Hezekyeri 1:10 - Kifuliiru

¹⁰ Ngiisi kiremwa, kyâli hiitagi amalanga gana-gana. Uluhande lweꞌmbere, gâli riiri nga ga mundu. Na lweꞌlulyo, gâli riiri nga ga ndare. Na lweꞌlumosho, gâli riiri nga geꞌngaavu. Noꞌluhande lweꞌmugongo, gâli riiri nga ga nyunda.

Hezekyeri 1:10 ပူးပေါင်းရင်းမြစ်များ

1 Kutondobola 12:8

na Yohela na Zebadiya, bagala Yerohaamu, weꞌGedoori.

Hayubu 39:27

Noꞌkukyula kwawe, ka kwo kuli mu nungeesa nyunda, halinde agendi tereka ingisha yage mu migazi?

Migani 14:4

Ikyanya ishuuli zoꞌkulima zibulisiri, iri ndaabyo mu kihinda. Si ikyanya ishuuli iri mu kola ku mwete, hali mu ba umwimbu ku bwingi.

Hisaaya 40:31

Halikago, ikyanya bali mu biika Nahano kwoꞌmulangaaliro, lyeꞌndege ziri mu kana buhyahya. Banabe nga nyunda úgweti úgakizi balala buzira kushagaania ibyubi hiꞌgulu. Yabo batabana, kundu bangasuula umulindi, batagaluha. Na kundu bagayitonda, batangahola.

Hisaaya 46:8

«E ma! Si mukolaga bahuni. Yago magambo, mukizi gayitoneesa kwo. Mutagayibagire, si mukizi gakengeera.

Hezekyeri 1:6

Ngiisi kiremwa, kyâli hiiti amalanga gana-gana, neꞌbyubi bina-bina.

Hezekyeri 10:14

Ngiisi makerubi âli hiiti amalanga gana. Amalanga ga mbere, gâli riiri ga makerubi. Naꞌga kabiri, gâli riiri ga mundu. Naꞌga kashatu, gâli riiri geꞌndare. Naꞌga kana, gâli riiri ga nyunda.

Hezekyeri 41:19

Injusho nga ya mundu, yâli kizi lola uluhande luguma lweꞌkigazi, neꞌnjusho nga yeꞌndare yâli kizi lola ulundi luhande lwakyo. Kwo na kwokwo, kiri na ku nyumba yoshi.

Danyeri 7:4

«Inyamiishwa ya mbere, yâli shushiri nga ndare. Si yâli gweti ibyubi nga bya nyunda. Yibyo byubi, iri nꞌgaba ngi gweti ngabiyitegeereza, byanayami kuulwa. Iyo nyamiishwa, yanalengezibwa, halinde yanatondeera ukuyimangira ku magulu gabiri nga mundu. Yanahaabwa ubwenge nga bwoꞌmundu.

Muharuuro 2:10

«Uluhande lweꞌkisaka, hagakizi shumbika beene Rubeni, bayiguziri áhali irembera lyabo. Umwimangizi wabo, ali Herishuri mugala Shedweri.

Muharuuro 2:18

«Uluhande lweꞌmuga, hagakizi shumbika beene Hifurahimu, bayiguziri áhali irembera lyabo. Umwimangizi wabo, ali Herishama mugala Hamihudi.

Muharuuro 2:25

«Uluhande lweꞌmbembe, hagakizi shumbika beene Daani, bayiguziri áhali irembera lyabo. Umwimangizi wabo, ali Ahyezeeri mugala Hamishadayi.

Muharuuro 2:3

«Uluhande lweꞌsheere, hagakizi shumbika beene Yuda, bayiguziri áhali irembera lyabo. Umwimangizi wabo, ali Nasooni mugala Haminadabu.

Luka 15:10

Yesu anashubi deta: «Namùbwira, kwokwo kwaꞌbaganda ba Rurema bali mu ba bashambiiri, ku kyanya umunabyaha muguma atwika ku byaha byage.»

1 Bakorindo 14:20

E beene witu! Mutakizi ki yitoneesa nga baana baanuke! Ku luhande lwaꞌmabi, kube kwo mugakizi yigira nga baana baanuke. Si ku nzaliro ziinyu, mukizi yisaliza nga ábakoli kaniri.

Bukengeeze 28:49

«Nahano agaashimya ibinyamahanga ukulyoka hala, ku mbeka yeꞌkihugo. Yabo bandu, mutayiji indeto yabo. Banayiji mùtibukira kwo, nga kwo nyunda ali mu yivwima ku mutumba.

Bwigule 4:7

Ikingisho-ngisho kya mbere, kyâli shushiini neꞌndare. Neꞌkya kabiri, kyâli shushiini neꞌshuuli. Neꞌkya kashatu, amalanga gaakyo gâli riiri nga ga mundu. Neꞌkya kana, kyâli shushiini na nyunda úgweti úgabalala.

Bwigule 5:5

Mu balya bashaaja, muguma anambwira: «Uleke ukulira! Lolaga! Indare yoꞌmulala gwa Yuda, ulya wa mwiꞌkondo lya Dahudi, keera akasinda ubugoma. Yehe, ye shobwiri ukununguula yizo nungu zirinda, anabunguule ikitaabo.»

Batwi beꞌmaaja 14:18

Ku lulya lusiku lwa kalinda, izuuba lítazi sooka, yabo bandu banabwira Samusooni kwokuno: «Bikagi íbinunu ukuhima ubuuki? Na nyandi úhiiti imisi ukuhima indare?» Samusooni anabashuvya: «Inyana yani, mutáki girimiise, mutangalimbwiri yugu mugani.»