Hezekyeri 26:18 - Kifuliiru

¹⁸ Bwo keera mwagwa, mwanahimwa, ngiisi ábatuuziri ha butambi lyeꞌnyaaja, bagweti bagajuguma. Kiri na ábatuuziri mu tulira bakoli yobohiri!”

Hezekyeri 26:18 ပူးပေါင်းရင်းမြစ်များ

Hisaaya 41:5

Mwe binyamahanga mwe mutuuziri i kajabo keꞌnyaaja! Mulangiizagye, munalenge mweꞌkinyukura. Mugire muyilingikanie hiꞌgulu liꞌzibo, iri munajuguma.

Yeremiya 49:21

Ikyanya bagaagwa, ikihugo kigajugumbana. Ikyanya bagayidehereza mu nduulu, igayuvwikana halinde ku Nyaaja Ndukula.

Yeremiya 50:46

Ikyanya ikihugo kyeꞌBabeeri kigagwatwa, abandu booshi bagateerera induulu bweneene, neꞌkihugo kinajugumbane. Abandu ba mu mahanga gooshi bagayuvwa ngiisi kwaꞌBababeeri bakola mu bululuka ku kimombo.

Hezekyeri 26:15

«Nie Rurema Nahamwinyu nabwira abandu beꞌTiiro kwokuno: Ngiisi ábatuuziri ku butambi bweꞌnyaaja, bagaabona ngiisi kwo mwabezibwa inguma, na ngiisi kwo mugweti mugabanda akashiba mu kuyitwa. Neꞌkyanya mugayideedeka haashi, bagayami jungubana.

Hezekyeri 27:35

Abatuulaga booshi ba ku nyaaja, ikyanya bakabonaga íbikakukoleka kwo, banakanguka. Abaami baabo banayoboha bweneene, halinde amalanga gaabo ganayami zizibala ku mwizingeerwe.

Hezekyeri 31:15

«Nie Rurema Nahamwinyu nadetaga kwokuno: Kirya kiti, ulusiku kikalindimukiraga i kuzimu, haaho-haaho, hanaba ikigandaaro. Nanayami dagira utudota. Nanayumya neꞌnyiiji, halinde amiiji ganakama. Nanayambika Lebanooni imirondo miiru, mu kuyerekana umwizingeerwe. Neꞌbiti byoshi bya mu kishuka, byanayuma.