Hayubu 9:10 - Kifuliiru

¹⁰ Ikyanya Rurema ali mu kola igambo, ndaaye úwangalisobanukirwa. Ayamiri ali mu gira ibitangaaza kandaharuurwa.

Hayubu 9:10 ပူးပေါင်းရင်းမြစ်များ

Hayubu 37:23

Rurema woꞌbushobozi bwoshi, tutangamenya ngiisi kwo ali. Ali kikalage bweneene, anali woꞌkuli. Atanali mu shobania imaaja, mu kutuhana ku njira ítali nga yo.

Hayubu 37:5

Ikyanya Rurema ali mu deta, ali mu tulagiza inguba bweneene. Ubukulu bwage, tutangahasha ukubusobanukirwa.

Hayubu 5:9

Ye mu kola ibya kahebuuza, binali kandaharuurwa.

Zaburi 136:4

Nahano, ye mu gira ibitangaaza bihamu. Urukundo lwage, luyamiri ho, halinde imyaka neꞌmyakuula.

Zaburi 145:3

Nahano ye sumbiragi booshi, ye na kwaniini ukukizi yivugwa bweneene. Ndaaye úwangasobanukirwa noꞌbukulu bwage.

Zaburi 71:15

Kundu ndayiji ngiisi kwo nangasobaanura ukuli kwawe, haliko, ngakizi shiiba ngweti ngakuhuuza, bwo we mu gira íbikwaniini.

Zaburi 72:18

Nahano Rurema waꞌBahisiraheeri, akizi yivugwa. Mukuba, ibitangaaza mwene yibyo, yehe naaho, ye gweti úgakizi bigira.

Kulyoka 15:11

«E Nahano, mu biri mu yikumbwa, nyandi úli nga wehe? Nyandi úli mwoꞌbweru bwaꞌkahebuuza? Nyandi úli mu yobohwa mu bulangashane? Nyandi úli mu gira ibitangaaza mwene yibi?

Mwigiriza 3:11

Nanashubi bonaga kwo Rurema abiisiri amagambo geꞌmyakuula mu mitima yitu. Kundu kwokwo, mu byoshi byo tugweti tugaagira, ndaaye úli mu sobanukirwa ngiisi kwo akabitondeera, na ngiisi kwo akabiyusa.

Barumi 11:33

Ubugale bwa Rurema, noꞌbwitegeereze bwage, noꞌbumenyi bwage, biryagagi bya kahebuuza! Ikyanya ali mu twa imaaja, ndaaye úwangasobanukirwa na ngiisi kwo agweti agaazitwa. Neꞌnjira zo ali mu lenga mwo, ndaaye úwangazimenya!

Bahefeso 3:20

Rurema, ikyanya ali mu koleesagya ubushobozi bwage mu kati kiitu, ashobwiri ukugira ibyeꞌngingwe bweneene ukuhima byo twangamúhuuna! Anganagira kiri na íbitali mu mitono yitu.