Hayubu 7:6 - Kifuliiru

⁶ Isiku zaani, ziri mu lenga duba-duba, ukuhima umulindi gwoꞌtuti twoꞌkuluka mweꞌmirondo. Ee! Isiku zaani, ziri mu mala duba. Noꞌmulangaaliro, ndaakigwo.

Hayubu 7:6 ပူးပေါင်းရင်းမြစ်များ

Hayubu 13:15

Kundu Rurema anganyita, ngamúbiika kwoꞌmulangaaliro. Ngayitanga, mu kuyibulanira imbere lyage.

Hayubu 14:19

Ishalalo zaꞌmiiji zigweti zigahokoorora amabuye. Neꞌnvula igweti igamoola idaho. Kwo na kwokwo, naawe, uli mu hebuuza abandu umulangaaliro.

Hayubu 16:22

Mukuba, ha nyuma hiniini, ngaaba keera nafwa, ndanâye shubi galukira mu kihugo.»

Hayubu 17:1

«Keera nꞌgavunika umutima. Isiku zaani, zikola bu mala. Ishinda naaho, yo ikoli ndindiiri.

Hayubu 17:11

Isiku zaani, zikoli maziri. Ishungi zaani, keera zahongolwa. Ngiisi byo njubi shungisiri mu mutima gwani, bikoli sherebiiri.

Hayubu 17:15

Aaho! Iri byangabiiri kwokwo, umulangaaliro gwani hayagi nangaki gubiisiri? Yugwo mulangaaliro, nyandagi úwangaki gubona?

Hayubu 17:16

Yoho wee! Twe noꞌmulangaaliro gwani, tugamalira i kuzimu. Twembi, tugaluhuukira mu luvu.»

Hayubu 19:10

«Agweti aganjulika-njulika imbande zooshi, halinde nahererekera. Umulangaaliro gwani, keera anagukuula, nga úwakuula ikiti.

Hayubu 6:11

«Halikago buno, ndaki hiiti imisi yoꞌkugenderera. Na bwo ndahiiti umulangaaliro, kutagi kwo nangalonga ukugooyera?

Hayubu 9:25

«Isiku zaani, ziri mu tibita bweneene ukuhima umundu úli mu ndangwe. Ziri mu nyerera duba-duba, ndaanabwo bushambaale bwo mbiiti.

Zaburi 102:11

E Rurema, maashi! Nabonaga kwo ukoli rakiiri bweneene. Keera ukandengeza, wananvugumula hala.

Zaburi 144:4

Si abandu balyagagi nga muuka naaho! Isiku zaabo ziri mu lenga duba, nga kimbehwa.

Migani 14:32

Banangora-mabi, ikyanya balonga ubuhanya, bali mu tindimazibwa. Si umundu woꞌkuli, kundu angafwa, ali mu longa ubutibitiro.

Yeremiya 2:25

E Bahisiraheeri, muyitondage. Si mu kulooza byo mugayikumba, mugweti mugatibita buzira biraato! Kiri neꞌmimiro yinyu, ikola mu hangalala. Yoho wee! Si muli mu naaka, mbu: “Ndaakwo kundi! Iyo migisi, tugisimiiri, tunakwaniini tukizi giyikumba.”

Bahefeso 2:12

Mukengeerage kwo yaho keera mwâli ki handwirwi ku Kirisito. Mwâli handwirwi na ku bandu ba Rurema, Abahisiraheeri. Boohe, bo Rurema akabiika kweꞌbihango, anabibiika kweꞌmihango. Haliko mwehe, ndaayo ngoome yo mwâli gweti mu kati kaabyo. Si mwâli tuuziri mu kino kihugo buzira Rurema, na buzira mulangaaliro.

Yakobo 1:11

Ikyanya izuuba liri mu ba keera lyatwa, ikyuka kyalyo kiri mu bogamya imbuto. Utwaso tunaholoke, tunabe tutaki buyahiri. Kwokwo, noꞌmugale naye, ikyanya ali mu ba akiri mu hiduukira mu mikolwa yage, mwomwo mwo ali mu fwira.

Yakobo 4:14

Si mutayiji íbigamùkoleka kwo, kiri na kusheezi! Uburambe bwinyu, bulyagagi buki? Si buli nga luuta! Luli mu boneka ku hyanya hiniini, lunayami nyerera!

1 Peturu 1:13

Ku yukwo, mukizi yisaliza ku bwitonde, gira lyo mukizi ba ibiringiini. Munakizi ba masu, iri munabiika umulangaaliro gwinyu gwoshi ku migashani ya Yesu. Mukuba, ikyanya Yesu Kirisito agayerekanwa, lyo mwâye gashaanirwe.

1 Peturu 1:24

Mukuba biyandisirwi kwokuno: «Abandu booshi, bali nga byasi. Noꞌbulangashane bwabo, buli nga bwaꞌkaaso naaho. Ibyasi biri mu bogama, naꞌkaaso kanabugumuke.