Hayubu 42:10 - Kifuliiru

¹⁰ Uyo Hayubu, iri akaba keera ahuunira biira baage, Nahano anamúgalulira ibindu byage byoshi, nga kwo âli bihiiti ubwa mbere. Ee! Anamúheereza ubugira kabiri kaabyo.

Hayubu 42:10 ပူးပေါင်းရင်းမြစ်များ

Ndondeko 20:17

Mukuba, uyo Saara, ikyanya akatwalwa imwa Habimereki, kyanatuma Nahano agayami hangika ibuta lyaꞌbakazi booshi ba mu nyumba yage, bwo Saara âli kola muka Hiburahimu. Haliko, Hiburahimu akahuuna Rurema, anakiza Habimereki, na mukaage, kiri naꞌbaja-kazi baage, halinde banashubi longa ukubuta.

2 Kutondobola 25:9

Uyo muleevi wa Rurema, Hamaziya anamúbuuza: «Yaba basirikaani baꞌBahisiraheeri, si keera nabaheereza ifwaranga nyingi! Aaho! Kutagi kwo ngaki bagirira?» Na wa naye, ti: «Leka maashi! Nahano ali noꞌbushobozi bwoꞌkukugalulira ingingwe yazo.»

Hayubu 1:2

Âli hiiti abagala balinda, naꞌbanyere bashatu.

Hayubu 1:3

Uyo Hayubu âli mugale bweneene, weꞌbibuzi bihumbi birinda, neꞌngamiya bihumbi bishatu, neꞌngaavu kihumbi, naꞌmabuguma ga bapunda magana gataanu, naꞌbakozi bingi bweneene. Ye wâli mugangambale, ukuhima abandi booshi ba mu mbande zeꞌsheere.

Hayubu 42:9

Kwokwo, Herifaazi weꞌTemaani, na Biridaadi weꞌShuha, na Sofaari weꞌNahama, banagira nga ngiisi kwo Rurema akababwira. Neꞌkyanya Hayubu akabahuunira imwa Rurema, anamúyuvwa.

Zaburi 126:1

Luli mu yimbwa na ábali mu zamuukira i Yerusaleemu. Ikyanya twâli ki shwesirwi mu mbohe i mahanga, Nahano anashubi tugalulira i Sayuni. Twâli riiri nga tukola mu loota ibirooto.

Zaburi 14:7

Bwangabiiri bwija Abahisiraheeri balonge ubukize ukulyoka i Sayuni. Ikyanya Nahano agagalula abandu baage ukulyoka mu mahanga, beene Yakobo bagakizi shambaala. Ee ma! Beene Hisiraheeri bagashagaluka ngana-ngana.

Zaburi 53:6

Yabo banangora-mabi, bagaki shenguka neꞌkyoba, kundu byoꞌkubayoboheesa, ndaabyo. Abagoma baawe, Rurema agashaabula amavuha gaabo, gabe mijande-mijande. Yabo bagoma, si keera akabalahira. Kwokwo, ugabatetereza ngana.

Migani 22:4

Ikyanya umundu ali mutuudu, anabe asimbahiri Nahano, biri mu múleetera ubugale, noꞌlushaagwa, noꞌbulamu.

Hisaaya 40:2

Yabo bandu beꞌYerusaleemu, mubamenyeese bwija-bwija, kwoꞌbuja bwabo keera bwamala, keera banakogwa ibyaha byabo. Ee! Ibyaha byabo byoshi-byoshi, keera Nahano akabahaniiriza hiꞌgulu lyabyo ubugira kabiri.»

Hisaaya 61:7

Nahano adeta kwokuno: «Abandu baani, kundu abagoma bâli kizi bateeza ishoni, halikago, bagaki longa ibindu bingi ubugira kabiri, banashambaalire ubuhyane bwabo. Ee! Bagahaabwa amahyane gabiri, halinde banashambaale imyaka neꞌmyakuula!

Hagayi 2:8

Iharija, biri bindu byani. Kiri neꞌnooro, biri byeꞌmwani.

Muharuuro 12:13

Kwokwo, Musa anatakira Nahano: «E Rurema, we kongwa umúkizagye.»

Muharuuro 12:2

Kwo bali bombi, banadeta: «E balya, ka Nahano agweti agaganuula na Musa naaho? Si na nyiitu agweti agatuganuuza!» Ikyanya bakadeta kwokwo, Nahano anabiyuvwa.

Muharuuro 14:10

Yabo bombi, iri bakadeta kwokwo, balya Bahisiraheeri booshi banatondeera ukudeta: «E balya, tuyami bavurumika amabuye.» Lyeryo, ubulangashane bwa Nahano bwanaboneka hiꞌgulu liꞌheema lyeꞌmihumaanano, imbere lyaꞌBahisiraheeri booshi.

Luka 16:27

«Uyo úshuba mugale, anashubi deta: “E daata, imwitu, iki ryagagi balumuna baani bataanu. Kwokwo, nakutendeera utumage yo Laazaro, gira agendi bakengula, batayiji kengeera bangwana hano i nakwere.”

Mikolezi 7:50

Birya byoshi, ka ndali nie kabibumba?”»

Mikolezi 7:60

Lyeryo, anayifudika haashi, anayamiza na kwokuno: «E Nahamwitu, kino kyaha kyabo, utakizi bashumuza kyo.» Mbu ayusagye ukudeta kwokwo, anayami fwa.

Bukengeeze 30:3

Haaho, lyo Nahano, Rurema winyu agashubi mùgirira amiija, mu kumùyuvwirwa indengeerwa, anashubi mùkuumania mu milala yo akamùshabulira mwo.

Bukengeeze 8:18

Nanga maashi! Mukengeere kwo Nahano, Rurema winyu, ye mu mùshoboleesa ukugala. Na kirya kihango kyo akanywana na bashokuluza biinyu, akiri mu kisimbaha halinde zeene.

Bukengeeze 9:20

«Ku yikyo kyanya, Nahano akarakarira kiri na Harooni. Âli loozi múyita, haliko naye, nanamúhuunira.

Yakobo 5:11

Na hiꞌgulu lya yukwo kugooyera kwabo, kyo kitumiri tuli mu deta kwo bahiriirwi. Keera mukayuvwa na hiꞌgulu lyoꞌbwigenderezi bwa Hayubu. Mwayuvwa, na ngiisi kwo Nahano akayiji mútabaala. Mukuba, Nahano, ali mu yuvwa indengeerwa, anali mu nogerana.

1 Samweri 2:7

Nahano ye mu keneesa baguma, anagaze abandi. Ali mu tindimaza baguma, anakuze abandi.

1 Samweri 2:8

Abakeni, Nahano ali mu bayinamula mu luvu, na mu munyota-kiiko. Anabayimike, banabwatale kuguma naꞌbatwali. Ikihugo kyoshi, kiri kyeꞌmwage, ye kakitereka ku ndaliro zaakyo.