Hayubu 7:20 - Kifuliiru

²⁰ E mulaazi waꞌbandu, nga nangakoziri ibyaha, bikugooziri biki? Kituma kiki uli mu hidika mu kukizi ndibuza? Aaho! Ka ukoli yuvwiti kwo keera nakuzidohera?

Hayubu 7:20 ပူးပေါင်းရင်းမြစ်များ

Nehemiya 9:6

Wehe naaho, we Nahano. We kabumba igulu, na byoshi íbiri mwo. We kabumba neꞌndonde zooshi. We kabumba neꞌkihugo na byoshi íbiri mwo. We kabumba neꞌnyaaja, na ngiisi íbiri mwo. Yibyo byoshi, we tumiri biri bigumaana. Byoshi íbiri kwiꞌgulu, biyamiri bigweti bigakuyikumba.

Hayubu 10:14

Wâli kizi lindirira ulole iri ngaagira ibyaha. Neꞌkyanya nꞌgagira buligo, utanalooza ukungoga.

Hayubu 10:2

Ngabwira Rurema: “Utalunguli ndwira ulubaaja kwo nahuba. Haliko, utee mmenyeesa ngiisi byo wandega kwo.

Hayubu 10:6

Aaho! Kituma kiki uki gweti ugakulikiriza ubuligo bwani? Si ugweti ugabuloleekeza bweneene!

Hayubu 13:26

Ugweti ugandega ku birego bilangi, iri unashubi vyula ibyaha byoshi bya mu busore bwani.

Hayubu 14:16

«Haaho, ugashubi gaaja indambo zaani, si utangashubi loleekeza ibyaha byani.

Hayubu 22:5

Nanga, maashi! Si íbitumiri ali mu kuhana, bwo uli nangora-mabi. Ibyaha byawe, biluguusiri ngana-ngana.

Hayubu 3:24

«Niehe, ho nangalya, ndi mu gongeera naaho. Yikyo kigongeero, kigweti kigajalabanda nga miiji.

Hayubu 31:33

«Ndazindi gira, mbu mbishe amahube gaani, nga kwaꞌbandi bali mu gira. Aahabi! Ndagabishiri mu mutima gwani.

Hayubu 33:27

«Uyo mundu anabwire biira baage, ti: “Nâli kizi yifunda mu byaha, iri na njobania ukuli. Kundu kwokwo, ndakahanwa, nga ngiisi kwo byâli ngwaniini.

Hayubu 33:9

Keera wayihumeera mu kudeta kwokuno: “Niehe ndi mweru. Ndaabyo nangalezirwi kwo, ndaanabyo byaha ngweti, ndaanabwo buhube.

Hayubu 35:3

Wanashubi buuza, mbu: “Mu kuyiyeka ibyaha, biki byo nangayunguka? Si ndaabwo bunguke!”

Hayubu 35:6

Kundu wangaba uli mu yifunda mu byaha, si utangagoora Rurema. Yibyo byaha, kundu wangabiluza, yehe bitangamúlibuza.

Hayubu 6:4

Rurema woꞌbushobozi bwoshi, imyambi yage keera yamberuuza mwo yanandula-ndula mu mutima gwani. Amakenya gaayo, keera gahika mu mutima gwani, na ngoli kangusiri.

Zaburi 21:12

Kundu bagweti bagaagira igambi libi hiꞌgulu lyawe, mu kukushungikira amabi, ndaakwo bagakugira.

Zaburi 36:6

E Nahano, wehe, urukundo lwawe luhisiri halinde mwiꞌgulu. Ubwemeera bwawe, buhisiri ku bibungu.

Zaburi 80:4

E Rurema, utuyerekage ubwija bwawe. Unatugalulire imwawe, halinde lyo tukizibwa.

Kimombo 3:12

Akafwora umuheto gwage, gira akizi njunguusa kweꞌmyambi.