Hisaaya 5:23

Si abanamahube bali mu kizi balekeerera, gira lyo balonga ikitulire. Kiri na ábakwaniini, bakola mu bayima ukuli kwabo.

Hisaaya 5:8

Yayewe imwinyu, mwe mugweti mugagaaza inyumba ku zaabo, munali mu kizi gaaza indalo ku zaabo. Si abiinyu booshi, keera mukabahavya mu kihugo, munakoli kisigiiri mwo mwenyene!

Hisaaya 59:13

Tukakulahira, tutanâli kutwaziizi. Twanakuhindulira ingoto, unali we Rurema witu. Tuli mu kizi vyula ubuhuni, iri tunalibuzania. Imitono ya mu mitima yitu, biri binyoma naaho, kiri na byo tuli mu deta.

Hisaaya 59:4

Kiri neꞌkyanya muli mu buulana, muli mu kizi beesha-beesha naaho. Muli mu banganizania amagambo goꞌbusha-busha. Munayamiri mushungisiri ukukola amabi, iri munagayushuula kwaꞌgandi.

Yeremiya 22:13

Nahano anadetaga kwokuno: «E mwami Yoyakimu, yayewe imwawe! Si ugweti ugayiyubakira inyumba nyiija ku njira yoꞌkugungana! Ugweti uganayubaka inyumba ízishoneriini kwo, mu kulyalyania abandi bandu. Unali mu koleesania ku kimaama, buzira mbembo,

Hamoosi 2:7

Babwinagi kwaꞌbakeni bali nga lukungu naaho, banagweti bagakizi balibata-libata kwo. Balya bakeni, ikyanya bali mu ba imbere lyaꞌbatwi beꞌmaaja, bali mu bayima ukuli kwabo. Lolaga ibala! Umwana na yishe, bagweti bagashangiira umukazi muguma. Kwokwo, kwo bagweti bagatukiisa iziina lyani, na ndi nie Mutaluule.

Mika 6:16

Na íbitumiri bigaaba kwokwo, bwo mukoli gweti mugakizi yifunda mu byaha bya mwami Homuri, na mwami Ahabu. Ngiisi byo bagweti bagamùhanuula, byo mugweti mugayami yifunda mwo. Ku yukwo, ngamùleka musherezibwe. E ma! Kundu abandu baki tuuziri mu kaaya kiinyu, halikago, abagoma bagakizi mùshekeereza. Ibinyamahanga bigakizi mùhonyoleza.»

Habakuki 2:12

«Yayewe imwinyu! Si utwaya twinyu, mugweti mugatuyubaka mu kuyitana, na mu kuvindagazania!

Habakuki 2:15

«Yayewe imwinyu, mwe mugweti mugalalusa abatuulani biinyu. Mugweti mugakizi balungira kolobwe mu divaayi, gira balaluke, lyo mulonga ukuloleera ubukondwe bwabo.

Habakuki 2:19

«Yayewe imwinyu! Si mugweti mugabwira umugisi mubaaje mu mbahwa, ti: “Vyukaga!” Munabwire umugisi gwiꞌbuye, ti: “Yimukaga!” Aaho! Yugwo mugisi, ka gwangakuyigiriza? Nanga maashi! Kundu gulyagagi mubugiirize kweꞌnooro neꞌharija, haliko gutali mugumaana!

Habakuki 2:6

Abandu mwene yabo bagakizi mùhonyoleza, ti: “Yayewe imwinyu! Mwe mugweti mugayilundira íbitali byeꞌmwinyu. «“Munagweti mugayilugiza imyenda, mutanali mu giyishula! Aahago! Amagambo mwene yago, ka gangagenderera? Nanga, maashi!”

Habakuki 2:9

«Yayewe imwinyu! Mwe mugweti mugahombeesa abandi, mbu lyo muyigaza. Munagweti mugasalira ukugendi yubaka kwiꞌrango, mbu lyo mufuuka ubuhanya.

Mataayo 11:21

«Yayewe imwawe, e kaaya keꞌKoraziine! Yayewe neꞌmwawe, e kaaya keꞌBetesahida! Birya bitangaaza byo nâli kizi gira imwinyu, íngibigirire mu kaaya keꞌTiiro na mu keꞌSidooni, nga bandu beꞌyo munda keera bakayambala ubusanganira, banayishiige noꞌmunyota-kiiko, mu kuyerekana kwo keera batwikira ku byaha byabo.

Mataayo 23:23

«Yayewe imwinyu, mwe bigiriza beꞌmaaja naꞌBafarisaayo! Si muli balyalya! Mugweti mugatangira Rurema ihihande higuma hiꞌkumi hyoꞌtulungo, munajandagire íbiri naꞌkamaro mu Maaja, ngoꞌkukizi gira íbikwaniini imbere lyage, noꞌkukizi kejererana, noꞌkukizi ba bemeera. Yibyo, byo mushubi kwiriiri ukukizi gira, buzira kuleka ukumútangira na ku yutwo tuniini.

Mataayo 23:27

«Yayewe imwinyu, mwe bigiriza beꞌmaaja naꞌBafarisaayo! Si mulyagagi balyalya! Muli nga shinda íziri njiige kwoꞌluhemba. Imbuga, zibuyahiri. Si munda lyazo, muyijwiri imigongolo, na íbigweti bigahooka!

Mataayo 23:29

«Yayewe imwinyu, mwe bigiriza beꞌmaaja naꞌBafarisaayo! Si mulyagagi balyalya! Mugweti mugakizi yubaka ishinda zaꞌbaleevi, neꞌzaꞌbandi bandu ábâli kwaniini imbere lya Rurema, munali mu zilimbiisa.

Mataayo 26:24

Umwana woꞌMundu, agagendi yitwa, nga kwo biri biyandike mu Mandiko Meeru hiꞌgulu lyage. Kundu kwokwo, ulya úgamútanga mu bagoma, ali yayewe imwage! Uyo mundu, byangamúberiiri bwija, nga atangabusirwi!»

Luka 11:52

«Yayewe imwinyu, mwe bigiriza beꞌmaaja! Si mukayima abandu ulwiguzo lwoꞌkuyingira ho bangalongera ubumenyi. Mwehe mwenyene, mutakahayingira. Neꞌkyanya abandi bâli kizi gira mbu bahayingire, mwanabahangirira.»

Yohana 19:6

Balya bakulu baꞌbagingi, naꞌbalaazi, mbu babonage Yesu, banayami yamiza, ti: «Umúyitire ku kibambo! Umúyitire ku kibambo!» Pilaato anabashuvya: «Nanga, maashi! Mwenyene mugendi múyitira ku kibambo! Si niehe, ndaalyo igambo lyo namúbona kwo, íryangamúhaniisa!»

Yohana 9:22

Na íbikatuma bagashuvya kwokwo, bwo bâli yobohiri abakulu baꞌBayahudi. Mukuba, Abayahudi bâli mali biika uluhango kweꞌri umundu angadeta kwo Yesu ye yolya Masiya, agayami twibwa mu nyumba zaabo zeꞌmihumaanano.

Yuda 1:11

Yayewe imwabo, bweꞌmikolezi yabo yo miguma neꞌyeꞌmwa Kahini. Banagweti bagakulikira amahube ga Balaamu, mu kukizi tibitira imbembo zoꞌkugendi kola amabi. Banakolaga bahuni, nga kwo Koora akahuna. Na ngiisi kwo akashereezibwa, kwo nabo bagaki shereezibwa.