Hezekyeri 7:11 - Kifuliiru

¹¹ Bwo mukola mu kizi yitana, mukola mugaahanwa mu kuhimbulwa. Ndaaye úgasigala! Mukuba mweshi mukoli bihuusiri. Ubugale bwinyu, bugaamala, mutanâye ki yikangaate.

Hezekyeri 7:11 ပူးပေါင်းရင်းမြစ်များ

Zaburi 125:3

Banangora-mabi batagakizi twala hiꞌgulu lyaꞌbandu biija. Báki be babatwaziri, hali ikyanya yabo biija bangakengeera bakoleesa ubushobozi bwabo mu kugira amabi.

Zaburi 73:8

Bali mu shekerezania, iri banagambana, banali mu biikirana ikikando mu kati koꞌbwikangaate.

Zaburi 78:64

Abagingi baabo, kundu bakayitwa ku ngooti, haliko banamufwiri baabo, batâli hangwirwi ukubalirira.

Hisaaya 14:29

Mwe Bafirisiti mweshi, mwami weꞌHasuriya âli kizi mùkubula ingoni. Uyo mwami, kundu keera akashaajaga, haliko mutashambaale. Si umwana wage agabihuukaga ukuhima yishe. Ee! Mu mutumba gweꞌkihoma, mwo mugavyuka ikindi kikayu. Yikyo kindi, kinabe naꞌmanjoka-njoka, kinakizi mùkoma.

Hisaaya 5:7

Iyo ndalo yeꞌmizabibu, gulyagagi mulala gwaꞌBahisiraheeri. Neꞌmizabibu miija, bali bandu beꞌBuyuda. Nahano woꞌbushobozi bwoshi ye mwene yo, anâli gikuuziri bweneene. Yabo bandu, Nahano âli loziizi kwo bakulikirage imaaja zaage, banatuule ku njira íkwaniini. Si bâli kizi yamiza-yamiza naaho, mu kukomeresania, iri banakizi yitana.

Hisaaya 9:4

Ibiraato byaꞌbasirikaani, kiri neꞌbyambalwa byabo íbiyijwiragi imiko, keera bikakabulirwa mu muliro, byanasingooka.

Yeremiya 22:18

Nahano anashubi detaga kwokuno hiꞌgulu lyoꞌlya Yoyakimu, mugala Yosiya weꞌBuyuda: «Uyo mwami, ku kyanya agaafwa, ndaaye úgamúlirira, ti: “Yayewe, e mwene witu! Yayewe, e mwali wani!” Bataganamúlirira, ti: “Yayewe, e nahamwitu, we munalushaagwa! Si ulwawe keera lwahikaga!”

Yeremiya 25:33

Ku kyanya Nahano agaminika abandu, ibirunda byabo bigashaabukira i bulambo, binalambikwe hooshi mu kihugo nga nagiira. Ndaanaye úgabikuumania, ndaanaye úgabalirira, mbu abiziike.

Yeremiya 6:7

Amabi gakola mu hinga mwo, nga kulya amiiji gali mu huluka mu kirigo. Abandu baamwo bakola mu teerana, iri banayitana. Akaaya kooshi kakolaga mwaꞌkamburugu. Byo ngweti ngakabona mwo naaho, gali malwazi neꞌnguma.

Yeremiya 7:34

Mu mitalimbwa yeꞌYerusaleemu, kiri na hooshi mu tundi twaya tweꞌBuyuda, hagasigala munyerere, shee! Ikisegengo kyeꞌsiku ngulu kigaamala, kiri neꞌkyaꞌmageni. Ikihugo, kinasigale mushaka.»

Hezekyeri 45:9

Rurema Nahamwitu adetaga kwokuno: «E batwali baꞌBahisiraheeri, ibyaha biinyu keera byakavya ma! Ku yukwo, muleke ukukizi shundeeza abandu, iri munabanyukula ibyeꞌmwabo. Si mukizi fiitirwa mu kukizi gira íbikwaniini na íbitungiini imbere zaani. Muleke ukukizi zimba abandu baani. Kwokwo kwo nie Rurema Nahamwinyu ndesiri.

