Hayubu 9:26 - Kifuliiru

²⁶ Ziri mu suula umulindi, nga mashuba mu nyaaja. Ziri mu genda nga nyunda úgweti úgayivwima mu buhiivi bwage.

Hayubu 9:26 ပူးပေါင်းရင်းမြစ်များ

2 Samweri 1:23

Sahuli na Yonataani, ku kyanya bâli kiri bagumaana, bâli kizi kundwa, banâli kizi gashaanirwa. Kiri na mu lufu, batakayihandulana kwo. Bâli kizi suula umulindi, ukuhima nyunda. Banâli neꞌmisi mingi, ukuhima indare.

Migani 23:5

Si ubugale, ikyanya ugabubanda kwiꞌsu, bugayami nyerera. Bugaaba nga bwamera ibyubi, bunayinywerereke nga nyunda úli mu kyanyaanya.

Hisaaya 18:2

Muli mu lungika indumwa mu lwiji Niire, mu bwato úbukalinganizibwa mu kaliri. E ndumwa, musuulage umulindi. Mugende mu bifigisi byaꞌbandu, balya boꞌmwego gukeruusiri. Birya bifigisi, abandu booshi bayamiri babiyobohiri, halinde mu mahanga gooshi. Biryagagi bilangi ngana, binali mu minika abagoma. Ikihugo kyabo, kiri mu golomba mweꞌnyiiji.

Yeremiya 4:13

«Lolagi! Umugoma agweti agatuyijira, akola mu tukanga nga kibungu íkiyidisiri. Amagaare gaage giꞌzibo gali mu suula umulindi, nga kihuhuuta. Ifwarasi zaage zigweti zigaganga mulindi ukuhima utushuta. Ala twe! Si tukolaga tugaahera!

Kimombo 4:19

Emwe! Abagoma bâli kizi tulandiriza bweneene. Bâli mulindi-mulindi nga nyunda, wa vwi! Iri twâli kizi tibitira mu migazi, banatugwane mwo. Neꞌri twâli kizi gendi yibisha mwiꞌshamba, banayiji tutega mwo.

Habakuki 1:8

Emwe! Ifwarasi zaabo, ziri mu suula umulindi ukuhima ingwi. Banali balangi, ukuhima imirunga ku kyanya ikoli shalisiri. Abasirikaani baabo ábashoniri ku fwarasi, bashaaziri hala, banali mu yami yilala mu bagoma. Bali mu ba nga nyunda, úli mu yihwika ku mutumba!

Bukengeeze 28:49

«Nahano agaashimya ibinyamahanga ukulyoka hala, ku mbeka yeꞌkihugo. Yabo bandu, mutayiji indeto yabo. Banayiji mùtibukira kwo, nga kwo nyunda ali mu yivwima ku mutumba.