Hisaaya 1:2 - Kifuliiru

² Nahano adetaga kwokuno: «Ewe igulu, unyuvwirize! Na naawe, e kihugo! Undegage amatwiri. Keera nꞌgalera abaana baani, banakoli shuusiri. Kundu kwokwo, bakiri mu huna imbere lyani!

Hisaaya 1:2 ပူးပေါင်းရင်းမြစ်များ

2 Baami 21:22

Na kundu Nahano âli riiri Rurema wa bashokuluza baage, haliko anamújanda, atanakizi múkulikira.

Zaburi 49:1

Imwoꞌmwimangizi waꞌbimbi. Izaburi yaꞌbaana ba Koora.

Zaburi 50:4

Rurema, ikyanya agaatwa imaaja zaꞌbandu baage, agahamagala igulu neꞌkihugo, biyiji ba tumasi.

Hisaaya 30:1

Nahano adetaga kwokuno: «E baana baani, yayewe imwinyu, si mulyagagi bahuni! Munali mu yilundira ibyaha ku bindi bingi. Muyamiri muli mu shungika ibyeꞌmwinyu, kundu bitanzimisiizi. Muli mu nywana ikihango neꞌbinyamahanga, buzira kutee hanuusa Umutima gwani.

Hisaaya 30:9

Yabo bandu, kundu Nahano ali mu bayigiriza, si batamútwaziizi. Bali mu yifunda mu bibeesha naaho.

Hisaaya 31:6

E Bahisiraheeri, si keera mukahagana na Nahano! Aaho! Mumúgalukirage.

Hisaaya 34:1

E binyamahanga, mutegage amatwiri. E bandu mweshi, na naawe e kihugo, kuguma na byoshi íbikuli mwo, muyuvwirize.

Hisaaya 63:16

Si we Daata! Kundu Hiburahimu na Yakobo bangaba batatutwaziizi, halikago wehe, ukiri Daata. Ukulyokera keera, uyamiri uli mu buuzibwa kwo we Lukiza witu.

Hisaaya 65:2

Yabo bandu, ubwakya-ubwayira, nyamiri mbateziri amaboko mu kubayakiira. Kundu kwokwo, baki genderiiri ukuyilala mu bitali nga byo. Bakahinduka bagoma baani, banali mu gira nga ngiisi kwo baloziizi.

Yeremiya 13:15

E Bahisiraheeri, si Nahano keera akamùganuuza. Kwokwo, mumútegage amatwiri, munakizi ba batuudu.

Yeremiya 22:29

E kihugo kyeꞌBuyuda! E kihugo kyeꞌBuyuda! E kihugo kyeꞌBuyuda! Uyuvwirize ngiisi kwo Nahano agweti agakubwira:

Yeremiya 3:22

Yohoo, e baana bahemu! Mungalukirage ngana, halinde nimùkoge.» Abandu banashuvya, ti: «We Rurema Nahamwitu. Ku yukwo, tukolaga tugakugalukira.

Yeremiya 31:9

Ikyanya bagagaluka, bagayija bakola mu lira, iri banandabaaza. Ngabaleeza mu njira ígolosiri, hoofi noꞌtudota, bataganakizi siitara. Ee ma! Yabo Bahisiraheeri, nyamiri ndi yishe, Hifurahimu ye fula yani.»

Yeremiya 6:19

Munyuvwirize bwija! Yabo Bayuda, bwo bakoli higwiri, ngabayogogoza ngana-ngana! Kundu nâli kizi bakengula, nanakizi bayigiriza, haliko batanandwaza.

Hezekyeri 24:3

Ha nyuma, unaheereze abahuni umugani, kwo nie Rurema Nahamwinyu nadetaga kwokuno: “Utereke inyungu ku masiga, unagiyijuze mwaꞌmiiji.

Hezekyeri 36:4

«Ku yukwo, e migazi yeꞌHisiraheeri! Muyuvwirize ngiisi kwo nie Rurema Nahamwinyu ndesiri. Biri ukuli, kweꞌbinyamahanga bikayiji mùshekeereza, byanashekeereza neꞌmigazi, noꞌtugangazi, noꞌtubanda, kiri neꞌbiguuka, noꞌtwaya útukashahulwa.

Hamoosi 3:1

E Bahisiraheeri! Muyuvwagwe ngiisi kwo Nahano agweti agamùkanukira: «Ubwa mbere, nꞌgamùlyosa i Miisiri.

Mika 1:1

Ino ndumwa, Nahano akagiheereza umuleevi Mika weꞌMoresheeti ku kyanya mwami Yotamu, na mwami Ahaazi, na mwami Hezekiya bâli twaziri i Buyuda. Ku yikyo kyanya, Mika âli kizi bona amabone hiꞌgulu lyeꞌSamariya na hiꞌgulu lyeꞌYerusaleemu.

Mika 1:2

E bandu mweshi mwe muli mu kihugo! Yuvwi! Na byoshi íbikiri mwo! Mundegage amatwiri! Nahano Rurema, agweti agamùlega mu nyumba yage nyeeru.

Mika 3:8

Halikago niehe, nyijwiri mweꞌmisi, na nyijwiri mwoꞌMutima gwa Nahano, noꞌkuli kwage. Kwokwo, njobwiri ukubwiririra Abahisiraheeri ngiisi kwo bakamúyihindulira, iri banakizi yifunda mu byaha.

Malaki 1:6

Nahano woꞌbushobozi bwoshi, agweti agabwira abagingi baage kwokuno: «Umwana ali mu simbaha yishe. Umukozi naye, ali mu simbaha nahamwabo. Aahago! Kituma kiki mwehe mutagweti muganzimbaha? Si nie Yisho, na ndi nie Nahamwinyu! Kundu kwokwo, mugweti mugagayiriza iziina lyani, iri munanguumira, ti: “Yiri iziina lyawe, kutagi kwo tukaligayiriza?”

Mikolezi 4:20

Birya byoshi, tukabiyibonera twenyene, noꞌkubiyiyuvwirwa, bitanganaziziri kwo tuleke ukukizi bideta!»

Bukengeeze 1:31

kiri neꞌrya munda mwiꞌshamba. Mu lugeezi lwinyu, mukayibonera ngiisi kwo akamùtengetera, nga kwoꞌmushosi ali mu tengetera umwana wage. Neꞌri hakatama, mwanahika hano.

Bukengeeze 30:19

«Buno, ngweti ngabiika igulu neꞌkihugo, bibe tumasi imwinyu. Kwokwo, mutoole. Uluhande luguma, nabiika ubulamu neꞌmigashani imbere liinyu. Noꞌlundi, nabiika ulufu naꞌmadaaki. Mutoolage ubulamu, lyo mulonga ukuba ho, mwe naꞌbaana biinyu.

Bukengeeze 32:1

«Ewe igulu! Tegeereza! Ngola ngayimba. E kihugo, yuvwiriza amagambo gaani.

Bukengeeze 4:26

«Ngweti ngamùkengula. Mweshi, kundu mugagendi hyana ikihugo íkiri i kajabo koꞌlwiji Yorodaani, haliko mugashubi shaazibwa mwo. Mutagaahisa isiku nyingi, mukirambiri mwo. Si mugaminikwa mweshi. Igulu neꞌkihugo bigambeera tumasi.