Hisaaya 1:3 - Kifuliiru

³ Emwe! Ingaavu ziyiji sheebuja. Kiri na bapunda bayiji ho bali mu liira. Si Abahisiraheeri boohe kundu balyagagi bandu baani, haliko batanyiji, batanasobanukiirwi.»

Hisaaya 1:3 ပူးပေါင်းရင်းမြစ်များ

Zaburi 94:8

E bizeeze, mutee yisaliza bwija. Si mulyagagi bahwija ngana! Ka mutâye tumburukwe?

Migani 28:5

Banangora-mabi batasobanukiirwi na íbikwaniini. Si ngiisi ábasimbahiri Nahano boohe, bali mu sobanukirwa lwoshi.

Migani 6:6

E mwolo, ulolere umugani ku kashwa. Unakizi yisaliza hiꞌgulu lyeꞌmikolwa yako, gira lyo ulonga ubwitegeereze.

Hisaaya 27:11

Yabo Bahisiraheeri balyagagi nga matavi ágayumuusiri. Ikyanya gali mu konyoka, abakazi banakizi yiji gashenya. Yabo Bahisiraheeri balyagagi bizeeze, ndaanalyo igambo basobanukiirwi. Kundu Rurema ye kabalema, si atakiri mu baholeeza. Kundu ali Mulemi wabo, atakiri mu bayuvwirwa indengeerwa.

Hisaaya 42:20

«E Bahisiraheeri! Kundu keera mukabonaga amagambo mingi, si mutagatwaziizi kiri neꞌhiniini. Na kundu amatwiri giinyu gayigusiri, si ndaabyo muli mu tami yuvwa.»

Hisaaya 44:18

Yabo bandu, si balyagagi bizeeze! Ndaanahyo bayiji. Amasu gaabo, kiri naꞌmenge gaabo, bikubisirwi. Batangabona íhiteerwa ku shinda, batanganasobanukirwa.

Hisaaya 5:12

Ikyanya bali mu kizi yilala mu bitali nga byo, bali mu ba bashambiiri, mu kukizi ziha ikinubi, neꞌnzeeze, banalase neꞌngoma, neꞌmiteera-teera. Kundu kwokwo, ngiisi byo Nahano ali mu kizi gira, batabitwaziizi. Kiri na yenyene, batanamútwaziizi.

Hisaaya 5:13

Abahisiraheeri, bwo batanyiji, kyo kitumiri bagatwalwa imbohe. Abatwali baabo, kiri naꞌbagunda booshi, bagayuvwa umwena, bananyoterwe, halinde banakizi fwa.

Hisaaya 56:11

Balyagagi nga tubwa útutali mu yiguta. Kundu bali bangere, si bali bahwija. Ngiisi muguma ali mu yilala mu byage-byage, iri anayikundirira.

Yeremiya 10:14

Si abandu boohe, biri bizeeze, ndaanabyo bayiji! Abatuzi, bali mu yagagala ngana mu kutula imigisi! Si iri ya bibeesha ngana! Ndaabwo bugumaana ihiiti.

Yeremiya 10:8

Yabo banamigisi, booshi balyagagi bahwija, binali bizeeze. Ngiisi byo bali mu yigiriza, bishaaziri naaho mu migisi íri mu baajwa mu biti.

Yeremiya 35:16

Kundu mutanzimbahiri, si Abarekabu boohe, zirya maaja zo bakahaabwa na shokuluza wabo Yonadaabu, baki zikaniziizi.

Yeremiya 4:22

Nahano adetaga kwokuno: «Ku kasiisa, abandu baani bali bahwija. Si batanyiji! Amenge gaabo, gakubisirwi. Byo bayiji naaho, biri byebyo-byebyo byaha. Si íbikwaniini, byohe batabisobanukiirwi.»

Yeremiya 50:6

Abandu baani bâli riiri nga bibuzi íbikateereka. Ibirongoozi byabo, bikabahabura, halinde banayibagira ho bâli tuuziri, banakizi genda bagajeba-jeba mu migazi.

Yeremiya 8:7

Akabangarara kayiji-yiji ikyanya kyoꞌkubunga. Kiri niꞌhumba, naꞌkalembe-rembe, noꞌtushuta, nabyo biyiji ikyanya kyo biri mu bunga kwo. Halikago, yabo bandu baani boohe, batayiji byo Nahamwabo aloziizi.

Hezekyeri 16:30

Uki lungumiirwi ngana-ngana, unakoli yamiri uli mundagabika woꞌmusambani. Kwokwo, kwo nie Rurema Nahamwinyu ndesiri.

Danyeri 9:11

Yizo maaja zaawe, twe Bahisiraheeri tweshi, tutâli zitwaziizi, twanalahira ukukusimbaha. Si tukakuhindulira ingoto. «“Mu maaja za Musa, ukayandika kwo iri twangakizi yifunda mu byaha, lyo tugadaakwa ku ndahiro. Lyo na lyeryo idaaki keera tukalonga.

Hosheya 2:8

«Ku yukwo, uyo mukazi, ngola ngazitira injira zaage neꞌmishuugi. Ngamúsokanania uluzitiro, halinde ataki bone ho agalenga.

Mataayo 13:19

Imbuto nguma, ikyanya zikatwa ku butambi bweꞌnjira, biyerekiini umugani gwoꞌmundu úli mu yuvwa Igambo lyoꞌbwami bwa Rurema. Halikago, atanasobanukirwe nalyo. Ulya mubi Shetaani anayiji lijobola mu mutima gwage.

Barumi 1:28

Aahago! Bwo bakalahira ukumenya Rurema nga ngiisi kwo ali, kyanatuma naye agabaleka bakizi kulikira inzaliro zaabo ízisherebiiri, halinde banakizi yifunda mu bitali nga byo.

2 Peturu 3:5

Kundu kwokwo, bali mu yiyibagiza kwo yaho keera Rurema akabumba igulu neꞌkihugo ku njira yoꞌkukyula kwo bibe ho. Ee! Akabilyosa mu miiji. Kuli ku njira yaꞌmiiji kwo akabibumba.