Hezekyeri 32:2 - Kifuliiru

² «E mwana woꞌmundu, uyimbage ulwimbo lweꞌkimombo hiꞌgulu lya mwami weꞌMiisiri, ti: “E mwami weꞌMiisiri! Ugweti ugayikangaata mu binyamahanga nga mwana weꞌndare, unali naaho nga ngoona mu miiji. Ugweti ugayoga mu miiji gaawe, iri unagatwanga mu kugalibata-libata mwo, halinde gakundule.

Hezekyeri 32:2 ပူးပေါင်းရင်းမြစ်များ

Ndondeko 49:9

E mugala wani wa Yuda, ulyagagi nga mwana weꞌndare, keera úwavwajagira byo alonga i ruhiiviro, anashubi galukira mwiꞌbundo. Ulyagagi nga ndare íshubi jujamiri, inakoli gwejiiri. Aahago! Nyandi úwangaki givyula?

Hayubu 41:23

Ikyanya kiri mu yishagania mu nyaaja, amiiji gali mu ba nga gashera, ganatange ulufulo ngiꞌrengo lyaꞌmavuta.

Hayubu 7:12

Ndali kihuume kyeꞌnyamiishwa, ndanali kingisho-ngisho kyoꞌmujoka. Aahago! Kituma kiki mugweti mugambiikira umulaliizi?

Migani 25:26

Umundu woꞌkuli, ikyanya ali mu yiji yemeera amabi, ali mu ba nga shyoko íyatwanga, anali nga kirigo íkiri mweꞌbitwange.

Migani 28:15

Nangora-mabi, ikyanya ali mu twala ábatashobwiri, ali mu ba nga ndare ígweti igalunduma, anali nga kishokoma íkigweti kigaganga.

Migani 30:30

Indare, iri nyamiishwa íhiiti imisi ukuhima izindi zooshi. Iyo ndare, ndaayo gindi nyamiishwa yo yangayoboha.

Hisaaya 27:1

Yulwo lusiku, Nahano agaahana ikingisho-ngisho kyoꞌmujoka Levyataani, gulya úgutuuziri mu nyaaja. Yugwo mujoka, kundu guli mu kizi puumuka, gunali mu yizonga-zonga, si Nahano agayomola ingooti yage, anayami guyita.

Hisaaya 51:9

E Nahano woꞌbushobozi bwoshi! Vyuka maashi! Uvyukage! Ukizi koleesa ubushobozi bwawe, nga kwo wâli kizi gira yaho keera. Aaho! Ka utali we katema-tema kirya kingisho-ngisho Rahabu? Ka utanali we katumita kirya kingisho-ngisho kyoꞌmujoka gwa mu nyaaja?

Yeremiya 4:7

Abasirikaani bagahuluka, nga ndare íkola mu vuvunyuka mwiꞌbundo lyayo. Ee! Nakiminika keera akashaaga mu kihugo kyage, anakola mu njira, gira ayiji shereeza ikihugo kiinyu. Utwaya twinyu tugasigala biguuka, ndaanaye mundu úgatutuula mwo.

Yeremiya 46:7

«Banyandi baliira ábali mu heema ngoꞌlwiji Niire? Si bagweti bagasavya hooshi mu kihugo!

Yeremiya 46:8

Abasirikaani beꞌMiisiri, bakoli kwiziri hooshi mu kihugo, banagweti bagayihaya mbu: “Ngakwira mu kihugo kyoshi nga mwijulire gwaꞌmiiji. Ngayami shereeza utwaya twoshi, kiri na ábatutuuziri mwo.

Yeremiya 9:18

Mu kaaya keꞌSayuni, abandu bakola mu bululuka, ti: «Ala twe! Si twaheraga! Keera twayagagala lwoshi. Inyumba ziitu, keera zahongolwa, tunakola mu yimulwa mu kihugo kiitu.»

