Hezekyeri 22:9 - Kifuliiru

⁹ Abandu biinyu bagweti bagabanganizania, gira balonge ukuyitana. Banali mu lya ibyokulya keera íbikatangwa imweꞌmigisi ku marango. «Abandu baawe banagweti bagayifunda mu busambani.

Hezekyeri 22:9 ပူးပေါင်းရင်းမြစ်များ

Zaburi 101:5

Ikyanya abandu bagakizi gamba abatuulani baabo, ngakizi yami bahulisa. Neꞌkyanya bagakizi yikangaata, banabe bali mu kyokolana, ndagabalekeerera.

Zaburi 106:28

Ha nyuma, iyo munda i Pehoori, banakomeerana na ábâli kizi yikumba umuzimu Baali, banakizi lya kiri naꞌmatuulo ágâli kizi tangwa imweꞌmizimu.

Zaburi 50:20

Uyamiri ugweti ugagamba mwene winyu. Kundu ali mwene winyu ye mubutanwa, si ugweti ugamúlega.

Kulyoka 20:16

«Utakizi bangaaniza umutuulani wawe.

Kulyoka 23:1

«Utakizi beesha. Utanakizi tabaala umunabyaha, mu kukizi mútangira ubumasi bweꞌbibeesha.

Migani 10:18

Ngiisi úli mu shombana ku bumbishwa, iri ali ndyalya. Na ngiisi úli mu bangaaniza uwabo, iri ali muhwija.

Migani 18:8

Amagambo goꞌlugamba gali mu hesha nga byokulya binunu. Abandu bali mu gamirangusa.

Migani 26:22

Amagambo goꞌlugamba gali mu hesha nga byokulya binunu. Abandu bali mu gamirangusa.

Yeremiya 6:28

Balya bandu baani, si booshi bali bahuni, banakola mindagabika. Bagweti bagabanganizania. Bali bakomu nga mulinga, kandi iri nga kyuma. Booshi bali banangora-mabi.

Yeremiya 9:4

Ngiisi mundu agweti agaateba uwabo. Ndaanaye úli mu deta ukuli. Abayuda keera bakayikomeereza ukukizi beesha. Na mu kukizi gira ibyaha, keera bayiluhya.

Hezekyeri 11:6

Si mu kano kaaya, keera mwayitira mwaꞌbandu katundu! Neꞌbirunda byabo, keera mwabiyijuza mu njira.

Hezekyeri 16:43

«Mu busore bwawe, nâli kizi kugirira amiija. Kundu kwokwo, utaki gakengiiri. Si ukoli gweti uganyaagaza bweneene, mu kugira amabi. We yoyo, wanashubi gayushuula kwoꞌbushule. Kwokwo, kwo nie Rurema Nahamwinyu ndesiri.

Hezekyeri 18:11

(Haliko yago mabi, yishe yehe atali mu gagira.) Uyo mwana, anabe ali mu kizi gendi lya íbyatangwa imweꞌmigisi ku marango. Anabe agweti agashuleha muka umutuulani wage.

Hezekyeri 18:15

Mukuba yehe, atali mu gendi lya íbyatangwa imweꞌmigisi ku marango. Atanali mu tabaaza imigisi. Atanali mu shuleha muka umutuulani wage.

Hezekyeri 18:6

Uyo mundu atagweti agaalya íbyatangwa imweꞌmigisi yaꞌBahisiraheeri ku marango, atanali mu giyikumba. Anabe atali mu shuleha muka umutuulani wage. Atanali mu menyana noꞌmukazi ku kyanya ali mu lwaꞌbakazi.

Hezekyeri 23:29

Na bwo bakoli kushombiri, bakola bagakunyaga byoshi byo ukakolera, banakusige bukondwe. Bwo ukolaga mushule, ishoni zigaboneka ku bweranyange. Yaga makuba, ubusambani bwawe,

Hezekyeri 24:13

«E bandu beꞌYerusaleemu, niinyu mumenyage kweꞌbyaha biinyu bikoli mùyulubaziizi. Kundu nageregeza ukumùyeruusa, bitanaziga. Kwokwo, ngatee mùhana ku buraakari bwani, lyoki, mukabuli yeruuka.

