Hesiteeri 5:11 - Kifuliiru

¹¹ Iri bakaba bakoli kuumaniri, anatondeera ukubaganuulira hiꞌgulu lyaꞌkanyamwala keꞌbindu byage, na ngiisi kwo akoli ba mugale bweneene. Anabaganuulira na ngiisi kwo mwami keera amúkuza ku njira nyingi, ukuhima abandi batwali ba mu kihugo.

Hesiteeri 5:11 ပူးပေါင်းရင်းမြစ်များ

Ndondeko 31:1

Yakobo anayuvwa umwazi, kwo bagala Labaani bagweti bagayidodomba: «Si ibindu byoshi bya daata, muvyala witu wa Yakobo keera abigaaza! Na buno, akola mugale bweneene.»

Hesiteeri 1:4

Yizo siku ngulu, banahisa imyezi ndatu bagweti bagazishambaalira. Ku yikyo kyanya, anakizi yerekana ubugale bwoꞌbwami bwage, kuguma noꞌbulangashane bwage bwaꞌkahebuuza.

Hesiteeri 3:1

Ha nyuma, mwami Serikisi anakuza Hamaani ukuhima abandi bakulu booshi. (Uyo Hamaani, âli riiri mugala Hamedaata, wa mu mulala gwaꞌHagagi.)

Hesiteeri 8:15

Ikyanya Moredekaayi akahuluka mu kajumiro, âli koli yambiiti ibyambalwa byeꞌkyami, biꞌbara lya namukungumo, neꞌlyeru. Âli yambiiti noꞌlushembe lweꞌnooro, kiri niꞌkanju lyeꞌkitaani kiꞌbara lyeꞌkituku-tuku. Haaho, abandu ba mu kaaya keꞌSusaani, banashambaala ngana-ngana, iri banabanda utubuuli.

Zaburi 49:6

Niehe, kundu nangahikirwa neꞌsiku mbi, na banangora-mabi banabe bagweti baganzokanana, haliko ndâye yobohe.

Zaburi 49:7

Boohe, bagweti bagabiika umulangaaliro ku bugale bwabo, banagweti bagabuyihayira bweneene.

Zaburi 52:9

«Honyo! Uyu mundu, lolagi íbyamúkoleka kwo. Si atâli loziizi ukuyegamira Rurema! Agweti agayihega ku bugale bwage naaho. Âli loziizi ukuba kihagarusi, mu kukizi shereezania.»

Hisaaya 10:8

Mwami waꞌBahasuriya agweti agayihaya kwokuno: “Si ibirongoozi byaꞌbasirikaani baani, byoshi biri nga baami!

Danyeri 4:30

Haaho-haaho, lirya igambo lyanayami kolekaga. Ulya mwami anayimulwa mu bandu, anakizi gendi lya ubwasi nga ngaavu. Amagala gaage ganakizi loba neꞌkimi ukulyoka mwiꞌgulu. Umushaku gwage gwanalaaha nga mashala ga nyunda. Neꞌnyunu zaage zanalaaha, nga za kanyuni.

Mariko 10:24

Yago magambo ga Yesu, ganasoomeza abigirizibwa, kyanatuma agashubi babwira: «E baana baani, biri bikayu bweneene ukuyingira mu bwami bwa Rurema.

1 Timoteyo 6:17

Iri abandu bangaba bali bagale mu kino kihugo, ubabwire kwo batakizi yikangaata. Ibindu byabo bitabaagage byo bagakizi biika kwoꞌmulangaaliro. Mukuba, ibya mu kino kihugo, biri bya kulenga naaho. Ku yukwo, ubabwire kwo bakizi biika umulangaaliro gwabo imwa Rurema. Mukuba, ye mu tuvwangulira ibindu byoshi, gira tukizi bishambaala mwo.