Hezekyeri 30:4 - Kifuliiru

⁴ Umugoma agayiji teera ikihugo kyeꞌMiisiri. Yabo Bamiisiri, ikyanya bagayitwa, ibindu byabo bigashahulwa, neꞌndaliro zoꞌtwaya twabo zinahongolwe. Haaho, Abahendyopiya bagajuguma neꞌkyoba.

Hezekyeri 30:4 ပူးပေါင်းရင်းမြစ်များ

Hisaaya 16:7

Buno balya Bamohabu, bakola mu lirira ikihugo kyabo. Booshi bakola mu gongeera, iri banayidula imikate íkagirwa mu mizabibu i Kiiri-Hareseeti.

Hisaaya 18:1

Yayewe imwinyu, mwe bandu beꞌHendyopiya! Amatanga gaꞌmashuba giinyu, gali mu kizi laka.

Hisaaya 19:2

Nahano adetaga kwokuno: «Balya Bamiisiri, ngabateerania boonyene ku boonyene! Ee! Umundu agagendi lwisa mwene wabo. Noꞌmutuulani anagendi lwisa uwabo mutuulani. Akaaya kaguma kagagendi lwisa akaabo kaaya. Noꞌmwami muguma agagendi lwisa uwabo mwami.

Hisaaya 20:3

Mu gwogwo mwaka, Nahano anashubi deta: «Umukozi wani Hisaaya keera ahisagya imyaka ishatu ali bukondwe, iri anagenda buzira biraato. Bwo akagira kwokwo, kali kalangikizo koꞌkumenyeesa i Miisiri neꞌHendyopiya, kwo byâye yogogozibwe.

Yeremiya 46:9

Aahago! Mwe muli mu gendera ku fwarasi, na mu magaare giꞌzibo! Mugendi teera abagoma. Si mwe ndwani zeꞌMiisiri! Na niinyu mwe biira baabo ukulyoka i Hendyopiya neꞌPuuti! Ngahwe! Si mulyagagi bikalage mu kukoleesa isiribo! Kiri naꞌBaluudi, muli bikalage mu kufwora imiheto.”

Yeremiya 50:15

Mubandage akashiba ngiisi luhande! Lolagi! Balya Bababeeri keera bakayibiika mu maboko gaꞌbagoma. Inzitiro zaabo zooshi, keera zikayihongoleka haashi. Balya bandu, Nahano keera akabahaniiriza, nga ngiisi kwo bibakwiriiri. Aaho! Muyihoolage! Ngiisi kwo bakagira abandi, kube kwo na niinyu mugabagira.

Hezekyeri 28:23

Ngamùlungikira amalwazi, halinde imiko mingi inagolombe mu njira zaawe. Ugateerwa neꞌngooti imbande zooshi, halinde abandu baawe banaminikwe. Kwokwo, lyo mugaamenya kwo nie Nahano.”»

Hezekyeri 29:12

Kigaashaka bweneene ukuhima ibindi byaꞌgandi mahanga gooshi. Utwaya twinyu tugasigala biguuka, halinde ukuhisa yeyo myaka makumi gana. Na balya Bamiisiri boonyene, ngabashabulira mu mahanga, banagendi shumbika mu bandi-bandi bandu.

Hezekyeri 29:19

«Kwokwo, nie Rurema Nahamwinyu nadetaga kwokuno: Kirya kihugo kyeꞌMiisiri, ngakiheereza Nebukandeneza, mwami weꞌBabeeri. Yehe, agashahula ibindu byamwo byoshi, analonge byo agahemba mwaꞌbasirikaani baage.

Hezekyeri 29:8

«“E Bamiisiri! Nie Rurema Nahamwinyu nadetaga kwokuno: Ngamùlungikira abasirikaani, bamùteere neꞌngooti, halinde banamùyite kwo, kuguma neꞌbitugwa biinyu byoshi.

Hezekyeri 38:5

Mu yabo bandu, muli abasirikaani beꞌPerisiya, naꞌbeꞌHendyopiya, naꞌbeꞌPuuti. Kwo bali booshi, bahiiti isiribo neꞌngofeera zeꞌbyuma.

Danyeri 11:43

Agagendi nyaga inooro neꞌharija mu bihinda, kuguma neꞌbindi bindu byeꞌkishingo. Kiri naꞌbandu beꞌLibiya, naꞌbeꞌHendyopiya, bagamúkolera.

Sefaniya 2:12

Nahano adetaga kwokuno: «Mwe bandu beꞌHendyopiya, niinyu ngamùyita ku ngooti.