Hezekyeri 40:5 - Kifuliiru

⁵ Lyeryo, nanabona inyumba ya Rurema, imbuga, izungulusirwi neꞌkibambaazi. Uyo mundu anayabiiraga lirya isanga lyoꞌkugera mwo. Ubula-bula bwalyo, zâli hisiri meetere zishatu. Kwokwo, analikoleesa mu kugera yikyo kibambaazi, anabona kweꞌkita kyakyo, zâli meetere zishatu, neꞌkimango, zindi meetere zishatu.

Hezekyeri 40:5 ပူးပေါင်းရင်းမြစ်များ

Zaburi 125:2

Nga kweꞌmigazi isokaniini akaaya keꞌYerusaleemu, kwo na kwokwo Nahano asokaniini abandu baage, ukulyokera buno, halinde imyaka neꞌmyakuula.

Hisaaya 26:1

Ku yikyo kyanya, Abayuda booshi bagakizi yimba kwokuno: Twehe, akaaya kiitu kalyagagi kazitire. Ee! Rurema ali mu tukiza ku njira yeꞌnzitiro ngomu.

Hisaaya 60:18

Mu kihugo kiinyu, mutâye ki yuvwe kwaꞌbandu bakomeresania mwo. Kitaganaki shereezibwa, kandi iri kisigwa mushaka. Inzitiro ziinyu, mugakizi zideta Bukize. Neꞌnyiivi zaazo, mugakizi zideta Bwivuge.

Hezekyeri 41:8

Iri nꞌgaloleekeza, nanabona kwo yizo nyumba ízâli zungulusiri inyumba ya Nahano zo zâli shuumiri bweneene ukuhima izindi zooshi. Zâli sumbiri izaabo ku meetere zishatu.

Hezekyeri 42:15

Ulya mundu, iri akaba keera ayusa ukugera bulya bululi bwa mu nyumba ya Rurema, anambulusa mu kundeeza mu mulyango úguli uluhande lweꞌsheere. Ha nyuma, anagera ulubuga nalwo.

Hezekyeri 42:20

Kwokwo, kwo akagera yizo mbande zooshi, zanâli meetere magana gabiri na makumi gataanu, ku meetere makumi gataanu. Ikibambaazi kyo kyâli kizi handula Ahandu Heeru na haꞌbandu booshi.

Hezekyeri 43:13

Akatanda koꞌkusiriigiza kwaꞌmatuulo, ibigero byako byo byebino: Ulutaliro lwako lugaaba lweꞌsendimeetere makumi gataanu, ku sendimeetere makumi gataanu. Bagakazungulusa ingera, nayo ukuyika zigaaba sendimeetere makumi gabiri na zitaanu.

Zakariya 2:5

Nanashubi langiiza, nanabona umundu afumbiiti umugozi gwoꞌkugera.

Bukengeeze 3:11

(Mwami Hoogi, ye wâli ki sigiiri mu Barefahimu. Ingingo yage, ikatulwa mu byuma. Yanâli neꞌmeetere zina, ku meetere hoofi zibiri. Iyo ngingo halinde zeene, ikiri mu kaaya kahamu kaꞌBahamooni, i Raba.)

Bwigule 21:12

Yako kaaya, kâli zungulusirwi noꞌluzitiro luhamu bweneene, lwanâli riiri lula! Lwâli riiri neꞌmiryango ikumi niꞌbiri. Na kwiꞌyo miryango, kwâli biisirwi abaganda ikumi na babiri. Na ngiisi mulyango gwâli laliirwi noꞌmuganda muguma-muguma. Ngiisi mulyango gwanâli yandisirwi kwiꞌziina lyoꞌmulala muguma-muguma gwaꞌBahisiraheeri, kwo iri ikumi niꞌbiri.