Hayubu 7:16 - Kifuliiru

¹⁶ Ngoli shombiri uburambe bwani, ndanaki loziizi kwo nduule ho. Mundeke, maashi! Si isiku íziki nzigaliiri, ziri nga ndaakizo!

Hayubu 7:16 ပူးပေါင်းရင်းမြစ်များ

Ndondeko 27:46

Uyo Rebeka, anagendi bwira Hisake: «Ewe! Yaba bali-kazi baawe baꞌBahiti, keera bakambahaza bweneene. Aahago! Iri Yakobo naye angayiji yangira mu Bahiti, nangakengeera navunika umutima lwoshi.»

1 Baami 19:4

Si yehe, anagenderera umulege-rege gwoshi, halinde mwiꞌshamba, anagendi bwatala mwiꞌdako lyeꞌkiti kiguma kyeꞌngaja-malungu. Haaho, anahuuna Rurema kwo alonge ukufwa. Anamúbwira, ti: «E Nahano, ndaakikwo kundi! Ubulyo, ndaakibwo. Ndali nie mwija ukuhima bashokuluza baani. Kwokwo buno, unyitage.»

Hayubu 10:1

«Ngoli shombiri uburambe bwani. Kwokwo, leka nyidodombe buzira kuhangirirwa. Bwoꞌmutima gwani gukola mwoꞌbululu, ngwiriiri ndetage.

Hayubu 10:20

Ngoli hiiti isiku niini naaho, mbuli fwa. Aaho! Undekage, ndee longa ukuholeezibwa.

Hayubu 14:6

Umúlekage, maashi! Alonge ukutee luhuuka hiniini. Bwo ali mukozi naaho, ulekage ayuse imikolwa yage mu kati koꞌmutuula.

Hayubu 6:9

Emwe! Nangaloziizi kwo anganvuta-nvuta. Angagolwiri ukuboko, anayami nyita.

Hayubu 7:15

Ho nangagenderera ukulibuuka kwoku, ngoli bwini kwo nangamanisirwi, ninayami fwa.

Hayubu 7:7

«E Rurema, kengeera kwoꞌburambe bwani guli muuka naaho. Ndagaki bona isiku nyiija.

Hayubu 9:21

Niehe, ndaabyo bangandega kwo. Kundu kwokwo, ndakiri mu yitwaza. Si uburambe bwani, ngoli gweti ngabugayiriza.

Zaburi 144:4

Si abandu balyagagi nga muuka naaho! Isiku zaabo ziri mu lenga duba, nga kimbehwa.

Zaburi 39:10

Si we katuma ngola mu hanwa kwoku. Ku yukwo, ndagaki deta. Kiri noꞌkuyigula akanwa kaani, ndaloziizi.

Zaburi 39:13

E Nahano, uyuvwagwe ngiisi kwo ngweti ngakuhuuna. Ee! Uyuvwirize ngiisi kwo ndi mu kulirira. Ikyanya wayuvwa amalira gaani, utayigire nga bitwitwi. Si ngoli tuuziri nga muhinjuka. Nduuziri nga kinyamahanga, nga kwo bashokuluza biitu nabo bâli tuuziri.

Zaburi 39:6

Isiku zaani, si ziri niini bweneene, zinakwiziri ha fune. Ee! Imyaka yani yoshi, iri nga ndaayo. Ubulamu bwoꞌmundu, buli mu lenga nga úwayisa umuuka liguma naaho.»

Zaburi 62:9

E bandu, mukizi biika umulangaaliro imwa Rurema. Munamúyerekage byoshi íbiri mu mitima yinyu. Mukuba, ye mu tushuutira.

Zaburi 78:33

Kyanatuma bagaahisa imyaka mingi, bagweti bagahanyagala. Na mu kuheza, banafwa booshi.

Zaburi 78:39

Mukuba, âli kengiiri kwo bali ba kufwa naaho, banali nga mbuusi íri mu tee huusa, inayami nyerera.

Mwigiriza 2:17

Ku yukwo, nanatondeera ukunegura uburambe bwani. Mukuba, byoshi íbigweti bigakizi koleka mu kihugo, biri bya kulyaniisa naaho umutima. Na byoshi biryagagi bya busha-busha. Biri nga kulooza ukugwata imbuusi.

Yeremiya 8:3

Yabo banangora-mabi, ngiisi ábagaaba basigiiri, ngabashabulira hooshi mu mahanga. Halikago iyo munda, batagalooza ukulama, si bagakizi yifwija naaho kwo bafwe.» Kwokwo Nahano adesiri.

Yona 4:3

E Nahano! Buno, nakuyinginga, undeke nvwagage. Ee ma! Bwangabiiri bwija nvwe, ho nangaramba!»

Yona 4:8

Ikyanya izuuba likahuluka, Rurema anavyula imbuusi yeꞌdugumbo ukulyoka uluhande lweꞌsheere. Izuuba lyanadaruula, halinde Yona anayuvwa kwiꞌtwe lyahiira bweneene, anahambiri hola. Kwokwo, analooza ukufwa, anatulagula, ti: «Yoho wee! Bulyagagi bwija nvwe ngana, ho nangaki ramba.»