Hezekyeri 7:9 - Kifuliiru

⁹ Naani ndagaki mùkejeerera, kandi iri kumùlekeerera. Si ngamùhana, ukukulikirana naꞌmabi go mwâli kizi yifunda mwo. Yago mabi ngashombiri bweneene. Kwokwo, lyo mugaamenya ku kasiisa kwo nie Nahano, na kwo ndi mu hana abandu babi.

Hezekyeri 7:9 ပူးပေါင်းရင်းမြစ်များ

Hisaaya 9:13

Kwokwo, Nahano agasingula Abahisiraheeri itwe noꞌmukira. Ee! Lusiku luguma naaho, agaatema itavi lyeꞌkigazi, kuguma na lyeꞌkibingu.

Yeremiya 13:14

Ha nyuma, ngakizi bateerania bongwa ku bongwa, kiri naꞌbabusi naꞌbaana baabo. Ndaanaye kiri noꞌmuguma ye ngakejeerera. Ndanâye bayuvwirwe indengeerwa, mbu ndeke ukubaminika.”» Kwokwo kwo Nahano adesiri.

Yeremiya 21:7

«Nie Nahano nadeta na kwokuno: E mwami Zedekiya! Kundu uli kuguma naꞌbandi batwali beꞌBuyuda, naꞌbandi bandu baawe, halikago ngakubiika mu maboko ga mwami Nebukandeneza weꞌBabeeri. Yabo booshi, kundu bangafuushuka mu kirya kiija, niꞌzibo, niꞌshali, haliko ulya Nebukandeneza, ndaazo ndengeerwa zo agabayuvwirwa, mbu abakejeerere. Aahabi! Si agayami bayilala mwo, gira abayite.

Yeremiya 36:31

Bwo beene Yoyakimu bâli kizi yifundaga mu mabi, kyo kitumiri ngamúhana, kuguma naꞌba mu kibusi kyage, kiri naꞌbakozi baage. Kiri naꞌbatuulaga beꞌYerusaleemu, ngabayogogoza kuguma naꞌbandi Bayuda booshi. Ee! Ngabahaniiriza, nga kwo nâli mali gwanwa nabakengula. Mukuba batâli ndwaziizi.”»

Kimombo 2:17

Yubwo buhanya, bukakoleka nga kwo Nahano âli mali gwanwa abushungika. Kwokwo, kwo akatulagaania, keera anabukwizagya. Akaaya keꞌYerusaleemu, ndaakyo kimino kyo akakayuvwirwa, si akayami kahongola. Buno, abagoma baage bakola mu kahonyoleza, ti honyo! Yabo bagoma baawe, keera akabahemya amatwe!

Hezekyeri 22:22

Nga kulya iharija iri mu kizi jongolokera mu fuuru, kwo na niinyu mugajongolokera mu kaaya. Nie Nahamwinyu! Haaho, lyo mugaamenya ku kasiisa kwo nie kamùrakarira.»

Hezekyeri 23:49

«Na niinyu, e Ohola na Oholiba! Bwo mwâli kizi shulehana, mwanakizi yikumba imigisi, kyo kitumiri ngamùhaniiriza. Kwokwo, lyo mugaamenya ku kasiisa kwo nie Rurema Nahamwinyu.»

Hezekyeri 5:11

Nga kwo nyamiri ho, nie Rurema Nahamwinyu nakyula kwokuno: Bwo keera mukayulubaza inyumba yani, ku njira yoꞌkugibiika mweꞌmigisi, neꞌbindi íbiri mu yagazania, naani ndagaki mùkejeerera, ndaanaye ugatoloboka.

Hezekyeri 7:10

«Lolagi! Lulya lusiku, keera lwahika! Ndaanakwo kundi! Kundu kwokwo, mwehe, mukiri mu komeresania bweneene, iri munayikangaata. Ku yukwo, mukola mugashereezibwa.

Hezekyeri 7:8

Buno, ngola ngamùhaniiriza ku buraakari bwani. Ee! Ngamùhana ngana-ngana, bwo mwâli kizi gira ibitalaalwe, halinde mwananyaagaza bweneene.

Mika 6:9

Iri mwangaba mulyagagi bitegeereza, mugasimbaha Nahano! Ikyanya akola agaahana, mukizi múbiika kwoꞌbutwaze. Izu lyage ligweti ligaberangira mu kaaya keꞌYerusaleemu kwokuno:

Bagalatiya 6:7

Mutakizi yiteba, mbu mwangahenduula Rurema! Ngiisi byoꞌmundu ali mu byala, byo na byebyo byo ali mu yimbula.

Bwigule 20:13

Ngiisi ábakafwira mu nyaaja, zikabayulubula. Narufu na Nakuzimu nabo, banatanga bo bâli gweti. Ngiisi mundu anatwirwa ulubaaja ukukulikirana neꞌmikolezi yage.