Hezekyeri 3:17 - Kifuliiru

¹⁷ «E mwana woꞌmundu, keera nꞌgakubiika ube mulaliizi waꞌBahisiraheeri. Aaho! Ikyanya ugayuvwa amagambo gaani, ugendi bayerekeza go.

Hezekyeri 3:17 ပူးပေါင်းရင်းမြစ်များ

2 Kutondobola 19:10

«Abandu beꞌBuyuda, ikyanya bagakizi yiji legana imbere liinyu, kuba ku bwitani, kandi iri kuhubira izindi maaja, mukizi bahanuula kwo batakizi yifunda mu byaha imbere lya Nahano. Buzira kwokwo, mwenyene mugayiji kengeera mwalonga ikihano kya Nahano, kuguma na beene winyu. Haliko mwehe, mukizi twa imaaja mu kati koꞌkuli, gira lyo muba bazira buhube.

Lwimbo Lwija 3:3

Iri hakatama, nanahulukira ku balaliizi baꞌkaaya, bagweti bagazunguluka. Nanababuuza: “Ka keera mwambonera ulya mukundwa wani?”

Lwimbo Lwija 5:7

«Abalaliizi baꞌkaaya, ikyanya bâli gweti bagazunguluka ku luzitiro, banayiji ngwana mu njira. Banatee mmota, banangomeeresa, banabuli nyugutula ulushungi kwiꞌtwe lyani.

Hisaaya 21:6

Ku kyekyo kyanya, Nahano anambwira: «Ugendi biika inaazi, gira ngiisi byo igaabona, iyiji kumenyeesa byo.

Hisaaya 21:8

Haaho, iyo naazi inateerage umulaga, ti: «E Nahamwitu, ngiisi lusiku ndi mu laliira ku niizo, halinde ku mukyo.

Hisaaya 52:8

Yuvwagwi! Abalaliizi baawe bali mu berangira, iri banabanda akabuuli, awi yiyi yiyi! Ikyanya Nahano agagalukira i Sayuni, bagamúyibonera masu ku gandi.

Hisaaya 56:10

Si ibirongoozi byabo ziryagagi mbuuta, binali bizeeze! Booshi bali nga tubwa tweꞌmishega, útutali mu moka. Bali mu lembwa niꞌro naaho. Banayamiri bali mu tendera, iri banaroroota.

Hisaaya 58:1

Nahano adetaga kwokuno: «Ukizi banda akashiba! Utanayihangirire! Uyiberekaanie bukayu, kwiꞌzu nga lyeꞌkibuga! Umenyeese abandu baani ngiisi kwo keera bahubira Rurema, mu kukizi yifunda mu byaha.

Hisaaya 62:6

E bandu beꞌYerusaleemu, inzitiro ziinyu keera nazibiika kweꞌnaazi. Yizo naazi zigakizi mùhuunira ubushigi niꞌzuuba. E balaliizi, si mwe muli mu tabaaza Nahano! Aahago! Mutâye hulike.

Yeremiya 1:7

Na wa Nahano, ti: «Nanga! Utadete mbu ukiri musore. Si ngiisi ho ngakulungika, ukwaniini ukuhagenda. Na ngiisi magambo go ngakutekerera, ukwaniini ukukizi gadeta.

Yeremiya 31:6

Mu yizo siku, abalaliizi bagakizi yimanga mu migazi ya Hifurahimu, banatange ikitambira, ti: E balya! Mugire tuzamuukire ku mugazi Sayuni, gira tugendi yikumba Rurema Nahamwitu.”»

Yeremiya 6:10

Nanashuvya: «Nyandagi ye nangakengula, halinde ananyuvwe? Si yaba bandu booshi balyagagi babitwitwi! Ikyanya ndi mu bakengula, batali mu nyuvwa. Si igambo lyawe, bali mu lijambuura, batanalitwaziizi.

Yeremiya 6:17

Nꞌgabiika abalaliizi, bakizi mùbwira, ti: “Yuvwi! Ikibuga kyoꞌkumùkengula keera kyalaka.” Halikago, mwanadeta: “Aahabi! Tutagatwaza!”

