Hezekyeri 38:8 - Kifuliiru

⁸ «Ha nyuma lyeꞌmyaka mingi, mwâye hamagalwe, mbu mugendi teera ikihugo kyeꞌHisiraheeri. Yikyo kihugo, abandu baakyo bagaaba keera bakalyosibwa mu mahanga, banabe bakoli tuuziri mu mutuula mu migazi yabo.

Hezekyeri 38:8 ပူးပေါင်းရင်းမြစ်များ

Ndondeko 49:1

Ha nyuma, Yakobo anatumira bagala baage booshi, anababwira: «Mweshi mukumanage. Ngamùmenyeesa íbigamùkoleka kwo, mu siku ízigayija.

Kulyoka 20:5

Iyo migisi, utakizi kolwa mbu ugifukamire, kandi iri ugiyikumbe. Mukuba, niehe nie Nahano Rurema wawe, na ndi munaluugi. Iri abandu banganjomba, banakizi gira ibyaha, ndi mu haniiriza abaana baabo, halinde ku kibusi kya kashatu, kiri na ku kya kana.

Hisaaya 24:22

Booshi bagakumanibwa kuguma, banalashwe mu nyumba yeꞌmbohe. Mwomwo, mwo bagashwekerwa imyaka mingi, halinde ku kyanya bâye twirwe kweꞌmaaja.

Hisaaya 29:6

Nie Nahano woꞌbushobozi bwoshi, na ndi nie gamùlwira. Ngayija mu mukungulo, na mu misisi, na mu lujongo, na mu kihuhuuta kya kwingi-kwingi, na mu muliro úguli mu jigiivya.

Hisaaya 8:9

Mwe binyamahanga, kundu mugakizi banda akaluulu mwiꞌzibo, haliko mugaki vunika ngana! Yuvwi, mwe mulyosiri ku mbeka zeꞌkihugo! Kundu mugweti mugayikomeereza kwiꞌzibo, si mugavunika bitolo-bitolo! Ee! Kundu mugweti mugayikomeereza kwiꞌzibo, si mugavunika ngana!

Yeremiya 23:6

Mu butwali bwage, lyeꞌkihugo kyeꞌBuyuda kigakizibwa, halinde umunyerere gunatoole mwo. Uyo mwami agakizi buuzibwa Nahano ye Lukiza Witu.

Yeremiya 30:18

Nahano adetaga kwokuno: «Ngakejeerera abandu baani, na mbagalulire mu kihugo kyabo, halinde bashubi tuula mwo. Utwaya twabo, kundu twâli mali siba, bagashubi tusibuula. Kiri naꞌkaaya keꞌYerusaleemu, bagashubi kayubaka mweꞌnyumba zoꞌmulimbo, nga kwo kâli tuula.

Yeremiya 30:3

Mukuba, abandu baani Abahisiraheeri, mu siku ízigayija, ngabalyosa mu mbohe, bali kuguma naꞌBayuda booshi. Na njubi baheereza ikihugo kyo nâli mali gwanwa naheereza bashokuluza baabo. Baabo, bo bagashubi kihyana.» Kwokwo, kwo Nahano adesiri.

Yeremiya 32:37

Nâli rakariiri Abahisiraheeri bweneene, nanabashabulira mu mahanga. Kundu kwokwo, ngola ngabagalula, halinde bashubi tuula mu kano kaaya, banakizi longa mwoꞌmutuula.

Yeremiya 32:5

Neꞌkyanya agaaba akolaga iyo munda, agabeera yo, halinde ukuhisa ku kyanya nienyene ngamúhana. Yabo Bababeeri, mugaagira mbu mubalwise, si mutagabahasha!» Kwokwo, kwo Nahano adesiri.

Yeremiya 33:16

Ku yikyo kyanya, abandu beꞌYerusaleemu bagakizibwa, kuguma naꞌbandi Bayuda, banakizi tuula ku butoge. Yako kaaya, bagakayinika iziina “Nahano ye mu tukiza.”»

