Hesiteeri 9:25 - Kifuliiru

²⁵ Haliko, yiryo igambi libi, lyanamenyeekana mu bambali ba mwami. Mwami, anakuumania abandisi baage booshi, anakyula kwo lirya igambi libi lyo Hamaani atágiriiri Abayahudi, limúgwe kwo yenyene. Kiri naꞌbaana baage, bamanikwe.

Hesiteeri 9:25 ပူးပေါင်းရင်းမြစ်များ

1 Baami 8:32

Haaho, umúyuvwirize yaho mwiꞌgulu. Uhambuule abakozi baawe. Ngiisi úli naꞌmahube, umútwire ulubaaja, ukukulikirana naꞌmahube gaage. Noꞌmuzira mahube, umúleke, ukukulikirana na ngiisi kwo akwaniini imbere lyawe.

Hesiteeri 3:6

Neꞌri akayiji menya kwo Moredekaayi ali Muyahudi, atanaki siima kwo ahane Moredekaayi yenyene. Haliko, analooza ubulyo bwo agaminika mwoꞌmulala gwoshi gwa Moredekaayi, kuli kudeta Abayahudi booshi ábâli tuuziri mu poroveesi zooshi za mwami Serikisi.

Hesiteeri 7:10

Kwokwo, Hamaani anakimanikwa kwo, kundu âli mali gwanwa akilingaaniza Moredekaayi. Ikyanya Hamaani akaba keera afwa, uburaakari bwa mwami bwanahooha.

Hesiteeri 7:4

Mukuba, twe na beene witu, keera twaguliisibwa kwo tuminikwe. Ee! Tugayitwa, halinde tunahere lwoshi-lwoshi. E mwami! Túkiguliisibwe kwo tugendi ba baja, kandi iri baja-kazi, ndaabyo nangadesiri mbu ngusuuze. Ukugirwa kwokwo, biri nga ndaabyo.”»

Hesiteeri 7:5

Mwami anashubi buuza umugoli Hesiteeri: «Aaho! Nyandagi uyo úgweti úgalooza ukukola ibala mwene yiri? Ali hayi?»

Zaburi 140:8

Si uli woꞌbushobozi bwoshi, we nali mu ngiza. Kiri na ku lusiku lwiꞌzibo, we mu njuutira.

Zaburi 140:9

Aahago! Utaleke kwo banangora-mabi bagire nga kwo baloziizi. Kiri neꞌshungi zaabo mbi, ukizi ziyita. Buzira kwokwo, hali ikyanya bangayiji yikangaata.

Zaburi 141:10

Iyo mitego yabo, bagiyiduudike mwo boonyene. Haliko niehe, ndonge ukukizi gibambala.

Zaburi 7:16

Yabo banabibeesha, bali mu ba nga bayihumbira ikishimo kila. Haliko, hanatame boonyene banayiji kiyihongoleka mwo. Kwokwo, kwo bali mu kizi yikululira umwama.

Zaburi 7:17

Kundu bali mu shungika ukugira abandi buligo, yubwo buligo, bunayiji bagwa kwo boonyene.

Zaburi 94:23

Yabo babi, ikyanya bali mu yifunda mu byaha, Rurema ali mu bayihoola. Ee ma! Bwo bali mu kizi gira íbitali nga byo, Rurema Nahamwitu agaki baminika, halinde batanaki be ho.

Migani 26:27

Umundu, iri angahumbira uwabo umwobo, yenyene, agagutibukira mwo. Na ngiisi úli mu hirikira uwabo ibuye, yehe yenyene, ligamúyubama kwo.

Migani 5:22

Nangora-mabi ali mu gwatwa mu mabi gaage yenyene. Yago mabi, iri migozi yoꞌkumúzirika lwoshi.

Hisaaya 22:25

Kundu kwokwo, Nahano woꞌbushobozi bwoshi adetaga kwokuno: «Yugwo musumaari, kundu gukakomerwa mu mbahwa ngomu, haliko gugaki tera. Ee! Hagaatama gunaliike, gunatibukire haashi. Kwokwo, ngiisi bindu íbikananikwa kwo, binashereezibwe.»

Hobadiya 1:15

Aaho! Ulusiku keera lwayegerera, lwo nie Nahano ngaahana kweꞌbinyamahanga byoshi. Ku yukwo, ngiisi kwo mukagirira Abahisiraheeri, kwo na niinyu mugagirirwa. Imikolezi mibi yo mukabagirira, yoshi igatibukira ku matwe giinyu.»

Mataayo 21:44

Na lirya ibuye, iri umundu angaligwa kwo, agavunika buhoojo-hoojo. Neꞌri lyangamútibukira kwo, ligamúhotamya.]»

1 Samweri 25:39

Dahudi, iri akabwirwa kwo Nabaali keera afwa, anadeta: «Nahano ahuuzibwe! Ulya Nabaali, kundu akangayiriza, haliko Nahano akambangirira kwo ndayihoole. Na bwo ndi mukozi wage, akanyitangiira, gira ndagwanwe nagira amabi. Si Nabaali yehe, bwo akagira amabi, keera Rurema amúhana.» Haaho, Dahudi anayami tuma indumwa imunda ulya Habigahiri, gira bagendi múbwira, kwo ayiji ba mukaage.