Hezekyeri 11:25

Ha nyuma, balya ábakatwalwa imbohe, nanatondeera ukubamenyeesa ngiisi kwo Nahano akanyereka.

Hezekyeri 11:4

«Ku yukwo, e mwana woꞌmundu! Ubatangirage ubuleevi! Ee! Ubatangire bwo!»

Hezekyeri 2:7

Kwokwo, iri bangakuyuvwa, kandi iri nanga, ngiisi byo ngakubwira, nabo, bibe byo ugababwira. Kundu kwokwo, balyagagi bahuni.

Habakuki 2:1

Niehe ngashonera ku lwingo lweꞌnaazi, mbeere yo. Ngakizi lindirira, nyuvwirize Nahano. Mukuba keera nꞌgamúyidodombera, na ndoziizi ukumenya ngiisi kwo aganjuvya.

Hagayi 1:13

Ha nyuma, ulya Hagayi, indumwa ya Nahano, anabwira abandu kwokuno: «Nie Nahano nadetaga kwo nyamiri ndi kuguma niinyu.»

Mataayo 3:7

Ulya Yohana, iri akabona ngiisi kwa Bafarisaayo naꞌBasadukaayo bagweti bagamúyijira ku bwingi, mbu ababatiize, anakizi bakanukira kwokuno: «Haliibwi! Si muli baana boꞌmujoka! Nyandagi úwamùkengula kwo mutibite uburaakari bwa Rurema, halinde butamùtibukire kwo?

1 Bakorindo 12:28

Mwiꞌshengero, Rurema akatee biika mweꞌndumwa. Ubwa kabiri, analibiika mwaꞌbaleevi. Ubwa kashatu, analibiika mwaꞌbigiriza. Ha nyuma, analibiika mwaꞌbandu boꞌkukizi gira ibitangaaza. Abuli libiika na mu bali neꞌkigabi kyoꞌkukiza abalwazi. Analibiika na mwaꞌbandu boꞌkutabaalana. Analibiika na mwaꞌbimangizi. Analibiika na mu bali mu deta ku zindi-zindi ndeto.

1 Bakorindo 4:14

Yaga magambo gooshi, íbyatuma namùyandikira go, kutali hiꞌgulu lyoꞌkumùbonia ishoni. Si ndoziizi ukumùhanuula, mwe baana baani bakundwa!

2 Bakorindo 5:11

Bwo tuyijagi kwo Nahano akwiriiri ukuyobohwa, tugweti tugayinginga abandu bweneene kwo bamúyemeere. Rurema atuyiji bwija nga ngiisi kwo tuli. Na ndangaliiri kwo na niinyu mukoli tuyiji bwija mu mitima yinyu.

2 Bakorindo 5:20

Tuli bandu bo Kirisito yenyene akatuma. Neꞌkyanya tuli mu mùyinginga, ali nga Rurema yenyene ye mu deta mu kati kiitu. Kwokwo, twamùyinginga kwiꞌziina lya Kirisito, kwo munywane na Rurema!

Bakolosaayi 1:28

Kyo kitumiragi tuli mu menyeesa abandu booshi hiꞌgulu lya Kirisito. Tuli mu bayigiriza ku bwitegeereze bwoshi, iri tunabahanuula. Kwokwo, lyo booshi, tukalonge ukubaleeta imbere lya Rurema, bakoli tungiini mu kati ka Kirisito.

1 Batesaloniki 5:14

E beene witu! Twamùyinginga kwo mukizi kengula aboolo! Na ábali mu yibumba-bumba, mukizi bakania imitima. Na ábali mu bukaholwe, mukizi batabaala. Mukizi yigenderera ku bandu booshi.

Baheburaniya 13:17

Mukizi simbaha abimangizi biinyu, iri munayibiika mwiꞌdako lyabo! Mukuba, bo bali mu yama balaaziri imitima yinyu. Na ngiisi byo bali mu giraga, Rurema agaki babuuza byo. Ku yukwo, mukizi basimbaha, gira lyo balonga ukukizi shagaluka mu mukolwa gwabo. Gutayiji kengeera gwabazidohera. Mukuba, iri gwangabazidohera, mutangaki gugenduukirwa mwo.