Hayubu 6:9 - Kifuliiru

⁹ Emwe! Nangaloziizi kwo anganvuta-nvuta. Angagolwiri ukuboko, anayami nyita.

Hayubu 6:9 ပူးပေါင်းရင်းမြစ်များ

1 Baami 19:4

Si yehe, anagenderera umulege-rege gwoshi, halinde mwiꞌshamba, anagendi bwatala mwiꞌdako lyeꞌkiti kiguma kyeꞌngaja-malungu. Haaho, anahuuna Rurema kwo alonge ukufwa. Anamúbwira, ti: «E Nahano, ndaakikwo kundi! Ubulyo, ndaakibwo. Ndali nie mwija ukuhima bashokuluza baani. Kwokwo buno, unyitage.»

Hayubu 10:1

«Ngoli shombiri uburambe bwani. Kwokwo, leka nyidodombe buzira kuhangirirwa. Bwoꞌmutima gwani gukola mwoꞌbululu, ngwiriiri ndetage.

Hayubu 11:20

Si banangora-mabi boohe, amasu gaabo gagaahuma. Banabule ubulyo bwo bangatoloboka mwo. Umulangaaliro gwabo naaho, mbu bafwe ngana.»

Hayubu 14:13

Bwangabiiri bwija utee mbisha i kuzimu, halinde uburaakari bwawe butee hooha. Ha nyuma kandi, unabiike ulusiku lwoꞌkushubi ngengeera.

Hayubu 19:21

«E biira baani, munyuvwirwe indengeerwa maashi! Munyuvwirwe indengeerwa. Si Rurema keera akandumuula uluhi.

Hayubu 6:8

«Aahago! Ikyanya ndi mu huuna Rurema, bwangabiiri buhiirwa, ndonge ishuvyo. Ngiisi byo ndi mu biika kwoꞌmulangaaliro, angabimbiiri.

Hayubu 9:21

Niehe, ndaabyo bangandega kwo. Kundu kwokwo, ndakiri mu yitwaza. Si uburambe bwani, ngoli gweti ngabugayiriza.

Zaburi 32:4

Ubwakya-ubwayira, wâli kizi mbana, halinde indege zanavunika, nga ku kyanya izuuba liri mu daarula.

Hisaaya 38:12

Uburambe bwani bukolaga ngiꞌheema lyoꞌmungere, lyo bali mu kulula haashi, banalishaaze. Yoho wee! Si ngola mu malaga, ngoꞌmulondo gwoꞌmuhaazi ali mu bungiriza. Mu lusiku luguma naaho, lyo wayami mbisa ku mbeka yeꞌsiku zaani.

Yona 4:3

E Nahano! Buno, nakuyinginga, undeke nvwagage. Ee ma! Bwangabiiri bwija nvwe, ho nangaramba!»

Yona 4:8

Ikyanya izuuba likahuluka, Rurema anavyula imbuusi yeꞌdugumbo ukulyoka uluhande lweꞌsheere. Izuuba lyanadaruula, halinde Yona anayuvwa kwiꞌtwe lyahiira bweneene, anahambiri hola. Kwokwo, analooza ukufwa, anatulagula, ti: «Yoho wee! Bulyagagi bwija nvwe ngana, ho nangaki ramba.»

Bwigule 9:6

Mwiꞌyo myezi itaanu, abandu bagakizi loozagya ulufu, bataganalubona. Na kundu bagalusara bweneene, lugabatibita!