Hezekyeri 9:2 - Kifuliiru

² Haaho, hanayijaga abandu ndatu, ukulyoka ha mulyango gwa ha lugulu, úguloziri imbembe. Ngiisi muguma âli fumbiiti isiribo yage yoꞌkuminikana mwo. Mu balya bandu, mwâli riiri ugundi úwâli yambiiti ikanju lyeꞌkitaani, anâli hiiti irengo, liri mwoꞌbwino bwoꞌkuyandika mwo. Yabo booshi, banayegeera ha nyumba ya Rurema, banayimanga ha butambi lyaꞌkatanda koꞌmulinga.

Hezekyeri 9:2 ပူးပေါင်းရင်းမြစ်များ

2 Baami 15:35

Kundu kwokwo, imbeero zoꞌkuyikumbira imigisi ku marango, atakazihongola. Abandu banakizi gendi tangira yaꞌmatuulo goꞌkusiriiza, iri banayokera yoꞌmubadu. Yotamu anashubi lingaania ulwivi lweꞌkisaka lweꞌnyumba ya Nahano.

2 Kutondobola 27:3

Uyo Yotamu anashubi yubakulula ulwivi lweꞌmbembe iwa nyumba ya Nahano, anagira umwete gwoꞌkuyubaka uluzitiro lwoꞌluhande lweꞌhigangazi Hofeeri.

2 Kutondobola 4:1

Sulumaani analingaania akatanda keꞌmiringa. Yako katanda, kâli neꞌmeetere mwenda, ku meetere mwenda. Neꞌkimango, zâli meetere zina neꞌkitolo.

Kulyoka 40:29

Haaho ha mulyango, anahatereka akatanda koꞌkusiriigiza kwaꞌmatuulo, anakatangira kwiꞌtuulo lyoꞌkusiriiza lwoshi, kiri naꞌmatuulo goꞌmushyano, nga ngiisi kwo Nahano âli mali gwanwa amúbwira.

Yeremiya 1:15

Abandu ba mu yago maami gooshi geꞌmbembe, ngola ngababerangira. Abaami baabo bagayiji tereka ibitumbi byabo byoꞌbwami hoofi neꞌnyiivi zaꞌkaaya keꞌYerusaleemu. Yako kaaya, banakasokanane. Kiri noꞌtundi twaya twoshi tweꞌBuyuda, banatuteere. Kwokwo kwo nie Nahano ndesiri.

Yeremiya 25:9

ngahamagala ibinyamahanga íbiri imbembe, kiri noꞌmukozi wani Nebukandeneza, mwami weꞌBabeeri. Yabo booshi, ngabaleeta bayiji teera kino kihugo kyeꞌBuyuda, kuguma naꞌbatuulaga baamwo, kiri na ábatuuziri ha butambi liinyu. Mweshi kuguma, ngamùzimiiza. Neꞌbihugo biinyu, binasigale mushaka, halinde imyaka neꞌmyakuula. Kwokwo, abandu bagashenguka hiꞌgulu liinyu, banakizi mùnegura.

Yeremiya 26:10

Abatwali beꞌBuyuda, mbu bayuvwe kwokwo, banalyoka mu kajumiro, banazamuukira ha nyumba ya Nahano. Banakuumana ha mulyango úgwâli kizi detwa Mulyango Muhyahya.

Yeremiya 4:6

Mushonie irembera i Sayuni, likizi yereka abandu ngiisi ho bagalenga. Mutaki vwebeebe, si mutibitage. Nahano akolaga agalyosa ikihano uluhande lweꞌmbembe. Yikyo kihano, igaaba nguuke yoꞌkushereeza ngana-ngana!

Hezekyeri 10:2

Nahano anabwira ulya mundu úwâli yambiiti ikanju lyeꞌkitaani, ti: «Yingiraga mu yago mapine ágali mwiꞌdako lya makerubi, unashamate amakala ágayasiri, gayijule amaboko gaawe, unagashabulire hooshi mu kaaya.» Uyo mundu, nanabona ngiisi kwo akayingira mwo.

Hezekyeri 8:3

Anagolola íbiri nga kuboko, anangwatira ku mushaku. Umutima gwa Rurema gwanandengeza hiꞌgulu lyeꞌkihugo, gwanayami ndwala halinde i Yerusaleemu. Nâli ki riiri mu kati kaꞌmabone ga Rurema. Nanahikaga ha mulyango gweꞌmbembe, ho bali mu yingirira mu lubuga lweꞌkati lweꞌnyumba ya Rurema. Na mu yulwo lubuga, mwâli teresirwi umugisi, úgwâli tumiri Rurema agateerwa noꞌluugi.

Hezekyeri 9:11

Ha nyuma, ulya mundu úwâli yambiiti ikanju lyeꞌkitaani, anâli hiiti irengo lyoꞌbwino bwoꞌkuyandika mwo, anagaluka, analeeta iyi mishahu, ti: «Ngiisi byo ukambwira, keera nabigira.»

Hezekyeri 9:3

Haaho, ubulangashane bwa Rurema waꞌBahisiraheeri bwanatee lyokaga ho bwâli riiri ku yabo bamakerubi, bwanagendi beera ku kihamambiro kyoꞌmulyango gweꞌnyumba ya Rurema. Ulya mundu úwâli yambiiti ikanju lyeꞌkitaani, anâli hiiti irengo lyoꞌbwino, Rurema

Danyeri 10:5

Neꞌri nꞌgayinamula amasu, nanabona umundu, ayambiiti ibyambalwa byeꞌkitaani. Na mu kibuno kyage, âli yambiiti umukaba gweꞌnooro muguuhya.

Danyeri 12:6

Noꞌlya nga mundu úyambiiti imirondo yeꞌkitaani âli koli yimaaziri ha lugulu lyoꞌlwiji. Nanamúbuuza: “Yaga magambo ágateeziri ikyoba, tugaahisa ikihe kiki, halinde gakoleke?”

Balaawi 16:4

Atee kizi karaba amagala gooshi, anabuli yambala ibyambalwa bitaluule byeꞌkitaani. Kuli kudeta ikanju, naꞌkabutura, noꞌmukaba, anayambale noꞌmulondo gwoꞌkusoosa kwiꞌtwe.

Hamoosi 9:1

Ha nyuma, nanabonaga Nahano, ayimaaziri ha butambi lyaꞌkatanda, anambwira: «Ushulikage bukayu ku zirya nguliro zeꞌnyumba ya Rurema, halinde indaliro zaayo zijugumbane. Yizo nguliro, uzihongolere haashi, halinde zitibukire ku bandu. Ngiisi ábagaaba baki sigiiragi, ngabayita ku ngooti. Mu kati kaabo, ndaaye úgafuushuka, kiri noꞌmuguma!

Bwigule 15:6

Na mwiꞌyo nyumba, mwanahuluka balya baganda balinda, bahiiti amalibu galinda. Yabo baganda, bâli yambiiti imirondo myeru íkeyengiini. Na mu bifuba byabo, bâli yambiiti mweꞌmikaba yeꞌnooro.