Hosheya 4:10

Kundu bagakizi lya bweneene, halikago batagakizi yiguta. Na kundu bagakizi shulehana, haliko batagakizi buta. Mukuba, nie Nahano keera bakanjanda, banakizi kulikira íbiri mu yikumbwa.

Hosheya 4:14

Kundu kwokwo, yabo banyere biinyu na bali-kazi biinyu, ndagabahana hiꞌgulu lyoꞌbushule. Mukuba, kiri naꞌbagingi bagweti bagaagira mwene byebyo byaha byoꞌkushulehana. Bali mu kizi yibiika ku yabo bashule, banagendi tangira imizimu amatuulo mu mbeero. Yayewe! Abandu, ku kyanya bakoli kubisirwi, iri ulwabo, keera lwamala!

Hosheya 4:2

Si mugweti mugadaakana, iri munabeesherana, noꞌkukizi yitana, noꞌkuyifunda mu bushule. Mutakiri mu yihangirira, mugenderiiri naaho noꞌkukizi yitana.

Hosheya 6:9

«Abagingi baani nabo, balyagagi nga banyazi, bwo bagweti bagategeera abandu, gira babayite. Ee! Ikyanya abalenga-njira bali mu genda i Shekemu, banayami bayita. Banali mu teezania ishoni, mu kugira íbitali nga byo.

Hosheya 7:4

Balya booshi, si balyagagi bashule! Bali mu lungumirwa bweneene nga muliro gweꞌfuuru, úguli mu yaka buzira kugusibwa ukulyoka ku kyanya umuyosi weꞌmikate ali mu kanda irobe halinde ku kyanya irobe ligaaba keera lyaheema.

Balaawi 19:16

«Mutakizi genda mugagambana. Mutanafunde umutuulani winyu, ho agaasiga itwe lyage. Niehe, nie Nahano.

Malaki 3:5

Nahano woꞌbushobozi bwoshi, adetaga kwokuno: «Ha nyuma, ngayiji mùhana. Ngayami yiji lega abanamaleere, naꞌbashule, naꞌbanabinyoma, na ábagweti bagagunga imbembo yaꞌbakozi, na ábali mu kizi libuza banamufwiri neꞌfuuvi, na ábali mu nyima ibinyamahanga ukuli kwabyo, na ngiisi ábatali mu ndwaza.

Mataayo 26:59

Yabo bakulu baꞌbagingi, kuguma naꞌbandi bakulu booshi baꞌBayahudi, bâli gweti bagalooza utumasi tweꞌbibeesha, gira balonge ubulyo bwoꞌkuyitiisa mwo Yesu.

Mikolezi 24:13

Yaga magambo go bagweti bagandega kwo buno, batangahasha ukuyerekana kwo gali goꞌkuli.

Mikolezi 24:5

«Uyu mundu, keera twabonaga kwo ali mudali-daali. Ali mu kizi genda agaashimya Abayahudi ba mu mahanga gooshi, iri anababiika mwaꞌkamburugu. Na kwakundi, ali mukulu wa mwiꞌbanga lyeꞌbibeesha lyaꞌBanazareeti.

Batwi beꞌmaaja 20:6

«Nanayabiira ikirunda kyage, nanakitenga bitolo-bitolo, nanabituma mu ngiisi kaaya kaꞌBahisiraheeri. Mukuba, yibyo bihigo byo bakagira, biri bya kuyagazania bweneene. Binateeziri ishoni mu Bahisiraheeri.

1 Samweri 24:10

Dahudi anayidehereza ku nduulu kwokuno: «E mwami, kituma kikagi uki gweti ugatwaza abalezi, ikyanya bagweti bagaadeta kwo ndoziizi ukukuyita?