Hayubu 5:19 - Kifuliiru

¹⁹ Ikyanya walonga amakayu, agakizi kukiza ubugira kalindatu. Agakulanga, kiri ubugira kalinda.

Hayubu 5:19 ပူးပေါင်းရင်းမြစ်များ

Zaburi 34:19

Ngiisi ábavunisiri umutima, Nahano ali mu bakuya-kuya. Neꞌkyanya bali mu yihebuura, ali mu bakiza.

Zaburi 34:20

Umundu úkwaniini, kundu angalonga amakuba mingi, haliko Nahano ali mu múkiza mu gooshi.

Zaburi 66:12

Wanahanguula abagoma biitu, kwo bakizi tulibata kwo. Twâli kizi leezibwa mu miiji, kiri na mu muliro. Kundu kwokwo, ukatuhisa ho tukoli vwagariiri.

Zaburi 91:15

Ikyanya agandabaaza, ngamúyitaba. Neꞌkyanya kyaꞌmakuba, tugayamanwa. Ngamúguluula, ninamúgingike.

Migani 24:16

Mukuba, umundu woꞌkuli, kundu angagwa ubugira kalinda, haliko agaki shubi yimuka. Si banangora-mabi boohe, ikyanya bali mu longa amalibu, bali mu yami gwa lwoshi.

Migani 6:16

Hali amagambo galindatu ágali mu yagaza Nahano, anagashombiri bweneene. Yago magambo, gangahika kiri na galinda, ganali gaaga:

Hisaaya 43:2

Kundu mwangalenga áhayisiri mwiꞌbenga lyaꞌmiiji, tugaaba tuliriinwi. Na kundu mwangajabuka inyaaja, mutagazika. Na kundu mwangalenga mu muliro, mutâye hiire. Imbigi zaagwo zitâye mùsingoole.

Yeremiya 39:17

E Hebeedi-Meleki! Ku lwolwo lusiku, ngakukiza. Yabo bandu, kundu bakuteeziri ikyoba, haliko ndagakubiika mu maboko gaabo.

Danyeri 3:17

Tugweti tugakolera Rurema. Neꞌri twangakabulwa mu kiberekaana kyoꞌmuliro, ali noꞌbushobozi bwoꞌkutukiza mwo, anatubangatuule mu maboko gaawe.

Danyeri 3:25

Naye, ti: «Aahago! Si ngoli bwini mwaꞌbandu bana ábagweti baganooka-nooka. Batanaki konirwi. Na gulya muliro, gutagweti gugabayokya. Noꞌliira wa kana, ashushiini noꞌmwana wa bamungu!»

Danyeri 6:16

Balya balezi, banashubi gendera mwami Dariyo, banamúbwira: «E mwami, ukengeere bwija, kwo mu Bameedi na mu Baperisiya, iri mwami angaba keera abiika ulubaaja, ndaaye úwangaki luhindula!»

Danyeri 6:17

Uyo mwami anakyula kwo Danyeri aleetwe. Neꞌkyanya akaleetwa, anayami lashwa mu kishimo kyeꞌndare. Mwami anamúbwira: «E Danyeri, si ugweti ugakolera Rurema wawe ngiisi kyanya! Aaho! Akukizagye!»

1 Bakorindo 10:13

Mu magezo go muli mu longaga, ndaago gaꞌbandi batazindi longa. Na bwo Rurema ali mwemeera, atangaleka mbu mugezibwe kwo mutashobwiri. Ee! Ikyanya mugakizi gezibwa, Rurema agamùshoboleesa ukuyihangaana, halinde munagafuuke mwo.

2 Bakorindo 1:8

E beene witu! Tuloziizi mumenyage bwija ngiisi kwo tukalibuuka bweneene mu poroveesi yeꞌHaziya. Yago malibu gâli tukayiri bweneene, halinde twenyene tutangaki gagooyera mwo! Twanayami yihebuura kwo tukola tugaasiga yaꞌmatwe giitu.

2 Peturu 2:9

Kwokwo, ikyanya abandu ba Nahano bali mu gezibwa, twabona kwo ayiji ngiisi kwo agabakiza. Naꞌbandu babi kwakundi, ayiji ngiisi kwo agakizi bahana, halinde ukuhisa ku lusiku lwo agabatwira kweꞌmaaja.