Hayubu 40:4 - Kifuliiru

⁴ «Si ndi mundu ngana! Aaho! Kuti kwo ngakushuvya? Kwoku, ngola ngaaziba akanwa noꞌkuboko.

Hayubu 40:4 ပူးပေါင်းရင်းမြစ်များ

Ndondeko 18:27

Hiburahimu anashubi deta: «Ndi lukungu, na ndi munyota-kiiko. Kundu kwokwo, nayihangaana ukuganuuza Nahamwitu.

Ndondeko 32:10

Ha nyuma, Yakobo anahuuna, ti: «E Rurema wa shokulu Hiburahimu, we na Rurema wa daata Hisake! E Nahano, we kambwira: “Galukira mu kihugo kyawe, na mu beene winyu. Ngakizi kutabaala.”

2 Samweri 24:10

Dahudi, ikyanya akayusa ukuharuura abasirikaani, anagwatwa neꞌbihamba bweneene, anabwira Nahano: «E nahamwitu, mu kuharuura yaba bandu, nagira ikyaha kihamu. Kundu kwokwo, ndi mukozi wawe. Ku yukwo, nakuyinginga, ungoge. Mukuba, yibi nagira, biri bya buhwija.»

1 Baami 19:4

Si yehe, anagenderera umulege-rege gwoshi, halinde mwiꞌshamba, anagendi bwatala mwiꞌdako lyeꞌkiti kiguma kyeꞌngaja-malungu. Haaho, anahuuna Rurema kwo alonge ukufwa. Anamúbwira, ti: «E Nahano, ndaakikwo kundi! Ubulyo, ndaakibwo. Ndali nie mwija ukuhima bashokuluza baani. Kwokwo buno, unyitage.»

Hizira 9:15

«E Nahano Rurema waꞌBahisiraheeri, wehe we úkwaniini. Si twehe, nanga! Si tukola banamahube imbere lyawe. Tunakoli sigiiri bandu bagerwa naaho. Hiꞌgulu lyaꞌmahube giitu, ndaaye muguma witu úwangayimanga imbere lyawe.»

Hizira 9:6

nanamúyinginga, kwokuno: «E Rurema wani, keera nagwatwa neꞌshoni, nanateteerwa bweneene. Ndaloziizi kiri noꞌkukuyinamulira amasu. Si amahube giitu gakoli luguusiri ukutambuka amatwe giitu. Amabi giitu, keera gakuhikira yaho mwiꞌgulu.

Nehemiya 9:33

Mu byoshi íbikatukoleka kwo, uyamiri uli mu gira íbikwaniini. Kiri neꞌkyanya tukakuhubira, uyamiri ukiri mwemeera.

Hayubu 16:21

Bwangabiiri bwija, ndongage umundu woꞌkutuhambuula twe na Rurema. Ee! Atuhambuulage, nga kwoꞌmundu ali mu hambuula biira baage.

Hayubu 21:5

«Mundole kwo, lyo niinyu musoomerwa. Mubiike amaboko giinyu ku tunwa, mu kuyerekana kwo mukoli shengusiri.

Hayubu 29:9

Abatwali, mbu bambonage, banayami leka ukuganuula, banabiike umunwe ku kanwa, mu kuhuuna abandu kwo bahulike.

Hayubu 31:37

Nangamenyesiizi Rurema ngiisi kwo nꞌgagira. Nangayija imwage, nga muluzi imbere lya mwami.

Hayubu 37:19

«Aaho! Utuyigirizagye ngiisi kwo tugabwira Rurema. Si twenyene tulyagagi bahwija, tutanayiji ngiisi kwo tugayibulanira.

Hayubu 40:3

Haaho, Hayubu anashuvya Nahano:

Hayubu 42:6

Ku yukwo, ngiisi byo nꞌgadeta, buno ngweti ngabidetuula. Ngabwatala haashi mu luvu, na mu munyota-kiiko, mu kuyerekana kwo yago magambo, keera nagatwikira kwo.»

Zaburi 39:9

Ungize mu bino byaha byani byoshi, gira abahwija batayiji njekeereza.

Migani 30:32

Iri wangaba ukayigira muhwija mu kukizi yihaya, kandi iri wangaba ushungisiri ukugira amabi, kwokwo, ukizi hangirira akanwa kaawe.

Hisaaya 53:6

Tweshi, keera tukahabuka nga bibuzi. Ngiisi muguma witu ali mu yigendera haage-haage. Yago mabi giitu gooshi, Nahano ye kamúbetuza go.

