Hezekyeri 16:57 - Kifuliiru

⁵⁷ Halikago buno, niinyu amahube giinyu keera gakayerekanwa ku bweranyange. Kwokwo buno, abakazi beꞌHedoomu bagweti bagamùteeza ishoni, kiri naꞌBafirisiti-kazi. Yabo booshi bakola mu mùnegura.

Hezekyeri 16:57 ပူးပေါင်းရင်းမြစ်များ

Zaburi 50:21

Birya byoshi, ikyanya wâli kizi bigira, nâli yihulikiiri. Aahago! Ka kyo kitumiri ukoli toniri kwo ndi nga we? Nanga, maashi! Si buno, ngakukanukira ngana-ngana! Na ngulegeereze ku bweranyange.

Hisaaya 14:28

Ku mwaka gwo mwami Ahaazi akafwa kwo, Rurema akatumira Abafirisiti indumwa kwokuno:

Hisaaya 7:1

Mwami Ahaazi âli mugala Yotamu, na mwijukulu Huziya. Uyo Ahaazi, ikyanya âli twaziragi i Buyuda, lyo mwami Resini weꞌHaraamu akayiji teera akaaya keꞌYerusaleemu, ali kuguma na Peka mwami waꞌBahisiraheeri, mugala Remalya. Kundu bakakateera, batanahasha ukukahima.

Yeremiya 33:24

«E Yeremiya, ka wayuvwa ngiisi kwaꞌbandu bakola mu deta? Si badesiri kwo Nahano keera akajanda Abahisiraheeri, kiri naꞌBayuda! Banagweti bagabanegura, mbu batakiri mulala.

Kimombo 4:22

E bandu beꞌSayuni! Si keera mukahanwa, munakoli ba baja hiꞌgulu lyeꞌbyaha biinyu! Kundu kwokwo, buno mukolaga mugalyoka yo. Halikago mwe bandu beꞌHedoomu, nanga! Mwehe, Nahano agaki mùhaniiriza hiꞌgulu lyeꞌbyaha biinyu. Ee ma! Yibyo byaha biinyu, agaki bibishuula!

Hezekyeri 16:27

«Kwokwo, nanakoleesa ubushobozi bwani, mu kukuniihiza imbibi zaawe, nanakubiika mu maboko gaꞌbagoma baawe, Abafirisiti. Yabo Bafirisiti, ikyanya bakabonaga ngiisi kwo ukola mu yidulumbika mu bitalaalwe, banakanguka bweneene.

Hezekyeri 16:56

«Ikyanya mwâli kizi yikangaata, mwâli kizi gayiriza mulumuna winyu wa Soodoma.

Hezekyeri 21:24

«E mwana woꞌmundu, uyerekane injira zibiri, ho mwami weꞌBabeeri agalenga neꞌngooti yage. Yizo njira zombi, zibe zilyosiri mu kyekyo kihugo kiguma. Na ha mashangaaniza, habiikwe ikimenyeeso, kikizi yerekana ho ngiisi nguma iri mu lola.

Hezekyeri 22:4

Mukuba, keera mwayona umuko, munali mu kizi yiyulubaza mu kuyibaajira imigisi. Kwokwo mwayegereza ulusiku lweꞌkihano, neꞌsiku ziinyu zikola mbaruure. Kyo kitumiri nꞌgaleka ibinyamahanga bikizi mùshekeereza, ti honyo!

Hezekyeri 23:32

«Nie Rurema Nahamwinyu nadetaga kwokuno: Urusoozo lwo mukulu wawe akanywa kwo, lwo na naawe ugaanywa. Ee! Yulwo rusoozo luli luhamu, lunali lwa bukunda. Na bwo lukoli yijwiri, abandu booshi bagakuhonyoleza, honyo!

Hezekyeri 27:16

Abaharaamu nabo, banakizi yiji gula ibindu byawe bingi-bingi, banakizi kuleetera amabuye geꞌkishingo neꞌmirondo ítyeriiri, mihange mu nuzi zeꞌkitaani, inali kweꞌbirimbiiso byaꞌmabuye miija ágadukumbusiri, naꞌgandi mabuye madukula.

Hezekyeri 5:14

E Yerusaleemu! Ibinyamahanga íbimùsokaniini, bigaadeta kwo muli ba busha, binakizi mùhonyoleza.

Hezekyeri 5:15

«Ngaaba keera namùhaniiriza ku buraakari bweneene, mu kuyagazania. Abagoma biinyu bagakizi mùshekeereza, honyo! Ikyanya bagaabona ngiisi kwo mwahanwa, bagalonga ukukengulwa, iri banahuumirwa. Ee! Bagaabona ngiisi kwo ndi mu hana ikihugo. Kwokwo, kwo nie Nahano ndesiri.

Hosheya 2:10

«Uyo mukazi atayijagi kwo nie wâli kizi múheereza byoshi byo âli hiiti, ngeꞌngano, neꞌdivaayi mbyahya, naꞌmavuta. Nie wâli kizi múheereza kiri neꞌharija, neꞌnooro. Kundu kwokwo, birya byoshi, âli kizi bitangira umuzimu Baali.

Hosheya 7:1

Nahano anashubi deta kwokuno: «Ku kyanya ndi mu looza ukukiza Abahisiraheeri, ibyaha bya beene Hifurahimu binabe byo bigashubi boneka. Kiri naꞌmabi gaꞌBasamariya, nago ganayulubuke. Mukuba, bali banabibeesha. Abazimba bagweti bagatula inyumba. Kiri neꞌmbuga, abanyazi bagweti baganyagaza abandu.

Sefaniya 3:19

Abandu booshi ábâli gweti bagakizi mùvindagaza, ku yikyo kyanya, ngabahana ngana! Ee! Ngiisi ábalemahiri, ngabakiza. Na ábakayimulwa, ngashubi bakuumania. Na ngiisi ábâli teziibwi ishoni, ngabagingika, halinde ubwivuge bwabo bunalumbuuke mu bihugo byoshi.

Muharuuro 23:7

Ulya Balaamu anatangaga yubu buleevi: «Mwami Balaaki andumira, njaage i Haraamu, na nyije hano. Ee! Bwo ye mwami weꞌMohabu, andumira ukulyoka mu migazi yeꞌsheere. Anambwira: “Yijaga, undaakire beene Yakobo. Ee! Uyiji daaka Abahisiraheeri.”

1 Bakorindo 4:5

Ku yukwo, mutalunguli twa ulubaaja lwoꞌmundu yeshi. Si mukizi lindira, halinde ku lusiku lwo Nahano agayija kwo. Mukuba, ngiisi íbiki bishirwi mu kihulu, agabitanguulira. Anabishuule na ngiisi byaꞌbandu bashungisiri mu mitima yabo. Ku lwolwo lusiku, iri abandu bangaba bakwaniini ukuhuuzibwa, lyo Rurema agabahuuza.