Hesiteeri 3:13 - Kifuliiru

¹³ Ngiisi kihugo kya mu yubwo bwami, kyanatumirwa amaruba. Mu yago maruba, mwâli yandisirwi kwokuno: «Ulusiku lwiꞌkumi na zishatu, lwoꞌmwezi gwiꞌkumi na kabiri, úguli mu detwa Hadaari, mu lwolwo lusiku, Abayahudi booshi baminikwe, imisore naꞌbashaaja, kiri naꞌbakazi naꞌbaana. Neꞌbindu byabo byoshi, binashahulwe.»

Hesiteeri 3:13 ပူးပေါင်းရင်းမြစ်များ

2 Kutondobola 30:6

Kyanatuma mwami agaatuma indumwa kwo zikizi genda mu kihugo kyoshi kyaꞌBahisiraheeri na kyeꞌBuyuda. Yugwo mulaali, gwâli yandisirwi kwokuno: «E Bahisiraheeri, mweshi mwe mukafuuka mu kiteero kyaꞌbaami beꞌHasuriya. Mugalukirage Nahano Rurema wa Hiburahimu, na wa Hisake, na wa Yakobo, gira lyo naye amùgalukira.

Hesiteeri 7:4

Mukuba, twe na beene witu, keera twaguliisibwa kwo tuminikwe. Ee! Tugayitwa, halinde tunahere lwoshi-lwoshi. E mwami! Túkiguliisibwe kwo tugendi ba baja, kandi iri baja-kazi, ndaabyo nangadesiri mbu ngusuuze. Ukugirwa kwokwo, biri nga ndaabyo.”»

Hesiteeri 8:5

«E mwami, iri nangaba ngusimisiizi, unabe unyemiiri, nakuyinginga ukyulage kwaꞌmabi go Hamaani atamali gwanwa ashungika, gatagaki girwa. Yizo shungi, ziri za Hamaani mugala Hamedaata, Umuhagagi. Keera akashungika kwaꞌBayahudi booshi, ngiisi ho bali mu twaya, baminikwe.

Hesiteeri 9:1

Ngiisi kwo mwami akakyula hiꞌgulu lyaꞌBayahudi, byâli kwiriiri ukukoleka ku lusiku lwiꞌkumi na zishatu zoꞌmwezi gwiꞌkumi na kabiri, úguli mu detwa Hadaari. Ku lwolwo lusiku, abagoma baꞌBayahudi bâli kola bagaahima Abayahudi. Haliko lwanahinduka, lwanaba lusiku Abayahudi bo bagaahima.

Hesiteeri 9:10

Yabo, bo baana ikumi ba Hamaani mugala Hamedaata, umugoma waꞌBayahudi. Kundu bakayita yabo booshi, ndaakyo kindu kyabo kyo bakashahula.

Hesiteeri 9:5

Balya Bayahudi, ikyanya bakateera abagoma baabo, banakizi batongeera neꞌngooti, nga ngiisi kwo bâli loziizi, halinde banabasivya.

Hayubu 9:25

«Isiku zaani, ziri mu tibita bweneene ukuhima umundu úli mu ndangwe. Ziri mu nyerera duba-duba, ndaanabwo bushambaale bwo mbiiti.

Hisaaya 10:6

Balya bandu beꞌHasuriya, nie mu batuma, kwo bagendi teera abandu baani! Mukuba, balya bandu baani, keera bambindulira ingoto. Na bwo bakandakarira bweneene, ngahanguulaga Abahasuriya kwo bagendi bateera, banabashahule ibindu. Bagabahinyata-hinyata, nga kwo bali mu hinyata ibidaka mu njira.

Yeremiya 51:31

Indumwa zigweti zigakulikirana muguma-muguma, mu kugendi menyeesa mwami kwaꞌkaaya kaage keꞌBabeeri keera kagwatwa.

Barumi 3:15

«Bali mu tibitira iwa kuyona umuko.

Yakobo 2:13

Iri abandu bangaba batali mu bonerana ulukogo, iri nabo batagalubonerwa. Haliko, iri bangaba bali mu lubonerana, iri nabo, mu kutwirwa ulubaaja, bagaakogwa.

1 Samweri 15:3

Kwokwo buno, ugendi bateera. Ibindu byabo byoshi, ubijigiivye. Hatanagire ye ugaasiga kitwe-kibona, aba mushosi kandi iri mukazi, kiri naꞌbaana boꞌtulenge, kandi iri utuboojo. Muyitage booshi, kiri neꞌngaavu, neꞌbibuzi, neꞌngamiya, na bapunda.”»

1 Samweri 22:19

Ha nyuma, Sahuli anagendi yitiisa naꞌbandi booshi ba mu kaaya kaabo keꞌNoobu: abashosi, naꞌbakazi, naꞌbaana, kiri noꞌtulenge, kuguma neꞌngaavu, na bapunda, neꞌbibuzi.