Hisaaya 6:5

Iri nꞌgabona kwokwo, nanadeta: «Ala nie! Si leero ngola ngashereera! Si akanwa kaani kayulubiiri. Naꞌbandu bo tutuliinwi, nabo utunwa twabo tuyulubiiri. Kundu kwokwo, keera nayibonera Umwami. Ye na Nahano woꞌbushobozi bwoshi!»

Hisaaya 64:6

Mu kati kiitu, ndaaye úgweti úgahuuna kwiꞌziina lyawe. Ndaanaye uli mu kebukwa, mbu akuhuune ulukogo. Si keera watuhindulira ingoto, wanalekaga ibyaha biitu bitushereeze!

Kimombo 3:29

Uyo mundu, akwaniini ayilambike haashi mu luvu. Mukuba, hali ikyanya hangabiiri hakiri umulangaaliro.

Hezekyeri 16:63

Ngamùkoga amabi gooshi go mwâli kizi gira. Neꞌkyanya mugakizi gakengeera, munagwatwe neꞌshoni bweneene, munateteerwe. Mutaganaki shubi fyodoka ukudeta irindi igambo.» Kwokwo, kwo Rurema Nahamwitu adesiri.

Danyeri 9:5

«“Haliko twehe, tukoli bihuusiri bweneene, tunakoli hubiri imbere lyawe. Tugweti tugayifunda mu byaha, iri tunakuhindulira ingoto. Keera tukajanda imaaja zaawe, neꞌmigeeza yawe.

Danyeri 9:7

«“E Nahano! Ngiisi byo uli mu kizi gira, bikwaniini bweneene. Haliko twehe zeene, tukoli teziibwi ishoni. Tutakiri bemeera imbere lyawe. Kyo kyanatuma watuyimula mu kihugo kiitu, twanashabukira mu mahanga ga hoofi kiri naꞌga hala. Yizo shoni, keera zatugwata, twe tutuuziri mu kihugo kyeꞌBuyuda, mu naꞌhandi mu Hisiraheeri, kiri na mu kaaya keꞌYerusaleemu.

Balaawi 13:12

«Yugwo mubembe, umugingi angabona kwo keera gwadunduula amagala gooshi, ukutondeerera kwiꞌtwe halinde ku magulu.

Mika 7:16

Yibyo bitangaaza, ikyanya ibinyamahanga bigabibona, lyo bigateerwa neꞌshoni hiꞌgulu lyoꞌbukaholwe bwabo. Bagakizi biika ukuboko ku kanwa, iri banaziba amatwiri.

Habakuki 2:20

Haliko, Nahano atuuziri mu nyumba yage ndaluule. Abandu booshi ba mu kihugo bakizi beera munyerere imbere lyage!»

Zakariya 2:13

«Yibyo binyamahanga, ngamùyihoolera byo. Si abaja baabo, nabo bo bagayiji bashahula ibindu!» Haaho, lyo mugaamenya kwo Nahano woꞌbushobozi bwoshi, ye kandungika.

Luka 18:13

«Ulya mubuguza, yehe anayisunga hala. Atanalooza kiri noꞌkuyinamula amasu hiꞌgulu. Si anayinama mu kati keꞌshoni, anahahala bweneene hiꞌgulu lyeꞌmikolezi yage mibi, anadeta: “E Rurema maashi, ndyagagi munabyaha! Ungejeerere, we kongwa!”»

Luka 5:8

Simooni, mbu abonage kwokwo, anafukama imbere lya Yesu, anamúbwira: «E Nahamwitu, ushaage hano ndi! Si ndi munabyaha!»

1 Timoteyo 1:15

Hali igambo lyoꞌkuli lyo tukwiriiri ukukizi yemeera lwoshi: kwo Yesu Kirisito akayija hano mu kihugo hiꞌgulu lyoꞌkukiza abanabyaha. Na niehe, nie munabyaha ukuhima abandi booshi!

Batwi beꞌmaaja 18:19

Nabo, banashuvya kwokuno: «Ziba akanwa kaawe! Hatanagire lyo ugaadeta. Ka bikusimisiizi ube mugingi weꞌmbaga yoꞌmundu muguma naaho, ho wangaba mugingi woꞌmulala gwoshi mu Bahisiraheeri? Aahago! Uyije tugendanwe, gira ugendi ba mugingi witu, unabe we daata.»