Hezekyeri 26:17

Haaho, banatondeere ukuyiganyira, iri banayimba ulwimbo lwoꞌkugandaara Tiiro kwokuno: “E kaaya ákalumbuusiri bweneene! Si abandu baawe bo bâli batwali ba ku nyaaja, halinde abandu banakizi bayoboha. Kundu kwokwo, ukoli shereziibwi. Abandu baawe, keera bayimulwa áhali inyaaja!

Hezekyeri 27:2

«E mwana woꞌmundu, buno uyimbage ulwimbo lwoꞌkugandaara akaaya keꞌTiiro.

Hezekyeri 27:32

Bagakizi jengeerwa hiꞌgulu lyawe, iri banakuyimbira ulwimbo lweꞌkigandaaro, ti: Ka hâli riiri akaaya ákali nga keꞌTiiro? Si keera katikira mu nyaaja, i buziba!

Hezekyeri 28:12

«E mwana woꞌmundu, uyimbire mwami weꞌTiiro ulwimbo lweꞌkigandaaro. Unamúbwire kwo nie Rurema Nahamwinyu nadetaga kwokuno: “Ushubi hiiti íbiri biija ngana, wanayijula ubwitegeereze bwoshi, unashubi nonosiri ngana-ngana!

Hezekyeri 29:15

Ee ma! Yubwo bwami, butagasikama, butanâye ki twale agandi maami. Bataganaki shubi yiheemya hiꞌgulu lyaꞌbandu beꞌgindi milala. Mukuba boonyene bagaaba bataki sikamiri.

Hezekyeri 29:3

Umúbwire kwo nie Rurema Nahamwinyu nadetaga kwokuno: E mwami weꞌMiisiri! Ngolaga mugoma wawe. Si ukola nga ngoona ígwejiri mu lwiji Niire! Unagweti ugayikangaata, ti: Luno lwiji luli lweꞌmwani! Mukuba nie kalubiika kwo lube ho.

Hezekyeri 32:16

«Ee ma! Yulwo, lwo lwimbo abandu bagakizi yimba, mu kugandaara Abamiisiri. Abakazi beꞌmahanga bagakizi luyimba hiꞌgulu lyeꞌkihugo kyeꞌMiisiri, naꞌbatuulaga baamwo booshi. Kwokwo, kwo nie Rurema Nahamwinyu ndesiri.»

Hezekyeri 32:18

«E mwana woꞌmundu, ulirire Abamiisiri booshi, gira yago malira gabamanulire i kuzimu, bagwane yeꞌbindi bikalage keera íbikafwa. Kwokwo, bagendi beeranwa naꞌbaabo ábakoli gimanukiiri.

Hezekyeri 34:18

Baguma biinyu bagweti bagaliisa ubwasi bwija. Haliko, imisigala yabwo, banagifine-fine. Na kwakundi, muli mu shyola amiiji miija. Haliko, amiiji ágasigiiri, munakizi gatwanga mu kugafina-fina mwo!

Hezekyeri 38:13

«Halikago, abatuulaga beꞌSheeba naꞌbeꞌDedaani, naꞌbadandaza beꞌTarasisi, kiri noꞌtwaya twayo, bagabuuzania, ti: “Ewe! Ka muhiiti ubushobozi bwoꞌkuyiji tunyagaza? Yabo basirikaani biinyu bo mwakuumania, ka mutoniri kwo bagaahasha ukutushahula inooro, neꞌharija, neꞌnguuli zeꞌbitugwa, neꞌbindi bindu?”

Muharuuro 24:9

Bali mu ba bayibishiri, mu kubunda haashi nga ndare. Aahago! Nyandi úwangagira mbu abavyule? Ngiisi ábagagashaanira Abahisiraheeri, nabo bakizi gashaanirwa. Si ngiisi ábagabadaaka boohe, bagakizi daakwa.»

Mataayo 7:24

«Yaga magambo gaani, ikyanya umundu ali mu ba agayuvwiti, anabe agasimbahiri, ali mu ba ngoꞌmwitegeereza úkayubakira inyumba yage ku lwala.