Hayubu 40:12 - Kifuliiru

¹² Ee! Yabo banabwikangaate, ubalole naaho, unabatindimaze. Ufinage banangora-mabi ngiisi ho bali.

Hayubu 40:12 ပူးပေါင်းရင်းမြစ်များ

Hayubu 36:20

Utakizi yifwija kwoꞌbushigi buyije, mbu lyo ulonga ubulyo bwoꞌkushaaza abandu mu nyumba zaabo.

Zaburi 60:12

Ka utali wehe, e Rurema? Halikago buno, keera watujanda. Si utakiri mu herekeza abasirikaani biitu mwiꞌzibo!

Zaburi 94:2

Uyimukage, maashi! Si we mu twa imaaja zaꞌbandu booshi mu kihugo. Aaho! Ngiisi ábagweti bagayikangaata, ugire ubahane nga kwo bibakwaniini.

Migani 15:25

Ábali mu yiheemya, Nahano ali mu hongola inyumba zaabo. Si banamufwiri boohe, agakizi langa imbibi zoꞌtwaya twabo.

Mwigiriza 11:3

Ibibungu, iri byangayijula amiiji, iri invula igaatonya. Neꞌkiti kwakundi, iri kyangagwira uluhande lweꞌkisaka, kandi iri lweꞌmbembe, ngiisi ho kyagwira, ho na haaho kiri mu ba kilambamiri.

Hisaaya 10:6

Balya bandu beꞌHasuriya, nie mu batuma, kwo bagendi teera abandu baani! Mukuba, balya bandu baani, keera bambindulira ingoto. Na bwo bakandakarira bweneene, ngahanguulaga Abahasuriya kwo bagendi bateera, banabashahule ibindu. Bagabahinyata-hinyata, nga kwo bali mu hinyata ibidaka mu njira.

Hisaaya 13:11

Nahano adetaga kwokuno: «Bwaꞌbandu ba mu kihugo bakoli bihuusiri, ngolaga ngabahana. Ee! Ngahaniiriza banangora-mabi booshi. Kundu balyagagi noꞌbwikangaate, si ngabumala lwoshi. Na kundu bakiri mu tindimazania ku kanyaaro, haliko nabo, ngabatindimaza, gira batakizi ki yikangaata.

Hisaaya 2:12

Ngiisi ábagweti bagayikuza, mu lwolwo lusiku, Nahano woꞌbushobozi bwoshi agabahana, anabatindimaze.

Hisaaya 22:19

Kundu we twaziri, ngakushikula mu butwali bwawe. Na kundu ukuziibwi bweneene, haliko, ngaki kutindimaza.

Hisaaya 23:9

Úwashungika kwoku, ali Nahano woꞌbushobozi bwoshi. Yaba bandu, kundu bâli kizi yikangaata, haliko Rurema analooza ukubatindimaza. Na kundu bâli gweti bagashaagwa, halikago anashungika ukubateeza ishoni.

Hisaaya 63:3

Nahano naye, ti: «Njubi kaaziri imizabibu niengwa, ndanaaye gundi úwandabaala. Ee! Mu buraakari bwani, keera nakanda-kanda ibinyamahanga. Na bwo mbarakariiri bweneene, keera nabahinyata-hinyata, halinde banaminikwa. Kwokwo, imirondo yo nyambiiti, ikoli yijwiri umuko. Yayulubala ngana-ngana!

Yeremiya 48:29

«Twâli yuvwiti kwaꞌBamohabu bâli kizi yikangaata bweneene. Ee ma! Ubwikangaate bwabo bwâli leeziri ulugero. Bâli kizi yiheemya bweneene mu mitima yabo, mbu bo bali naꞌkamaro.

Danyeri 4:24

Ku yukwo, e mwami! Yiri ihano lyani, nakuyinginga ulisimbahe. Utwikirage ku byaha byawe, na ku mabi gaawe, we kongwa! Na ngiisi bo wâli kizi libuza, leero ukizi bagirira amiija. Ngeeka wangaki genduukirwa mu butwali bwawe.»

Danyeri 5:20

«Halikago ulya yisho, ikyanya akatondeera ukuyikangaata, iri anayumuusa umutima gwage, lyeryo ngana analyosibwa ku kitumbi kyage kyoꞌbwami. Noꞌlushaagwa lwage, lwanamala.

Zakariya 10:5

Ee ma! Bagaaba ndwani ngana-ngana mwiꞌzibo. Bagakizi genda bagakandagira abagoma baabo nga bidaka. Bwo bali kuguma na Nahano, ikyanya bagakizi lwa, bagakizi hima kiri naꞌbagoma ábali mu gendera ku fwarasi.

Mikolezi 1:25

gira agomboole Yuda ku mukolwa gwage gweꞌndumwa. Mukuba, Yuda keera akagusiga, anagenda ngiisi áhamúkwaniini.»

Barumi 16:20

Rurema, ye shyoko yoꞌmutuula, anakola bu futira Shetaani mwiꞌdako lyaꞌmagulu giinyu. Kwokwo, mukizi yama mutuuziri mu lukogo lwa Nahamwitu Yesu.

1 Samweri 2:7

Nahano ye mu keneesa baguma, anagaze abandi. Ali mu tindimaza baguma, anakuze abandi.