Hayubu 6:4 - Kifuliiru

⁴ Rurema woꞌbushobozi bwoshi, imyambi yage keera yamberuuza mwo yanandula-ndula mu mutima gwani. Amakenya gaayo, keera gahika mu mutima gwani, na ngoli kangusiri.

Hayubu 6:4 ပူးပေါင်းရင်းမြစ်များ

Hayubu 16:9

Rurema, agweti agandeera ngana, anali mu njanganula-njangaula ku buraakari. Agweti aganjigira amiino, iri anangonolera amasu.

Hayubu 19:12

Abasirikaani baage, bagweti baganyijira duba-duba, banabe bagweti bagalunda uluvu ku luzitiro, gira balonge ukundeera. Ishumbi zaabo, zikoli sokaniini inyumba yani.

Hayubu 20:16

banabe bakola mu yonga amanjoka-njoka. Umujoka, gugabakoma ngana, gunabayite.

Hayubu 21:20

Boonyene, banalonge ukumenya ngiisi kwo bagashereezibwa. Banakizi libuuka ku buraakari bwa Rurema woꞌbushobozi bwoshi.

Hayubu 30:15

«Kwokwo, keera nazingwa neꞌkyoba kingi. Na kundu njuba mu simbahwa, si ulushaagwa lwani keera baluyehuula nga mbuusi. Kiri noꞌbugale bwani, keera babutwala hala, nga kibungu.

Hayubu 31:23

Yibyo bihano, byo bikulu, ho Rurema yenyene angayiji njereeza. Iri Rurema woꞌbulangashane angambaga, iri namala lwoshi.

Hayubu 34:6

Kundu ndaabwo buhube ngweti, halikago bali mu mbwira kwo ndi mubeeshi. Kundu ndagweti buhube, si ikihando kyani kyanana ukukira.”

Hayubu 7:20

E mulaazi waꞌbandu, nga nangakoziri ibyaha, bikugooziri biki? Kituma kiki uli mu hidika mu kukizi ndibuza? Aaho! Ka ukoli yuvwiti kwo keera nakuzidohera?

Hayubu 9:17

Rurema ali mu nyuka-nyuka neꞌkihuhuuta. Na kundu ngwaniini imbere lyage, ali mu kizi ngomeeresa naaho.

Zaburi 143:7

E Nahano, uvwarukage, unjuvye, maashi! Si ngolagi yihebwiri! Aahago! Utambindulire ingoto. Mukuba, iri wangagimbindulira, lyo ngayami fwa.

Zaburi 18:14

Nahano, kwo ali hiꞌgulu lya byoshi, anayimokooza, halinde izu lyage lyanayuvwikana.

Zaburi 21:12

Kundu bagweti bagaagira igambi libi hiꞌgulu lyawe, mu kukushungikira amabi, ndaakwo bagakugira.

Zaburi 38:2

E Nahano, utakizi nyerekeza ku kyanya ukoli rakiiri, utanambanage ku bute bwawe.

Zaburi 38:3

Si imyambi yawe, igweti igandumita! Ukuboko kwawe, kunangandamiiri.

Zaburi 45:5

Ngahwe! Ushokolage injira, uli ku fwarasi, unakizi gendi gira ibyeꞌkisoomeza. Ugendi lwira ukuli, noꞌbutuudu, na íbikwaniini. Ukoleese ubushobozi bwawe, mu kugendi hima.

Zaburi 7:13

Abandu, iri batangajanda ibyaha byabo, Rurema agatyaza ingooti yage, anafwore noꞌmuheto, gira abalashe.

Migani 14:10

Ndaaye úwangamenya ngiisi kwoꞌwabo ali mu lyanirwa. Kiri neꞌkyanya ashambiiri, ndaaye ye bangashambaalira kuguma.

Migani 18:14

Ikyanya umundu alwaziri, umutima gwage guli mu ba guki kaniri. Si umutima, iri gwangaderuuka, atangaki ba ho.

Hisaaya 28:19

Yugwo mwijulire, gugakizi lenga ngiisi lusiku. Gugakizi yija mwiꞌzuuba, kiri na mu bushigi. Noꞌbuzinda, mugatwalwa ngana. Yikyo kihano, ngiisi ábakisobanukiirwi, bagashenguka ngana.

Kimombo 2:4

Nahano akateera abandu baage, mu kubafworera kwoꞌmuheto, nga kwo angateera umugoma. Na kundu imisore yabo yâli nonosiri, akakoleesa ubushobozi bwage, mu kugiminika. Ku buraakari bwage, akayami mwagula umuliro, mu kuyokya akaaya kaage keꞌSayuni.

Kimombo 3:3

Anali mu shiiba agweti agakoleesa ukuboko kwage mu kukizi ndimbagula.

Mariko 15:34

Neꞌri hakaba ku bihe mwenda, Yesu anayamiza kwiꞌzu lihamu kwokuno: «Helohi! Helohi! Lama sabakitani?» Umugeeza gwago: «E Rurema wani, e Rurema wani! Kituma kiki wanjandirira?»

2 Bakorindo 5:11

Bwo tuyijagi kwo Nahano akwiriiri ukuyobohwa, tugweti tugayinginga abandu bweneene kwo bamúyemeere. Rurema atuyiji bwija nga ngiisi kwo tuli. Na ndangaliiri kwo na niinyu mukoli tuyiji bwija mu mitima yinyu.

Bukengeeze 32:42

Ingooti yani, igatongeera abagoma baani. Na ndobeke imyambi yani mu muko gwabo. Ndaayo ndwani ígatoloboka, Ábagwatwa imbohe, igabayita. Inatole amatwe geꞌbirongoozi byabo.”

Ruuti 1:20

Nahomi anabashuvya: «E maashi, balya! Mutaki shubi mbuuza Nahomi, (kuli kudeta: muhiirwa). Si mukizi mbuuza Mara, (kuli kudeta: bululu). Mukuba, uburambe bwani, Rurema woꞌbushobozi bwoshi, keera akabuhindula bukizi ba bululu bweneene.