Hisaaya 1:23 - Kifuliiru

²³ Abatwali baawe, si keera bahuna imbere lyani, banakola biira baꞌbazimba! Bakoli gweti bagayakiira imbuli, mbu bagire íbitali nga byo, banali mu tulirwa. Batakiri mu bulanira ifuuvi, batanakiri mu hahala banamufwiri.

Hisaaya 1:23 ပူးပေါင်းရင်းမြစ်များ

2 Kutondobola 36:14

Kiri naꞌbakulu booshi baꞌBalaawi, kuguma naꞌbandi bandu beꞌBuyuda, nabo banakizi haasa-haasa ku bya Rurema. Balya booshi, banakizi kulikira ibyagaza byoshi byeꞌbinyamahanga, banayulubaza neꞌnyumba ya Nahano, kundu âli mali gitaluula i Yerusaleemu.

Kulyoka 23:8

«Utayemeere ukutulirwa. Si ikitulire, kiri mu humaaza amasu, kinatume amagambo goꞌmundu úkwaniini gagahengekwa.

Migani 17:23

Nangora-mabi ali mu yakiira ikitulire, gira agendi shobeka íbikwaniini.

Migani 29:24

Ngiisi úli mu kombeerana noꞌmuzimba, ali mu yikululira umwama yenyene. Mukuba, ikyanya ali mu huunwa kwo ayibulanire, anateteerwe.

Hisaaya 1:17

Muyigage ukugira amiija. Ngiisi byo Rurema aloziizi, bikizi ba byo niinyu muloziizi. Ngiisi ábagoozirwi, mukizi batabaala. Ifuuvi, mukizi ziheereza íbizikwaniini! Na banamufwiri kwakundi, mukizi babulanira.»

Hisaaya 1:18

Nahano adetaga kwokuno: «Muyije, tuganuulire kuguma. Ibyaha biinyu, kundu byangabiiri bidukwiri, ngabiyeruusa, bibe byeru nga lugungu. Na kundu byangadukumbusiri nga muko, ngabiyeruusa, binabe pepeepe, ngiꞌpamba.

Hisaaya 1:22

E Yerusaleemu, kundu wâli yeruusiri nga harija, halikago zeene, ukoli hindusiri ngiꞌjolera, unakola nga divaayi keera íyashulubuka.

Hisaaya 28:14

E batwali beꞌYerusaleemu, si muli mu honyolezania! Aahago! Muyuvwage igambo lya Nahano.

Hisaaya 3:14

Agweti agalega abashaaja, kuguma naꞌbandi bimangizi baꞌbandu baage kwokuno: «Si mwe mukashereeza Abahisiraheeri, banali nga ndalo yani yeꞌmizabibu. Mu nyumba ziinyu, muyijwiri ibindu byo mukanyaga abakeni.

Hisaaya 30:1

Nahano adetaga kwokuno: «E baana baani, yayewe imwinyu, si mulyagagi bahuni! Munali mu yilundira ibyaha ku bindi bingi. Muyamiri muli mu shungika ibyeꞌmwinyu, kundu bitanzimisiizi. Muli mu nywana ikihango neꞌbinyamahanga, buzira kutee hanuusa Umutima gwani.

Hisaaya 33:15

Abandu bangakira, iri bangakizi gira íbikwaniini, banabe bagweti bagaadeta ibyoꞌkuli, banabe batagweti bagalyalyania, mbu lyo bagala, banabe batanali mu lya ikitulire. Kiri noꞌkuyuvwa igambi lyoꞌkuyitana, batasiimiri, batanaloziizi ukubona íbitali nga byo.

Hisaaya 5:23

Si abanamahube bali mu kizi balekeerera, gira lyo balonga ikitulire. Kiri na ábakwaniini, bakola mu bayima ukuli kwabo.

Hisaaya 65:2

Yabo bandu, ubwakya-ubwayira, nyamiri mbateziri amaboko mu kubayakiira. Kundu kwokwo, baki genderiiri ukuyilala mu bitali nga byo. Bakahinduka bagoma baani, banali mu gira nga ngiisi kwo baloziizi.

