Hayubu 7:8 - Kifuliiru

⁸ Kundu abandu bakiri mu mbona, haliko batagaki shubi mbona. Kundu mundooze, haliko ndagaaba ngiri ho.

Hayubu 7:8 ပူးပေါင်းရင်းမြစ်များ

2 Samweri 12:23

Haliko buno, keera afwa. Aaho! Bikagi íbyangatuma ngaki yishalisa? Yukwo kuyishalisa, ka kwangaki múgalula hano mu kihugo? Lusiku luguma, ngamúgwana. Si yehe, atangaki ngalukira.»

Hayubu 13:27

Ugweti uganjweka iminyororo ku magulu, unagweti ugaloleekeza ngiisi ho ndi mu genda, mu kubiika akalangikizo ku shando zaani.

Hayubu 14:10

«Haliko umundu yehe, ikyanya ali mu fwa, kwoshi kwokwo. Amagala gaage gali mu yami ziikwa. Iri ali mu yisa umuuka gweꞌmbeka, ndaakwo kundi.

Hayubu 14:3

E Rurema, kituma kiki ugweti ugambenekera? Na kituma kikagi uli mu ndwira ulubaaja imbere lyawe?

Hayubu 20:8

«Bali nga birooto naaho, bali mu fwifwitira, banabe batakiri mu boneka. Bagasheguuka ngaꞌmabone ga mu bushigi.

Hayubu 20:9

Kundu abandu bâli kizi babona, haliko batagaki boneka. Kiri na ho bâli rambiri, naho hatagaki menyeekana.

Hayubu 27:19

Yabo babi, bali mu gendi gwejera bakiri bagale, haliko, ikyanya bali mu vyuka, banayiji gwana ubugale bwabo ndaakibwo.

Hayubu 3:13

Íngifwe mu kubutwa, nangayigwejeriiri i kuzimu ku mutuula. Nangabiiri ngwejeriiragi bwija, na nduhuuke.

Hayubu 7:21

Kituma kiki utangangejeerera ibyaha byani, unayami koga ubuligo bwani? Hinyerere hiniini naaho, ngayifwira, na mbiikwe i kuzimu. Ikyanya ugandooza, ndagaki ba ho.»

Hayubu 8:18

Kundu kwokwo, yugwo mulandira, iri gwangakuulwa ahandu haagwo, guli mu ba nga gutâli zaazi ba ho.

Zaburi 103:16

Ikyanya imbuusi iri mu huusa, akaaso kanayami yehuuka. Kiri na ho kashuba, hatanaki kengeerwe.

Zaburi 37:36

Haliko ha nyuma, iri nꞌgashubi halenga, ndanaki babona. Kundu nꞌgagira mbu nibalooze, batanashubi boneka.

Zaburi 39:11

Kwokwo, utaki shubi mbana. Si ibihano byawe, keera byanduhya!