Hayubu 7:1 - Kifuliiru

¹ «Ngiisi mundu ahiiti amagoorwa mingi mu kihugo. Tugweti tugayitubanula ngoꞌmukozi weꞌmbembo.

Hayubu 7:1 ပူးပေါင်းရင်းမြစ်များ

Hayubu 10:17

Uli mu leeta utumasi twoꞌkukizi ndega. Unali mu nyonera kwoꞌburaakari bwawe, iri unaleeta abasirikaani bahyahya boꞌkuyiji ndeera.

Hayubu 14:1

«Umundu yeshi úli mu butwa noꞌmukazi, ali wa kuramba isiku niini naaho, anali mu zilonga mwaꞌmakuba.

Hayubu 5:7

Halikago abandu boohe, bali mu butwa hiꞌgulu lyaꞌmalibu, nga kweꞌshashala ziri mu yilasha hiꞌgulu.

Hayubu 7:2

Tunali nga baja ábayifwijiri ikimbehwa, na ngoꞌmukozi úgweti úgalindirira kwo ahembwe.

Zaburi 39:4

Iri nꞌgaba ndoniri kwokwo, umutima gwani gwanahiira bweneene. Emwe! Nâli yiyuvwiti ngoꞌmuliro gugweti guganziriiza. Kyanatuma ngaadeta kwokuno:

Mwigiriza 8:8

Ndaaye mundu úhiiti ubushobozi bwoꞌkugwatirira umutima gwage. Ndaanaye úwangahangirira Narufu atamútwale. Ikyanya kiꞌzibo, ndaaye úwangahanguulwa mbu ataahage. Kwo na kwokwo, iri wangaba ugweti ugakizi gira amabi, yago mabi gatangalunguli kulikuula.

Hisaaya 16:14

Haliko buno, adetaga kwokuno: «Ha nyuma lyeꞌmyaka ishatu, balya Bamohabu bagasigala bandu bagerwa naaho, banabe tufwa-busha. Ngiisi byo bâli kizi yikangaata kwo, bikola bigashombwa bweneene! (Iyo myaka ishatu igakulikirana neꞌndagaano yo sheebuja âli mu kizi gira noꞌmukozi.)»

Hisaaya 21:16

Nahano akambwira kwokuno: «Akaaya keꞌKedaari, ikyanya kagaahisa umwaka muguma naaho, ubulangashane bwako bugaamala. (Yugwo mwaka, guli nga gwo bangalagaania umukozi imbembo.)

Hisaaya 38:5

kwo agendi bwira Hezekiya kwokuno: «Ndi Nahano Rurema wa shokuluza wawe Dahudi. Galya mahuuno gaawe, keera nagayuvwa, nanabona neꞌmigenge yawe. Ku yukwo, ngakuyushuulira imyaka ikumi niꞌtaanu ku burambe bwawe.

Hisaaya 40:2

Yabo bandu beꞌYerusaleemu, mubamenyeese bwija-bwija, kwoꞌbuja bwabo keera bwamala, keera banakogwa ibyaha byabo. Ee! Ibyaha byabo byoshi-byoshi, keera Nahano akabahaniiriza hiꞌgulu lyabyo ubugira kabiri.»

Balaawi 25:50

Akwaniini aheereze sheebuja ifwaranga ízisigiiri ukukulikirana noꞌmukolwa gwo angagira halinde ukuhisa ku mwaka gwoꞌBushambaale.

Bukengeeze 15:18

«Ikyanya ugashwekuula umuja wawe, utabe naꞌmahiizi. Si ali mu ba keera akakukolera imyaka ndatu! Neꞌyo mikolwa, ihiiti ikishingo ubugira kabiri, ukuhima umukolwa gwo wangalonga kweꞌmbembo. Kwokwo, umúshwekuulage, lyo Nahano, Rurema wawe, akizi kugashaanira mu byoshi byo ugaagira.»