Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Hezekyeri 39:7 - Kifuliiru

7 Ngayereka abandu baani Abahisiraheeri ngiisi kwiꞌziina lyani liri lyeru. Ndagaki leka kwo likizi gayirizibwa. Haaho, lyeꞌbinyamahanga bigaamenya ku kasiisa kwo nie Nahano, Rurema Mutaluule waꞌBahisiraheeri.

အခန်းကိုကြည့်ပါ။ ကော်ပီ




Hezekyeri 39:7
23 ပူးပေါင်းရင်းမြစ်များ  

Izaburi ya Dahudi. E mutima gwani, ukizi huuza Nahano. Ngiisi íbindi mwo, ukizi huuza iziina lyage, kwo liri litaluule.


«Iziina lya Nahano, Rurema wawe, utakizi lilyogooza. Mukuba, ngiisi úgakizi lilyogooza, agaharuurwa kwo ali munamahube.


Mwe batuulaga beꞌSayuni! Mubandire Nahano akabuuli, awi yiyi yiyi! Ee! Ali Mutaluule waꞌBahisiraheeri. Anatuuziri mu kati kiinyu, ku njira ya kahebuuza!»


E Senakeribu, nyandi ye ugweti ugagayiriza? Nyandi ye ugweti ugatuka? Keera wateerera umulaga hiꞌgulu lya nyandi? Ugweti ugahenekera nyandi ku bwikangaate? Si ali Rurema, Umutaluule waꞌBahisiraheeri!


E Bahisiraheeri, Nahano Lukiza winyu, anali ye Mutaluule, adeta kwokuno: «Hiꞌgulu liinyu, ngalungika abasirikaani bagendi teera i Babeeri. Inyiivi zaꞌkaaya kaabo, ngazivungula. Balya Bababeeri banabuli bululuka.


Niehe, nie Nahano Rurema winyu! Ndi Mutaluule waꞌBahisiraheeri, na ndi nie Lukiza winyu. «Mu kumùguluula, nꞌgatanga ikihugo kyeꞌMiisiri, kiri na kyeꞌKuushi na kyeꞌSheeba.


Nahano ali Mutaluule waꞌBahisiraheeri, anali ye mulemi wabo. Adetaga kwokuno: «Si mugweti mugambuuza, mbu biki íbyâye be? Munali mu mbuuza ku biloziri abaana baani. Ikyanya ndi mu kola igambo, muli mu kizi mbamuliza hiꞌgulu lyalyo.


Ngiisi ábali mu mùlibuza, ngakyula kwo balyagage iminyofu yabo boonyene. Na mbanywese noꞌmuko gwabo, halinde gunabalaluse, nga banywa idivaayi yeꞌkishogwe. Niehe, nie Nahano! Kwokwo abandu booshi bagaamenya kwo nie wamùkiza, nanamùguluula. Nie Rurema wa Yakobo, Rurema woꞌbushobozi bwoshi!»


Yibyo binyamahanga, kundu utabiyiji, ikyanya ugabitumira, binakuyitabe. Ee! Bigayija ngana, bwo Nahano keera akakugingika. Ye Rurema wawe, anali Mutaluule waꞌBahisiraheeri.


Abagoma biinyu, kundu bâli kizi mùlibuza, halikago, bagakizi yija bagosiri imbere liinyu. Ee! Ngiisi ábâli kizi mùneguraga, leero bagakizi mùfukamira. Bagakizi mùbuuza Kaaya ka Nahano, banamùbuuze Sayuni, kaaya koꞌMutaluule waꞌBahisiraheeri.


Abandu ba mu tulira, nie babiisiri kwoꞌmulangaaliro. Amashuba ukulyoka i Tarasisi gagatee yija gaheesiri abaana biinyu, kuguma neꞌharija zaabo neꞌnooro. Kwokwo, kwo bagagingika Rurema Nahamwinyu, bwo ali Mutaluule waꞌBahisiraheeri. Niinyu, Rurema agweti agamùgingika.


«Halikago, nanashubi shiginya ukubahaniiriza, gira iziina lyani litayiji kengeera lyagayirizibwa mu binyamahanga. Mukuba, bikayibonera ngiisi kwo nꞌgahulusa Abahisiraheeri mu kihugo kyeꞌMiisiri.


«E Bahisiraheeri, nie Rurema Nahamwinyu ngweti ngaadeta kwokuno: Mugendererage ngana noꞌkukizi yikumba imigisi yinyu. Haliko, hagaatama munashubi nzimbaha, mutanaki shubi ndeeza ishoni, mu kutanga amatuulo giinyu imweꞌmigisi.


Haliko, nanaleka ukugira kwokwo, gira iziina lyani litayiji kengeera lyagayirizibwa mu bandu beꞌgindi milala bo batuliinwi. Mukuba, yabo bandu bakayibonera ngiisi kwo nꞌgayitanga mu Bahisiraheeri, ku kyanya nꞌgabahulusa mu kihugo kyeꞌMiisiri.


Yiryo iziina lyani, kundu mwâli kizi ligayiriza mu yibyo binyamahanga, haliko ngaki yerekana ngiisi kwo liri lihamu. Kwokwo, lyo nabo bagaamenya kwo nie Nahano, banamenye na ngiisi kwo ndi mweru. Kwokwo, kwo nie Rurema Nahamwinyu ndesiri!


«Haaho, ibinyamahanga íbigasigala bimùzungulusiri, bigaamenya ku kasiisa, kwo nie Nahano, na kwo ndi mu yubakulula íbishubi sherebiiri. Na ndi mu byala imbuto mu kihugo íkyâli mali shaka. Kwokwo, kwo nie Nahano ndesiri, kwo nganagira.


Munagendi teera abandu baani Abahisiraheeri, mu kubazinga nga kulya ikibungu kiri mu zinga ikihugo kyoshi. E Googi! Ku kyanya ngamùlungika kwo mugendi teera ikihugo kyani, lyeꞌbinyamahanga bigaamenya kwo nie namùkoleesa, binayibonere ngiisi kwo ndi mweru.


Kwokwo, lyo ngayereka ibinyamahanga ngiisi kwo ndi mukulu, na ngiisi kwo ndi mweru. Kwokwo, lyo bagaamenya ku kasiisa kwo nie Nahano.»


Ukulyokera ku yikyo kyanya, Abahisiraheeri bagaamenya ku kasiisa kwo nie Nahano Rurema wabo.


«Haliko, nie Rurema Nahamwinyu nadetaga kwokuno: Buno, ngola ngashubi kejeerera Abahisiraheeri, na mbalyose mu buja. Kwokwo, liꞌziina lyani lyeru lilonge ukukizi gingikwa.


Nie Rurema Nahamwinyu nadetaga kwokuno: Lulya lusiku lweꞌkihano, ukuyija, lugayija ngana. Lunali lwolwo lwo nâli mali gwanwa nadeta.


«Hatanagire úgatanga umwana wage, mbu libe ituulo lyoꞌkusiriiza imwoꞌmuzimu Moleki. Nga wangagira kwokwo, ugaaba wangayiriza. Niehe, nie Nahano Rurema wawe.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