Hayubu 8:6 - Kifuliiru

⁶ Iri wangaba uli mwija, unali woꞌkuli, lyoki agayimuka, anayiji kugalulira i kaaya.

Hayubu 8:6 ပူးပေါင်းရင်းမြစ်များ

Hayubu 1:8

Nahano anashubi múbuuza: «Aahago! Ka wayitegeereza bwija umukozi wani Hayubu? Mu bihugo byoshi, ndaaye gundi úli mwija nga ye. Uyo Hayubu, âli mu kizi yiyeka neꞌbyaha, buzira kubiyifunda mwo. Atungiini imbere lyani, anayamiri anzimbahiri.»

Hayubu 11:14

Ulashe ibyaha byawe hala, halinde binasigale mu mbinga.

Hayubu 16:17

Kundu ngweti ngalibuuka kwokuno, ndaabwo buligo bwo nagira. Neꞌkyanya ndi mu huuna Rurema, umutima gwani guli shululu.

Hayubu 34:28

«Yabo bandu, bali mu liza kiri naꞌbakeni, halinde amalira gaabo, Rurema yenyene ali mu gayuvwa.

Hayubu 5:24

Inyumba yawe, itagateerwa. Neꞌkyanya ugakizi tanduula ibindu byawe, ugagwana byoshi biri ho.

Zaburi 18:25

Nahano, ayiji-yiji kwo ndi mweru, na kwo ndi mu kizi gira íbikwaniini, kyo kitumiri akambemba.

Zaburi 44:23

Hiꞌgulu lyawe, tuli mu girwa nga bibuzi íbikola bigagendi baagwa. Bali mu tuharuura nga bibuzi byoꞌkugendi yitwa naaho.

Zaburi 7:6

Iri byangaba biryagagi kwokwo, umugoma wani andibite kwo, anangwate. Ee! Andibate-ndibate, halinde anyite, ananziike mu kuzimu.

Migani 15:8

Amatuulo ga banangora-mabi, Nahano agashombiri. Si amahuuno gaꞌbandu ábatungiini, gali mu músimiisa.

Migani 3:33

Ikyanya abandu bali mu gira íbitali nga byo, Nahano ali mu badaaka. Si ngiisi ábali mu gira íbikwaniini boohe, ali mu kizi bagashaanira.

Hisaaya 1:15

Bwo mugweti mugayitana, amaboko giinyu gakoli yijwiri umuko! Kwokwo, ikyanya mugakizi gagolola mbu mundabaaze, ngakizi mùhindulira ingoto. Kundu mwangambuuna bweneene, ndangaki mùtega amatwiri.

Hisaaya 3:10

Ngiisi ábakwaniini, ugendi babwira kwo bagagenduukirwa. Ee! Ngiisi byo bagweti bagahimbukira kwo, bâye bilongere kweꞌmbembo.

Hisaaya 51:9

E Nahano woꞌbushobozi bwoshi! Vyuka maashi! Uvyukage! Ukizi koleesa ubushobozi bwawe, nga kwo wâli kizi gira yaho keera. Aaho! Ka utali we katema-tema kirya kingisho-ngisho Rahabu? Ka utanali we katumita kirya kingisho-ngisho kyoꞌmujoka gwa mu nyaaja?

1 Timoteyo 2:8

Ku yukwo, ndoziizi kwaꞌbashosi ba ngiisi handu bakizi huuna Rurema, mu kulengeza amaboko gaabo mu kati koꞌbweru. Si kutabe mu bute, kandi iri mu mbamba.