Hesiteeri 9:20 - Kifuliiru

²⁰ Birya íbikakoleka, Moredekaayi anabiyandika. Ha nyuma, anatuma amaruba imwaꞌBayahudi booshi ábâli tuuziri mu poroveesi zooshi za mwami Serikisi.

Hesiteeri 9:20 ပူးပေါင်းရင်းမြစ်များ

1 Kutondobola 16:12

Mukizi kengeera ngiisi kwo Nahano âli kizi gira ibisoomeza, na ngiisi kwo âli kizi twa imaaja.

Hesiteeri 1:1

Yaga magambo, gakakoleka ku kyanya kya mwami Serikisi. Uyo mwami, âli twaziri mu kaaya kahamu keꞌSusaani, anâli twaziri iporoveesi igana na makumi gabiri na zirinda, ukutondeerera i Buhindi, halinde ukuhisa i Hendyopiya.

Hesiteeri 1:22

Kwokwo, mu ngiisi kihugo íkyâli mu butwali bwage, mwami anatuma mwaꞌmaruba mu ndeto yabo, ganayandikwa mu fwabe zeꞌmwabo. Mu yago maruba, mwâli yandisirwi kwokuno: «Ngiisi mushosi akizi yimangiraga inyumba yage.»

Hesiteeri 3:12

Ulusiku lwiꞌkumi na zishatu lwoꞌmwezi gwa mbere, iri lukahika, Hamaani anatumira abandisi booshi beꞌbwami. Neꞌri bakahikaga, anabaheereza ngiisi byo bagayandikira abandu ba ngiisi kaaya, naꞌba ngiisi ndeto. Kuli kudeta abandu booshi ábali mu butwali bwage. Bakayandikira baguvuruneeri, naꞌbandi bakulu, kuguma naꞌbanalushaagwa. Yago mandiko, gakayandikwa kwiꞌziina lya mwami Serikisi, ganabiikwa kwaꞌkamangu ákali ku mbete yage.

Hesiteeri 8:9

Iri hakaba mu mwezi gwa kashatu (úguli mu detwa Siwani,) mu siku makumi gabiri na zishatu, Moredekaayi anatumira abandisi beꞌbwami. Neꞌri bakahika, anababwira kwo bayandikage amaruba goꞌkugenda mu Bayahudi booshi. Gagende kwakundi mu bakulu booshi, na mu batwali, na mu batungwa booshi ba mu poroveesi zooshi, kwo zâli riiri igana na makumi gabiri na zirinda. Yizo poroveesi, zilyokiiri i Buhindi, halinde ukuhisa i Hendyopiya. Yago maruba, gakayandikwa mu ndeto ya ngiisi poroveesi, na mu fwabe zeꞌmwabo. Kiri na mu Bayahudi, kwo na kwokwo.

Hesiteeri 9:19

Kyo kitumiri Abayahudi booshi ábatuuziri mu mbingiro, bali mu simbaha yulwo lusiku lwiꞌkumi na zina lwoꞌmwezi Hadaari, banali mu luyerekana kwoꞌbusiime mu kukizi twalirana indengu.

Hesiteeri 9:21

Mu yago maruba, anabayandikira mwo kwokuno: «Ngiisi mwaka, mu siku ikumi na zina na mwiꞌkumi na zitaanu zoꞌmwezi Hadaari, bakizi zigira zibe siku ngulu.»

Hesiteeri 9:26

Yizo siku zibiri, Abayahudi banakizi zibuuza Puriimu, (kuli kudeta: kutaara ikibare). Banazibiika na mweꞌmigeeza yoꞌkukizi kulikira, nga kwo Moredekaayi akayandika mu maruba gaage. Kiri na boonyene, bakayibonera ngiisi íbikabakoleka kwo. Yizo siku, banazisimbaha, kuguma naꞌba mu bibusi byabo, naꞌbandi booshi ábangabayibiika kwo. Ee! Yizo siku zombi, Abayahudi bâli kizi zikulikiriza ku ngiisi mwaka, banakizi zishambaalira, ukukulikirana nga ngiisi kwo Moredekaayi akababwira.

Hesiteeri 9:29

Umugoli Hesiteeri munyere Habihahiri, kuguma na Moredekaayi Umuyahudi, banayandika agandi maruba ku bukaruuke. Yago maruba, gâli kola ga kabiri, ganâli riiri hiꞌgulu lyoꞌkusikamya isiku zeꞌPuriimu.

Kulyoka 17:14

Ha nyuma, Nahano anabwira Musa: «Yiri igambo, uliyandike mu kitaabo, gira Abahisiraheeri bakizi likengeera. Unabwire Yoshwa kwo yabo Bahamareki, nâye baminike lwoshi.»

Yeremiya 29:1

Ikyanya umuleevi Yeremiya âli riiri i Yerusaleemu, anayandika amaruba, anagalungikira balya booshi bo mwami Nebukandeneza akatwala imbohe i Babeeri. Kuli kudeta abatwali, naꞌbashaaja, naꞌbaleevi, kiri naꞌbandi Bayuda booshi ábakatwalwa.