Hezekyeri 6:3 - Kifuliiru

³ “E migazi yeꞌHisiraheeri! Muyuvwirize bwija ngiisi kwo Rurema Nahamwitu adesiri: Ngweti ngakyula hiꞌgulu lya ábatuuziri mu migazi, na mu tugangazi, na mu misima, kiri na mu tubanda. «“Yuvwagwi ngiisi kwo ndesiri: Ngamùteera neꞌngooti. Na ngiisi ho muli mu yikumbira imigisi, ngahashereeza.

Hezekyeri 6:3 ပူးပေါင်းရင်းမြစ်များ

1 Baami 14:23

Banayiyubakira ahandu hoꞌkuyikumbira ku ngiisi irango, iri banahashinga amabuye mataluule. Na mwiꞌdako lya ngiisi kiti kyeꞌbihunda bingi, banayimangika heꞌmigisi yoꞌmuzimu Hasheera.

Hisaaya 27:9

Kwokwo, kwo Rurema agahotola amabi gaꞌBahisiraheeri. Mango ayusagya, ututanda twoshi tweꞌkipagaani tugavungulwa, tunasigale luvu naaho. Ndaagwo mugisi gwa Hasheera úgugasigala, kandi iri akatanda koꞌkuguyokera kwoꞌmubadu.

Hisaaya 30:25

Ku yikyo kyanya, abagoma biinyu bagaaba keera baminikwa. Neꞌnyingo zoꞌtwaya twabo, zinabe zikola mishaka. Haliko mwehe, mu ngiisi migazi noꞌtugangazi, mugakizi hinga inyiiji.

Yeremiya 2:20

«Ukulyokera kare, muyamiri muli mu huna imbere lyani. Kundu mwâli riiri bakozi baani, haliko mukanyihandula kwo. Mwâli riiri nga shuuli íri mu twisa imigozi. Mwanambwiraga, ti: “Twalahira, kwo tutagakizi kukolera!” Mwanakizi gwejeraga lugali nga mushule, ku ngiisi higangazi, na mwiꞌdako lya ngiisi biti íbidoohiri.

Yeremiya 22:29

E kihugo kyeꞌBuyuda! E kihugo kyeꞌBuyuda! E kihugo kyeꞌBuyuda! Uyuvwirize ngiisi kwo Nahano agweti agakubwira:

Yeremiya 3:23

Ku kasiisa, ikyanya twâli kizi yikumba imigisi ku tugangazi na ku migazi, lyo twâli kizi tebeka bweneene. Ku kasiisa, Rurema Nahamwitu, yehe ye mwene ubukize.

Yeremiya 3:6

Ku kyanya mwami Yosiya âli twaziri, lyo Nahano akambwira: «Ka ubwini ngiisi kwoꞌmuhemu Hisiraheeri agweti agaagira? Si ali mu gendi yikumba imigisi ku marango, na mwiꞌdako lya ngiisi kiti íkidohiri.

Hezekyeri 36:8

Haliko, mwe migazi yeꞌHisiraheeri, mugatavika kweꞌbiti, binatongekere abandu baani ibitumbwe. Masaasa atabukwa, yabo bandu baani bakola bagataahira imwabo.

Balaawi 26:25

Na ku bwenge mugaaba muhongwiri ikihango kyani, ngamùtibulira mwiꞌzibo. Na kundu mwangagira mbu mugendi yibisha mu twaya, haliko ngamùmwagulira mweꞌkiija, gira mumale, munabiikwe mu maboko gaꞌbagoma biinyu.

Balaawi 26:30

Bwo ngaaba ngoli mùjinikiiri, ngamùsheregeza ho mugweti mugayikumbira imizimu. Kiri noꞌtutanda two muli mu giyokera kwoꞌmubadu, ngatuhongola. Ibirunda biinyu, ngabilasha ku migisi yinyu ífwiri namunyogo.

Hamoosi 7:9

Ha yizo mbeero zeꞌmizimu, heꞌkibusi kya Hisake bali kizi gendi yikumba ku marango, ngazishereeza lwoshi-lwoshi. Kiri neꞌnyumba zaabo ndaluule, nazo ngazihongola. Ee ma! Imbaga yoshi ya mwami Yerobwamu, ikolaga igaminikwa.»

Mika 6:1

Muyuvwirize! Si Nahano ambwira kwokuno: «Yimuka, uyibulanire kwiꞌzu lihamu. Ikyanya ugaadeta, utugangazi naꞌmalambo tugaaba tumasi, banakuyuvwe.»

Mika 6:2

E malambo! Muyuvwagwe ngiisi kwo Nahano agalegana. Na niinyu mweꞌndaliro zeꞌkihugo, muyuvwirize kwakundi. Nahano agweti ulubaaja naꞌbandu baage. Agweti agabuulania Abahisiraheeri.