Yeremiya 22:17

«Halikago wehe, ugweti ugayihahalira wenyene, mu kukizi gungana. Unali mu yita abandu bazira buhube, mbu lyo ugala. Si ubutwali bwawe, buli bwa kukandamirana naaho ku kahaati!»

Yeremiya 32:32

Ee! Abahisiraheeri naꞌBayuda, bâli kizi gira íbitali nga byo. Mu kati kaabo, hali abatuulaga beꞌYerusaleemu, naꞌbandi Bayuda, baba bagunda, kandi iri baami, kiri naꞌbatwali, naꞌbagingi, naꞌbaleevi. Yabo booshi bakandaakaza bweneene,

Yeremiya 4:17

Abagoma bakoli sokaniini i Yerusaleemu, ngaꞌbalaazi beꞌndalo. Na íbitumiri bigaaba kwokwo, bwaꞌbandu baani keera bahuna imbere lyani.» Kwokwo, kwo Nahano adesiri.

Yeremiya 5:5

Kwokwo, nꞌgatona kwo ngendi ganuuza abakulu baabo. Mukuba nꞌgatona mbu boohe, ku kasiisa bo bayiji Rurema Nahamwabo. Banayiji ngiisi byo asiimiri, na ngiisi íbikwaniini. Yehee! Kiziga yabo booshi nabo, balyagagi babi! Kundu bâli gweti ingoome na Nahano, halikago keera bakagihongola. Na kundu bâli nywaniini bo naye, si keera bakamúyitwisa kwo.

Yeremiya 5:6

Kyo kitumiri indare mu kishuka zigakizi yiji bateera. Kiri neꞌmirunga ikolaga igakizi yiji basimbukira kwo. Ingwi zikoli bateziri ha nyuma lyaꞌkaaya. Ikyanya umundu ali mu gira mbu ahuluke, zinayami mújanganula. Na íbitumiri biryagagi kwokwo, bwaꞌBayuda bâli kizi yifunda mu byaha, banakizi huna imbere lya Nahano.

Hezekyeri 12:2

«E mwana woꞌmundu, utuuziri mu bandu babi. Kundu bahiiti amasu, si batabwini. Na kundu bahiiti amatwiri, si batayuvwiti. Yabo bandu, si balyagagi bahuni!

Hezekyeri 22:27

Balya batwali baabo, balyagagi nga mirunga íri mu janganula-janganula inyamiishwa. Bagweti bagakizi yitiisa abaabo, lyo balonga ukugala.

Hosheya 4:18

Yabo beene Hifurahimu, ikyanya bali mu ba keera bayusa ukunywa amaavu gaabo, banayami gendi yifunda mu bushule. Emwe! Basiimiri íbyangabateeza ishoni naaho.

Hosheya 5:10

Abimangizi baꞌBayuda, bakolaga mu zimba amatongo ga beene. Kinatume ngabafuka kwoꞌburaakari bwani nga mwijulire gwaꞌmiiji.

Hosheya 9:15

Nahano adetaga kwokuno: «Bakatondeerera ukugira amabi i Girigaali. Haaho, ho nꞌganatondeerera ukubashomba. Na bwo baki gweti bagakizi gira amabi, ngabayimula booshi mu kihugo kyabo. Bwaꞌbimangizi baabo bakoli huniri booshi, ndagaaba ngi bakuuziri.

Hamoosi 5:12

Ngoli yijagi inooka ngiisi kwo mugweti mugahuba. Nyiji na ngiisi kweꞌbyaha biinyu keera byaluguuka bweneene. Abandu, kundu bangabiiri balyagagi bazira buhube, mugweti mugabalibuza mu kubahuuna ikitulire. Neꞌkyanya abakeni bali mu looza ukuli imbere lyaꞌbatwi beꞌmaaja, muli mu kizi bahangirira.

