Hayubu 5:20 - Kifuliiru

²⁰ Ikyanya kyoꞌmwena, agakufuusa mu lufu. Neꞌkyanya kiꞌzibo, utagaki gujikwa neꞌngooti.

Hayubu 5:20 ပူးပေါင်းရင်းမြစ်များ

Ndondeko 45:7

Rurema yenyene ye kagwanwa andeeta mu kino kihugo, bwo âli loziizi ukumùkiza ku njira yeꞌkisoomeza, halinde lyo mwe neꞌmbaga ziinyu mukalongage ukuba ho.

1 Baami 17:6

Ngiisi shesheezi, kiri na ngiisi kabigingwe, banamujongo banakizi múleetera imikate neꞌnyama, anakizi nywa naꞌmagoloovi ha lwiji.

Zaburi 118:18

Mukuba, kundu Nahano akambaniiriza bweneene, halikago, atakandeka kwo nvwe.

Zaburi 144:10

Mukuba, we mu tuma abaami bagaahima, unali mu kiza umukozi wawe Dahudi, atayitwe neꞌngooti.

Zaburi 27:3

Kundu nangayiji teerwa niꞌzibo, umutima gwani gutagapuupa. Na kundu abasirikaani bingi banganzokanana, ngayama naaho ndi kihagarusi.

Zaburi 33:19

Abandu baage, ali mu bakiza na Narufu. Anagweti agabalanga, batayiji kengeera bahera noꞌmwena.

Zaburi 37:19

Kundu bangaba balyagagi naꞌmakuba, haliko batagaafwa. Kiri na mu siku zoꞌmwena, bagaki longa ibyokulya.

Zaburi 49:7

Boohe, bagweti bagabiika umulangaaliro ku bugale bwabo, banagweti bagabuyihayira bweneene.

Migani 10:3

Umundu úkwaniini, Nahano atali mu múleka mbu ashalike. Si banangora-mabi boohe, ali mu bahangirira, batalonge byo bayifwijiri.

Hisaaya 33:16

Abandu mwene yabo, boohe bo bagatuula mu butoge, banakizi langwa nga bandu ábatuuziri mu kaaya kazitire. Bagakizi longa ibyokulya íbiri tiita, banakizi nywa amiiji ngiisi lusiku.

Yeremiya 37:21

Kwokwo, mwami Zedekiya anakyulaga kwo Yeremiya abiikwe mu kisiika kyaꞌbalaliizi. Na ngiisi lusiku, akizi leeterwa umukate ukulyoka imwaꞌbadeesi baamwo, halinde ku lusiku imikate igaamala lwoshi mu kaaya. Kwokwo, Yeremiya anatuula mwomwo mu kisiika kyaꞌbalaliizi.

Yeremiya 39:18

Ku kasiisa, ngakukiza. Bwo ukambiika kwoꞌbwemeere, utagayitwa mwiꞌzibo.”» Kwokwo, kwo Nahano adesiri.

Hosheya 13:14

Yabo bandu, ka ngwiriiri nyiji bakiza mu shinda? Ka mbakize na Narufu? Nanga, maashi! E Narufu! Uleetage ikiija! Na naawe, e Nakuzimu! Uyiji bashereeza! Ee! Ndagaki babonera kandi ulukogo!»

Habakuki 3:17

Ibiti byeꞌmitiini kundu bitahembiri, neꞌmizabibu inabe ndaabyo bitumbwe byo itongesiri, neꞌmizehituuni inabe ndaago mavuta ágayezirwi mwo, neꞌndalo, imimbu yazo inabe ndaayo, neꞌbibuzi binabe bikakumbululwa mu lugo, neꞌngaavu mwiꞌruli, banabe bazipiisa!

Mataayo 24:6

Mugakizi yuvwa imyazi yaꞌmazibo, noꞌlunganga lwago. Kundu kwokwo, mutakizi hemuka! Yibyo byoshi, bikwiriiri bitee ba. Haliko itagaaba yo mberuuka.