Hezekyeri 5:11

Nga kwo nyamiri ho, nie Rurema Nahamwinyu nakyula kwokuno: Bwo keera mukayulubaza inyumba yani, ku njira yoꞌkugibiika mweꞌmigisi, neꞌbindi íbiri mu yagazania, naani ndagaki mùkejeerera, ndaanaye ugatoloboka.

Hezekyeri 5:4

Unashubi yabiira utundi tudende nga tunga, unatulashe mu muliro, gira tusiriire. Yugwo muliro gugakwira mu Bahisiraheeri booshi.»

Hezekyeri 6:11

Nie Hezekyeri, Rurema Nahamwitu, anambwira kwokuno: «Ukome amagasha, unasirimbe iri unakizi yiberekaania, ti: “E Bahisiraheeri! Yayewe imwinyu!” Mukuba, amabi gooshi go mwâli kizi gira mu kunyaagaza, gakola gagamùyitiisa mwiꞌzibo, na kwiꞌshali, na ku kiija.

Hezekyeri 7:16

Ngiisi ábakafuushukira mu migazi, ikyanya bagayiganyira hiꞌgulu lyeꞌbyaha byabo, abandu bagabayuvwa bali nga ngunde za mu kabanda.

Hezekyeri 7:2

«E mwana woꞌmundu, Rurema Nahamwitu abwira Abahisiraheeri kwokuno: Kikola kyanya kyeꞌmberuuka! Ee! Amahanga gooshi gahika ku mbeka!

Hezekyeri 7:23

Mu kaaya keꞌYerusaleemu, abandu baani bali mu komeresania mwo. Naꞌhandi hooshi mu kihugo, bagweti bagayona umuko. Aaho! Mukizi tulaga iminyororo, gira mubashweke.

Hezekyeri 8:17

Nahano anashubi mbwira: «E mwana woꞌmundu, yibyo byoshi, ka ubibwini? Aaho! Yaba Bayuda, kundu bagweti bagaagira íbiri mu yagazania, si batatwaziizi! Keera bayijuza ikihugo mwoꞌbwitani, banakaviriziizi ukunyaagaza. Lolaga, ngiisi kwo bagweti baganjologosa!

Hamoosi 3:10

Nahano adetaga kwokuno: «Abandu baani, bataki yiji ngiisi kwo bangagira íbikwaniini! Inyumba zaabo ngomu, si ziyijwiragi mweꞌbindu byo bakanyaga!»

Hamoosi 6:3

Ulusiku lweꞌnguuke, kundu lukolaga lugayija, mutaloziizi ukukizi yitoneesa hiꞌgulu lyalwo. Si ikyanya mugweti mugayifunda mu mabi, lyo mugweti mugaluyegereza!

Mika 2:2

Ikyanya muli mu ba muyifwijiri indalo, muli mu yami zinyaga. Neꞌri mwangaloozagya inyumba za beene, muli mu gungana mu kuzinyaga. Muli mu gungana, mu kunyaga ibya beene, kiri noꞌbuhyane bwa beene.

Mika 3:3

Mugweti mugakizi shulula iminyofu yaꞌbandu baani, noꞌluhu lwabo, munavune naꞌmavuha gaabo. Muli mu batenga-tenga nga nyama ízigadeekerwa mu nyungu. Iyo iminyofu yabo, mukabuli kizi givwajagira.»

Mika 6:12

Abagale ba mu kaaya kiinyu, bagweti bagayitana. Abandu biinyu bakoli komiiri ukukizi beesha, batanganaki hasha ukudeta íbiri ukuli.

Sefaniya 1:18

Yulwo lusiku, Nahano agaaba akoli barakariiri bweneene, batanaki kizibwe, mbu bwo batanga ifwaranga kandi iri inooro. Mukuba agaaba akoli yuvwiti uluugi ngana, halinde ikihugo kyoshi kinasingooke. Ee! Agaamala abandu booshi ba mu kihugo!

Yakobo 2:13

Iri abandu bangaba batali mu bonerana ulukogo, iri nabo batagalubonerwa. Haliko, iri bangaba bali mu lubonerana, iri nabo, mu kutwirwa ulubaaja, bagaakogwa.