Mika 3:11

E batwi beꞌmaaja! Si mu kukizi twa imaaja, mugweti mugalooza ibitulire. Na niinyu, mwe bagingi! Si muli mu yigiriza naaho, mu kulooza imbembo. Na niinyu, mwe baleevi! Si mutali mu tanga ubuleevi, buzira kuhembwa. Kundu kwokwo, mweshi mudesiragi mbu: «Si tuyegamiiri Nahano. Ali hano kuguma na nyiitu, ndaanayo nguuke yo tugalonga.»

Mika 3:9

Mwe Bahisiraheeri, munyuvwagwe! Muyamiri mushombiri íbikwaniini, iri munashobania ukuli.

Mika 6:12

Abagale ba mu kaaya kiinyu, bagweti bagayitana. Abandu biinyu bakoli komiiri ukukizi beesha, batanganaki hasha ukudeta íbiri ukuli.

Mika 7:3

Balyagagi beeshu mu kukola amabi naꞌmaboko gaabo. Abimangizi, naꞌbatwi beꞌmaaja, bali mu huuna ikitulire. Abagale, ngiisi byo baloziizi, kwo banali mu gira igambi lyoꞌkubilonga.

Zakariya 7:10

Mutakizi libuza banamufwiri, kandi iri fuuvi, kandi iri binyamahanga, kandi iri abakeni. Mutanakizi shungika ukugirirana buligo.»

Malaki 3:5

Nahano woꞌbushobozi bwoshi, adetaga kwokuno: «Ha nyuma, ngayiji mùhana. Ngayami yiji lega abanamaleere, naꞌbashule, naꞌbanabinyoma, na ábagweti bagagunga imbembo yaꞌbakozi, na ábali mu kizi libuza banamufwiri neꞌfuuvi, na ábali mu nyima ibinyamahanga ukuli kwabyo, na ngiisi ábatali mu ndwaza.

Muharuuro 22:7

Yabo bakulu beꞌMohabu naꞌbeꞌMidyani, banalyoka yaho, bafumbiiti imbuli, gira bagitwalire Balaamu. Neꞌri bakahika imunda ali, banamúganuulira ngiisi byo Balaaki akabatuma.

Mataayo 21:13

Balya booshi, anababwira kwokuno: «Biyandisirwi mu Mandiko Meeru: “Inyumba yani, igakizi buuzibwa nyumba yaꞌmahuuno.” Si mwehe, keera mwagihindula kabisho kaꞌbanyazi!»

Mariko 11:17

anabakomeereza ti: «Si biyandisirwi mu Mandiko Meeru kwokuno: “Inyumba yani, igakizi buuzibwa nyumba yaꞌmahuuno imwaꞌbandu beꞌmilala yoshi.” Si mwehe, keera mwagihindula kabisho kaꞌbanyazi!»

Luka 19:46

Anababwira kwokuno: «Si biyandisirwi mu Mandiko Meeru: “Inyumba yani, igaaba nyumba yaꞌmahuuno!” Si mwehe, keera mwagihindula ibe “kabisho kaꞌbanyazi!”»

Luka 24:27

Haaho, Yesu anabasobanulira ngiisi byoshi íbikayandikwa mu Mandiko Meeru hiꞌgulu lyage. Akatondeerera mu bitaabo bya Musa, halinde na mu bitaabo byoshi byaꞌbaleevi.

Bukengeeze 16:19

Mutakizi hengeka imaaja. Hatanagire indoola yo mugakizi gira mu bandu. Mutanakolwe kwo mwayakiira ikitulire. Mukuba, ikitulire kiri mu humaaza abitegeereza, halinde abandu ábakwiriiri banakengeere bahengeka imaaja.

Yakobo 1:27

Abandu bo Daata Rurema ali mu bona kwo bali beeru na bazira buhube, bali mu tabaala ifuuvi na banamufwiri mu makuba gaabo, banali mu yilanga neꞌbyeꞌkihugo, gira bitakizi bayulubaza.

1 Samweri 8:3

Kundu kwokwo, batâli tuuziri bwija nga yishe. Si boohe, bâli kizi yihahalira boonyene, banakizi yakiira ikitulire. Na kwakundi, banakizi shobania íbikwaniini.