Hezekyeri 2:4 - Kifuliiru

⁴ Banali mindagabika, batanzimbahiri. «Ku yukwo, nakutuma imwabo, gira ukizi gendi babwira ngiisi kwo ngakubwira, iri unadeta kwokuno: “Kwokwo, kwo Rurema Nahamwitu adesiri.”

Hezekyeri 2:4 ပူးပေါင်းရင်းမြစ်များ

1 Baami 22:14

Haliko Mikaaya anamúshuvya kwokuno: «Nga kwo Nahano ayamiri ho, ngaadeta naaho ngiisi kwo Nahano agambwira.»

2 Kutondobola 30:8

Mutakolwe mbu muyumye imitima, nga kwo bâli kizi gira. «Si mwehe mukizi simbaha Nahano Rurema winyu. Munayijage ha nyumba yage Ndaluule. Mukuba, keera akagiyeruusa, halinde imyaka neꞌmyakuula. Aaho! Mumúyikumbire ho, gira uburaakari bwage bumúshaage mwo.

2 Kutondobola 36:13

Uyo mwami Nebukandeneza akabwira Zedekiya kwo amúbiikirage indahiro kwiꞌziina lya Rurema kwo atâye hune imbere lyage. Kundu kwokwo, ulya Zedekiya anagira mbu ahune. Anayami yumya umutima gwage, analahira ukugalukira Nahano Rurema waꞌBahisiraheeri.

Zaburi 95:8

Mukuba, Nahano adetaga kwokuno: «Mutashubi yumuusa imitima yinyu, nga kwo bashokuluza biinyu bakagira i Meriba, na nga kwo bakagira mwiꞌshamba lyeꞌMasa.

Migani 21:29

Nangora-mabi ali mu yigira nga mundu mwija. Si umundu mwija yehe, ali mu kizi yitoneesa ku byo agaagira.

Hisaaya 48:4

Kundu kwokwo, nâli mùyiji-yiji kwo muli mindagabika. Amagosi giinyu, gatigaliiri nga kyuma. Naꞌmatwe giinyu, gali makomu nga mulinga.

Yeremiya 1:7

Na wa Nahano, ti: «Nanga! Utadete mbu ukiri musore. Si ngiisi ho ngakulungika, ukwaniini ukuhagenda. Na ngiisi magambo go ngakutekerera, ukwaniini ukukizi gadeta.

Yeremiya 3:3

Kyo kitumiri keera nahangika invula. Si invula ya mahona-nvula itakiri mu nia! Kundu kwokwo, mukiri mu gokomoza ngoꞌmushule. Ndaanazo shoni mugweti, kiri neꞌhiniini!

Yeremiya 36:21

Haaho, mwami anatuma Yehudi kwo agendi kiyabiira mu kirya kisiika. Ikyanya akakileeta, anakisomera mwami, kiri naꞌbatwali booshi bo bâli ririinwi.

Yeremiya 5:3

E Nahano, ka utayamiri uli mu looza íbiri byoꞌkuli? Kundu ukahimbula abandu beꞌBuyuda, si batababiiri. Na kundu ugweti ugabafuta-futa, mu kubayerekeza, si batakusimbahiri. Bakola mindagabika, banakoli yumuusiri ngiꞌbuye. Keera bakashiikiza lwoshi, kwo batangaki kugalukira.

Yeremiya 6:15

Ibitalaalwe byo bali mu gira, ka bikabateera ishoni? Aahabi! Kiri noꞌkuyiyubaara, ndaakwo! Ku yukwo, ikyanya ngaahana abandi, nabo ngabahanira kuguma. Balya booshi baganyanyagwa haashi.» Kwokwo, kwo Nahano adesiri!

Yeremiya 8:12

Ikyanya bali mu gira ibitalaalwe, ka biri mu bateera ishoni? Aahabi! Si boohe, ndaazo shoni bahiiti, kiri neꞌhiniini. Kiri noꞌkuteteerwa ndaakwo! Ikyanya ngaahana abandi, nabo ngabanyanyaga haashi. Ee! Bagaagwa mu yeyo nguuke.» Kwokwo, kwo Nahano adesiri!

Hezekyeri 3:11

Ha nyuma, unagendage imunda abandu baawe, balya ábakatwalwa imbohe i mahanga, unababwire kwokuno: “Rurema Nahamwitu adetaga kwokuno”. Iri bangaba bagakuyuvwa, kandi iri bagakutenguha, ndaakwo kundi. Kwokwo, kwo ugababwira naaho.»

Hezekyeri 3:27

Haliko, mango naaba ngola mu kuganuuza, ngashwekuula akanwa kaawe, unabuli babwira: “Yago, go magambo Rurema Nahamwitu adeta!” Ngiisi ábagayuvwa, bayuvwe. Na ngiisi ábagatenguha, uleke kwokwo. Si yabo bandu, balyagagi bahuni!»

Hezekyeri 3:4

Ha nyuma, anashubi mbwira kwokuno: «E mwana woꞌmundu, ngiisi byo ngakubwira, ugendi bibwira Abahisiraheeri.

Hezekyeri 3:7

Halikago, Abahisiraheeri boohe, batangakuyuvwiriza. Kiri na nienyene, batandwaziizi. Mukuba, yabo booshi, balyagagi mindagabika, batanali mu yuvwa.

Hamoosi 7:15

Kundu kwokwo, Nahano akandyosa mu bibuzi, anambwira: “Ugendage mu bandu baani, Abahisiraheeri, unagendi batangira ubuleevi.”

Zakariya 7:12

Emwe! Ikyanya âli mali baheereza Umutima gwage ku njira yaꞌbaleevi, banakizi yumuusa imitima yabo, banaba mindagabika. Batanalooza ukuyigirizibwa na Nahano woꞌbushobozi bwoshi! Kyo kikatuma agabarakarira.

Mataayo 10:16

«Lolagi! Namùtuma nga bibuzi mu mirunga. Ku yukwo, mukizi ba benge nga mujoka, munabe batuudu nga mahumba.

Bukengeeze 10:16

«Ku yukwo, muyiyeruusagye, mutanakizi ki haasa-haasa.

Bukengeeze 31:27

«Nyiji bwija kwo balyagagi mindagabika, banayamiri bali bahuni. Iri bangakizi huna ku kyanya ngiri ha kati kiinyu, ka itali yo haahe kwo bagakizi huna imbere lya Nahano, ku kyanya ngoli fwiri.