Hezekyeri 30:9 - Kifuliiru

⁹ Ku yikyo kyanya, ngalungika indumwa, zigendi kanga Abahendyopiya. Kundu bagweti bagayihenda, kwo baki tuuziri mu kati koꞌmutuula, haliko ikyanya Abamiisiri bagaminikwa, nabo bagalenga mwoꞌmusisi. Ee! Yulwo lusiku, ukuhika, lugaahika ngana!”

Hezekyeri 30:9 ပူးပေါင်းရင်းမြစ်များ

Hisaaya 19:17

Beene Yuda bagakizi teera Abamiisiri ikyoba bweneene! Ngiisi kyanya Abamiisiri bagakizi bakengeera, bagakizi lenga mweꞌkinyukura. Mukuba, Nahano woꞌbushobozi bwoshi akoli bashungikiiri ubuhanya naaho.

Hisaaya 20:3

Mu gwogwo mwaka, Nahano anashubi deta: «Umukozi wani Hisaaya keera ahisagya imyaka ishatu ali bukondwe, iri anagenda buzira biraato. Bwo akagira kwokwo, kali kalangikizo koꞌkumenyeesa i Miisiri neꞌHendyopiya, kwo byâye yogogozibwe.

Hisaaya 20:5

«Haaho, lyo yabo Bafirisiti bagashenguka. Mukuba, bâli langaliiri Abahendyopiya, kuguma naꞌBamiisiri, kwo bo bakola bagabatabaala mwiꞌzibo.

Hisaaya 23:5

Abamiisiri, ikyanya bagayuvwa ngiisi kwaꞌkaaya keꞌTiiro kashereezibwa, bagashenguka ngana-ngana!

Hisaaya 47:8

Yuvwagwa! Buno, we gweti ugayisimiisa mu byaꞌmagala! Uki vwagariiri, iri unayihaya kwokuno: “Ha nyuma lyani, ndaaye gundi! Ndâye be namufwiri, ndanâye fwirwe naꞌbaana!”

Yeremiya 49:21

Ikyanya bagaagwa, ikihugo kigajugumbana. Ikyanya bagayidehereza mu nduulu, igayuvwikana halinde ku Nyaaja Ndukula.

Yeremiya 49:31

«Yabo bandu baki jeberiiri mu kati koꞌmutuula. Aaho! Yimukagi, tugendi bashereeza. Yabo bandu, batuuziri haabo-haabo. Akaaya kaabo, katahiiti inyiivi, kandi iri migaliro.

Hezekyeri 24:14

Nie Nahano, byo ngweti ngaadeta, ngabikola. Ndaganaki shiginya, kwo nimùkejeerere. Si ngamùtwira ulubaaja, ukukulikirana na ngiisi byo mwâli kizi kola. Kwokwo, kwo nie Rurema Nahamwinyu ndesiri.»

Hezekyeri 26:16

Yabo batwali ba ku ngombe yeꞌnyaaja, ikyanya bagaabona ngiisi kwo mwashereezibwa, bagakanguka bweneene! Banalyoke ku bitumbi byabo byeꞌkyami, banakaturure ibyambalwa byabo byoꞌmulimbo, banayibwandalike haashi, iri banajuguma neꞌkyoba.

Hezekyeri 27:35

Abatuulaga booshi ba ku nyaaja, ikyanya bakabonaga íbikakukoleka kwo, banakanguka. Abaami baabo banayoboha bweneene, halinde amalanga gaabo ganayami zizibala ku mwizingeerwe.

Hezekyeri 33:33

Yubwo buhanya, ikyanya bugakolekaga, lyo bagayiji kebukwa ku kasiisa kwoꞌmuleevi abashuba mwo. Buganakoleka ngana.»

Hezekyeri 38:11

Munadetage, ti: “Ikihugo kyabo kitazitiirwi, ndaanayo miryango bagweti, kandi iri bihamiko. Aaho! Tugagendi kiteera. Si batuuziri mwo mu mutuula, buzira ngerania!

Hezekyeri 39:6

Ikihugo kyeꞌMagoogi, ngakiduulika mwoꞌmuliro, gunajigiivye kiri naꞌbatuulaga booshi ba mu tulira, kundu bajeberiiri. Kwokwo, lyo booshi bagaamenya ku kasiisa kwo nie Nahano.

Hamoosi 4:2

Rurema Nahamwitu keera ashiikiza ku bweru bwage kwokuno: «Mu siku ízigayija, abandu bagakizi mùloba, banamùshibule nga fwi kwiꞌgera.

Habakuki 2:3

Yago mabone, galindiriiri ikyanya kyo gashungikiirwi kwo. Gagweti gagaadeta hiꞌgulu lyeꞌmberuuka, ganali goꞌkuli. Na kundu gangatinda, ulindirire naaho. Si gagakoleka ngana, gataganakeereza.

Sefaniya 2:12

Nahano adetaga kwokuno: «Mwe bandu beꞌHendyopiya, niinyu ngamùyita ku ngooti.

Sefaniya 2:15

Yako kaaya keꞌNinaawi, abandu bâli katuuziri mwo ku malega, na mu butoge. Bâli kizi deta, ti: «E balya, si twe tushubi sumbiri abandi bandu booshi!» Aaho! Kuti kuno ukolaga mushaka unakoli ba igomberano lyeꞌnyamiishwa! Ikyanya abandu bagakizi lenga yaho, bagakizi kuhonyoleza, iri banashagania amaboko, mu kukushekeereza.

1 Batesaloniki 5:2

Si mwenyene muyijagi kwoꞌlusiku lwa Nahamwitu lugatutubiira, nga kwoꞌmuzimba ali mu tubiirana bushigi.

Batwi beꞌmaaja 18:7

Yabo bandu kwo bali bataanu, banalyoka yaho, banagenda i Lahishi, banagwana yaꞌbandu batuudu, na bazira luhahalizi lwoshi. Yabo bandu, bâli tuuziri mu butoge, nga bandu beꞌSidooni. Na mu yikyo kihugo kyabo kyoshi, mutâli riiri umukakazo gwoshi, kandi iri ikiteero kyaꞌbagoma. Na bweꞌkihugo kyabo kyâli riiri neꞌnagiira, kyanatuma bagaaba bagale bweneene. Kundu kwokwo, bâli tuuziri hala naꞌbandu beꞌSidooni, ndaanabo bandi bandu bo bâli komberiinwi.