Hezekyeri 7:24 - Kifuliiru

²⁴ Ngaleeta banakuhambwa ukulyoka mu mahanga, gira bayiji hyana inyumba zaꞌbandu baani. Na kwakundi, ahandu haabo hoꞌkuyikumbira hagayulubazibwa. Kwokwo, kwoꞌbwikangaate bwabo, bugaamala.

Hezekyeri 7:24 ပူးပေါင်းရင်းမြစ်များ

Ndondeko 47:26

Yusefu anabiika ulubaaja mu kihugo kyeꞌMiisiri, kwo ngiisi Mumiisiri yeshi, ku mwimbu gwage, akwaniini akizi tangira Faraho umutuli muguma gwa kataanu. Yulwo lubaaja, lunakiri ho, halinde zeene. Si amatongo gaꞌbagingi naaho, go gatakaba bindu bya Faraho.

Zaburi 106:41

Anabatangaga mu maboko geꞌbinyamahanga. Yibyo binyamahanga, kwo byâli bashombiri, byanabatwala buligo.

Zaburi 74:7

Ha nyuma, banagisingoola, halinde yanajigimba yoshi. Bakagiyulubaza, munali mwiꞌziina lyawe lyâli kizi yivugwa.

Zaburi 83:12

Yabo bagoma, abanalushaagwa baabo bafwe, nga Horebu na Zeebu. Abatwali baabo booshi baminikwe nga Zeeba na Salumuna.

Hisaaya 5:14

Kwokwo, bakoli balindiriiri i nakwere, keera yanayashuula akanwa kaayo. Iyo munda i nakwere, abanalushaagwa beꞌYerusaleemu, kiri naꞌbagunda, booshi bakoli lindiiri ukumanukira yo, kuguma naꞌbalalwe booshi ábagweti bagaagira akalugi.

Yeremiya 12:12

«Hooshi ku marango, abasirikaani bakola mu yiji shahula ibindu. Yabo basirikaani, nienyene nie kabatumira, gira bashereeze ikihugo kyoshi, ndaanaye mundu úgakituula mwo ku butoge.

Yeremiya 17:4

Yikyo kihugo, kundu nâli mali gwanwa namùheereza kyo, si buno ngola ngamùnyaga kyo, munagendi ba baja i mahanga. Mukuba, uburaakari bwani, bukoli yasiri ngana nga muliro. Gutanâye zime, halinde imyaka neꞌmyakuula!»

Yeremiya 4:7

Abasirikaani bagahuluka, nga ndare íkola mu vuvunyuka mwiꞌbundo lyayo. Ee! Nakiminika keera akashaaga mu kihugo kyage, anakola mu njira, gira ayiji shereeza ikihugo kiinyu. Utwaya twinyu tugasigala biguuka, ndaanaye mundu úgatutuula mwo.

Yeremiya 6:12

Inyumba zaabo, zigahaabwa abandi bandu, kiri neꞌndalo zaabo, na bakaabo. Ngabahana ngana-ngana ku bushobozi bwani.» Kwokwo, kwo Nahano adesiri.

Kimombo 5:2

Ngiisi byo tukahyana, ibinyamahanga keera bikatushahula byo, byanatunyaga kiri neꞌnyumba ziitu.

Hezekyeri 21:2

«E mwana woꞌmundu, ulangiize uluhande lweꞌkisaka, unatange ubuleevi hiꞌgulu lyaꞌbatuulaga ba mu mbako zeꞌNegebu.

Hezekyeri 21:31

«Nie Rurema Nahamwinyu nadetaga kwokuno: Umulondo gwawe gwoꞌkusoosa kwiꞌtwe, noꞌlushembe lwawe lweꞌkyami, bagakuhogola byo. Mukuba byoshi bigahinduka. Ngiisi ábashuba bakulu, bakola bagabiikwa haashi. Na ábashuba bagunda, bo bakola bagakuzibwa!

Hezekyeri 24:21

mbwire Abahisiraheeri kwokuno: “Rurema Nahamwitu adetaga kwokuno: Ngayulubaza inyumba yani, kundu mugweti mugayikangaata hiꞌgulu lyayo, iri munagilangaalira. Neꞌkyanya muli mu kizi gilola-lola kwo, munashambaale bweneene! Kundu kwokwo, bagala biinyu na banyere biinyu ábakasigala i Yerusaleemu, bagayitwa ku ngooti.

Hezekyeri 28:7

kyo kitumiri ngola ngakuleetera ibinyamahanga, banali balangi ukuhima igindi milala yoshi. Bagayomola ingooti zaabo mu kyubati, banakushereegeze byoshi byo ugaaba walonga ku bwitegeereze bwawe, na ku bulenga bwawe.

Hezekyeri 33:28

Yikyo kihugo, ngakihindula libe ishamba limaata. Noꞌbushobozi bwo bâli kizi yikangaata mwo, bugaamala. Imigazi yeꞌHisiraheeri, igaashaka, ndaanaye mundu úgagilenga mwo.

Sefaniya 1:13

Ehee! Si abagoma baabo, bagayiji bashahula ibindu, halinde inyumba zaabo zinasigale mishaka! Kundu bagweti bagayiyubakira inyumba, haliko batagazituula mwo! Na kundu bagakizi byala imizabibu, haliko batagakizi nywa ku divaayi yayo.»