Yeremiya 48:47

«Kundu kwokwo, yabo Bamohabu, mu siku ízigayija, ngashubi bagenduusa.» Kwokwo, kwo Nahano adesiri. Ubuleevi hiꞌgulu lyaꞌBamohabu, kwokwo kwo bumaziri.

Yeremiya 49:39

Nahano ashubi detaga kwokuno: «Balya bandu beꞌHelamu, iri hagalenga isiku, ngashubi bagenduusa, nga ngiisi kwo bâli tuula.»

Kimombo 4:22

E bandu beꞌSayuni! Si keera mukahanwa, munakoli ba baja hiꞌgulu lyeꞌbyaha biinyu! Kundu kwokwo, buno mukolaga mugalyoka yo. Halikago mwe bandu beꞌHedoomu, nanga! Mwehe, Nahano agaki mùhaniiriza hiꞌgulu lyeꞌbyaha biinyu. Ee ma! Yibyo byaha biinyu, agaki bibishuula!

Hezekyeri 28:26

Bagakituula mwo mu kati koꞌmutuula, banashubi yubaka inyumba, iri banabyale neꞌmizabibu. Ee ma! Yibyo binyamahanga byo babibikiinwi, kundu bibashombiragi, haliko ngaki bihana byoshi, halinde Abahisiraheeri banashubi tuula mu mutuula. Haaho, lyo bagayiji menya kwo nie Rurema Nahamwabo.»

Hezekyeri 34:13

«Ibibuzi byani, ngabilyosa mu mahanga, na mbikuumanie kuguma, halinde mbigalukire mu kihugo kyabyo. Ngabiragirira ku migazi yeꞌmwabo, na ha butambi lyeꞌnyiiji, na ngiisi haꞌbandu batuuziri.

Hezekyeri 38:14

«Ku yukwo, e mwana woꞌmundu! Utange ubuleevi bwoꞌkukanukira Googi, iri unamúbwira kwo nie Rurema Nahamwinyu nadetaga kwokuno: Abandu baani Abahisiraheeri, ikyanya bagaaba batuuziri mu mutuula, mugatondeera ulugeezi.

Hezekyeri 38:16

Munagendi teera abandu baani Abahisiraheeri, mu kubazinga nga kulya ikibungu kiri mu zinga ikihugo kyoshi. E Googi! Ku kyanya ngamùlungika kwo mugendi teera ikihugo kyani, lyeꞌbinyamahanga bigaamenya kwo nie namùkoleesa, binayibonere ngiisi kwo ndi mweru.

Hezekyeri 39:26

Ikyanya bagaaba bakoli tuuziri mu kati koꞌmutuula mu kihugo kyabo, buzira kushubi kakazibwa, lyo bagayami yibagira ngiisi kwo bakahuna imbere lyani, na ngiisi kwo bakateezibwa ishoni.

Habakuki 2:3

Yago mabone, galindiriiri ikyanya kyo gashungikiirwi kwo. Gagweti gagaadeta hiꞌgulu lyeꞌmberuuka, ganali goꞌkuli. Na kundu gangatinda, ulindirire naaho. Si gagakoleka ngana, gataganakeereza.

Muharuuro 24:14

«Kwokwo buno, namu galukira mu bandu baani. Haliko, ku kyanya ndazi galuka, ngatee gwanwa nakubwira ngiisi byo yaba bandu bagagirira abandu baawe, mu siku ízigayija.»

Bukengeeze 4:30

Mwe bakongwa mwe! Yaga malibu gooshi go namùbwira, iri gangayiji mùgwata, munabe mugweti mugalibuuka, haaho mukakengeere ukugalukira Nahano, munakizi músimbaha.

1 Peturu 2:9

Haliko mwehe, Rurema keera akamùtoola, anamùhamagala kwo mulyoke mu kihulu, munayingire mu mulengeerwe gwage gwaꞌkahebuuza. Na buno, mukolaga bandu baage. Mukola bagingi mu bwami bwage, munakola mulala mutaluule. Kwokwo, mukwaniini mukizi múhuuza.