Hisaaya 1:8 - Kifuliiru

⁸ Kalya kaaya keꞌSayuni, kakoli sokaniinwi naꞌbagoma. Kakoli sizirwi nga kitunda kyoꞌmushaka mu ndalo yeꞌmizabibu, kandi iri mu yeꞌngukuma.

Hisaaya 1:8 ပူးပေါင်းရင်းမြစ်များ

Hayubu 27:18

«Yabo banangora-mabi, kundu bali mu yubaka, bali mu yubaka naaho inyumba lunjega-njega ngeꞌnuzi za nalutangulira, zinali niini nga kitunda kyoꞌmulaazi ali mu yubaka mu ndalo.

Zaburi 9:14

E Nahano, ubwinagi ngiisi kwaꞌbagoma baani bagweti baganyogogoza. Aahago! Unyuvwirwe indengeerwa, maashi! Undyose mu kanwa ka Narufu.

Hisaaya 1:7

Ibinyamahanga bikola mu mùshahula imimbu, bikabuli singoola utwaya twinyu, halinde ikihugo kinashereezibwe lwoshi. Kundu kwokwo, mugweti mugabaloleera naaho.

Hisaaya 1:9

Nahano woꞌbushobozi bwoshi, átaki tufuuse mwaꞌbandu bagerwa, nga tukahera lwoshi nga bandu ba mu kaaya keꞌSoodoma, naꞌba mu keꞌGomora!

Hisaaya 10:32

Zeene buno, abagoma bagashumbika iyo munda i Noobu. Bagweti bagashagania ukuboko ku mugazi Sayuni, yaho i Yerusaleemu.

Hisaaya 29:3

E Yerusaleemu, ngakusokanania ibiso byaꞌbasirikaani, banayubake inzitiro ízishuumiri, gira balonge ubulyo bwoꞌkukuteera.

Hisaaya 30:17

Mu yabo bagoma, muguma naaho agabiika ikikando, abandu biinyu kihumbi banayami puumuka. Abataanu baabo nabo, bagamùshindibuka kwo mweshi. Mugasigala naaho ngeꞌkiti kishinge kyonyene kwiꞌrango, kinamanisirwi kweꞌhisanganira hiꞌrembera.»

Hisaaya 37:22

Nadeta hiꞌgulu lyage kwokuno: Ewe! Abandu beꞌSayuni bagweti bagakunegura lwoshi, banali mu kushekeereza. Ikyanya uli mu shaaga, abandu beꞌYerusaleemu banasigale bagweti bagakuzuugiza amatwe, mu kukugayiriza.

Hisaaya 37:4

Ulya mwami weꞌHasuriya atuma umukulu waꞌbasirikaani baage, kwo ashekeereze Rurema, anali ye Rurema úli mugumaana. Aaho! Hali ikyanya Rurema Nahamwinyu, angaba ayuvwiti ibitusi byoꞌyo mukulu, anamúhane hiꞌgulu lyabyo. Kwokwo e Hisaaya, uhuunire Abahisiraheeri ábaki sigiiri mu kino kihugo.”»

Hisaaya 4:4

Abakazi baꞌkaaya keꞌYerusaleemu, kundu bâli kizi yifunda mu bitalaalwe, haliko Nahano agaki bayeruusa. Na kundu umuko gukayoneka bweneene mu yako kaaya, agaki kashuka. Ee! Agashuka i Yerusaleemu ku njira íkwaniini, kiri na ku yoꞌmuliro.

Hisaaya 49:21

Ugakizi yibuuza: “Yaba baana booshi, nyandagi úkabambeereza? Si nâli jengiirwi, nanakizi yuvwa akahumbwe? Nâli koli hungiiri mu mahanga, nanâli sigiiri kiguli-guuli. Aahago! Yabo baana booshi, nyandi úkabalera? Si nâli riiri niengwa! Aaho! Bashaaziri hayagi?”»

Hisaaya 62:11

Nahano agweti agabwira abandu baꞌmahanga gooshi kwokuno: «Mubwire abatuulaga beꞌSayuni, kwo Lukiza wabo akolaga mu njira. Anali neꞌmbembo yage, gira abahembe.»

Hisaaya 8:8

Balya Bahasuriya, bagasavya mu kihugo kyeꞌBuyuda. Yulwo lwiji lugaduuga, halinde amiiji ganahike mwiꞌgosi. E Manweri, yabo basirikaani bagayajuula ibyubi nga nyunda, halinde banahike mu kihugo kyawe kyoshi!»

Yeremiya 4:17

Abagoma bakoli sokaniini i Yerusaleemu, ngaꞌbalaazi beꞌndalo. Na íbitumiri bigaaba kwokwo, bwaꞌbandu baani keera bahuna imbere lyani.» Kwokwo, kwo Nahano adesiri.

Yeremiya 6:2

E kaaya keꞌSayuni, kundu uli nga munyere úsimisiizi, unanonosiri, haliko ngola ngakushereeza.

Kimombo 2:1

Lolagi! Nahano akoli rakiiri, keera anateeza abandu beꞌYerusaleemu ishoni. Kundu ubulangashane bwabo bwâli hikiiri mwiꞌgulu, halikago, keera akabutibula haashi mu kihugo. Kiri neꞌnyumba yage, ikyanya âli koli rakiiri, atanagikejeerera, si akagiyibagira.

Kimombo 2:6

Ikyanya Nahano akahongola inyumba yage, ikayami yibumbulika haashi, nga kulya ikitunda kiri mu hongolwa mu ndalo. Akayami bayibagiza isiku ngulu, kiri noꞌlusiku lweꞌSabaato. Na bwo âli rakiiri bweneene, anayami lahira mwami wabo, kiri naꞌbagingi.

Zakariya 2:10

Nahano adetaga kwokuno: «Mwe nꞌgashabulira mu mbande zooshi zeꞌkihugo! Ngahwe! Mutibitage, mulyoke i Babeeri, uluhande lweꞌmbembe.

Zakariya 9:9

E bandu beꞌSayuni! Mushambaalage! E bandu beꞌYerusaleemu! Mubandage akabuuli! Langiizi! Mwami winyu agweti agamùyijira. Uyo mwami, ye kwaniini, anali muhimi. Kuguma na yibyo, ali mutuudu, anashoniri ku punda. Punda wage, akiri mwanuke.

Yohana 12:15

«E bandu beꞌSayuni, mutayobohe! Lolagi! Mwami winyu agweti agayija ashoniri ku mwana wa punda.»