Hisaaya 1:14 - Kifuliiru

¹⁴ Yizo siku ziinyu ngulu zeꞌmbaluko yoꞌmwezi, na zoꞌmwaka, ngoli zishombiri ngana. Zikoli nzidohiiri bweneene, keera nanaluha ukuziyigenderera.

Hisaaya 1:14 ပူးပေါင်းရင်းမြစ်များ

1 Kutondobola 23:31

Bâli kizi tabaala ukutanga amatuulo goꞌkusiriiza lwoshi, kuba ku lusiku lweꞌSabaato, kandi iri ku mbaluko yoꞌmwezi, kandi iri ku zindi siku ngulu. Banâli kwaniini ukukizi kolera Nahano ku njira íkwaniini. Bâli kizi biikwa mu biso, ku miharuuro íkwaniini.

Hisaaya 29:1

Yayewe imwawe, e Yerusaleemu! Ulyagagi kaaya ka mwami Dahudi, neꞌsiku zaawe ngulu ziyamiri zigenderiiri umwaka ku gundi.

Hisaaya 29:2

Kundu kwokwo, ngola ngakulibuza, halinde unalire ku kimombo. Ugaaba nga katanda ákayijwiri kwoꞌmuko.

Hisaaya 43:24

Iri muli mu gulaga amalaasi geꞌkishingo, ndali nie muli mu gagulira. Neꞌkyanya muli mu tanga amatuulo geꞌbinyule, ndali nie muli mu ba mwagatangira. Mukuba, mukoli nzidohiiri neꞌbyaha biinyu, keera mwananduhya bweneene!

Hisaaya 61:8

Nie Nahano, ikyanya abandu bali mu kulikiriza íbikwaniini, lyo bali mu ba banzimiisa bweneene. Si abandu babi, naꞌbazimba, boohe, mbashombiri ngana. Abandu baani, ngabahemba ku njira íkwaniini, tunanywane ikihango kyeꞌmyaka neꞌmyakuula.

Hisaaya 66:23

Abandu booshi bakwaniini bakizi yiji nyikumba, ku ngiisi lusiku lukulu lweꞌmbaluko yoꞌmwezi, na ku ngiisi lusiku lweꞌSabaato.

Hisaaya 7:13

Hisaaya naye, ti: «Muyuvwagwe bwija, mwe bandu biꞌkondo lya mwami Dahudi! Ka mutazi luha noꞌkusuuzania? Ka mugagenderera ukusuuza kiri na Rurema wani?

Hosheya 2:11

Kyo kitumiri byoshi, ngayiji múnyaga byo, ngeꞌngano keera ízayera, neꞌdivaayi mbyahya. Ngamúnyaga kiri neꞌmirondo yo nꞌgamúheereza, mbu akizi bisha mwoꞌbukondwe bwage.

Hosheya 5:7

Yabo Bahisiraheeri batakiri bemeera imwa Nahano, si bagweti bagabuta abaana imbuga. Na bwo bali mu yikumba byeꞌbibeesha, ha nyuma lyoꞌmwezi muguma, bagashereezibwa kuguma neꞌkihugo kyabo.

Hamoosi 2:13

«Buno, ngola ngamùhotamia, ngiꞌgaare ku kyanya liyijwiri ingano.

Hamoosi 5:21

Nahano adetaga kwokuno: «Iri ndi mu bona ngiisi kwo mugweti muganaaka-naaka ku siku ziinyu ngulu, ndi mu yami zishomba bweneene! Nyamiri nzinegwiri ngana.

Zakariya 11:8

Mu mwezi muguma naaho, nanayami yimula abangere baabyo bashatu. Kundu kwokwo, birya bibuzi, ndanaki biyigenderera. Nabyo, byananjomba.

Malaki 2:17

Amagambo giinyu mazira kamaro, gagweti gagaluhya Nahano bweneene! Na niinyu, ti: «Kutagi twamúluhya?» Si mugweti mugamúluhya mu kudeta kwokuno: «Umundu, kundu angaba akoli bihuusiri, haliko imwa Nahano, akiri mwija, na Nahano aki múkuuziri.» Munashubi deta na kwokuno: «Ulya Rurema woꞌkuli, alyagagi hayi?»