Hayubu 40:11 - Kifuliiru

¹¹ Uyerekane uburaakari bwawe imbere lyaꞌbandu. Ulole umunabwikangaate, unamúgwise.

Hayubu 40:11 ပူးပေါင်းရင်းမြစ်များ

Hayubu 20:23

Ikyanya bagaaba bakiri mu yihahala, mbu lyo bahaaza amabunda, Rurema agabarakarira bweneene. Agakizi batumuula imbi, zinabahone kwo nga nvula.

Hayubu 21:30

Ikyanya Rurema ali mu ba akoli rakiiri, anabe aloziizi ukuhana abandu, nangora-mabi ali mu fuushuka.

Hayubu 27:22

«Na kundu bagweti bagagaagala, mu kutibita ubushobozi bwayo, haliko, iri mu batumbikira buzira lukogo.

Hayubu 4:9

Yabo bandu, Rurema ali mu bafuuhira umuuka gwage, banayami fwa, banakumbululwe noꞌburaakari bwage.

Hayubu 9:5

«Ikyanya Rurema ali mu bungiisa amalambo, ndaaye úli mu tee kengulwa. Yago malambo, ali mu gabalandula-balandula ku buraakari bwage.

Zaburi 144:6

Ulavize mweꞌmilavyo, halinde ishaabule abagoma. Ubashunguuse mweꞌmyambi, gira batibite.

Zaburi 94:2

Uyimukage, maashi! Si we mu twa imaaja zaꞌbandu booshi mu kihugo. Aaho! Ngiisi ábagweti bagayikangaata, ugire ubahane nga kwo bibakwaniini.

Kulyoka 15:6

«E Nahano, ukuboko kwawe kweꞌlulyo, keera kwakola ku misi ya kahebuuza. Na ku njira yakwo, keera wasivya abagoma baawe.

Kulyoka 18:11

Buno ngoli yiji kwo Nahano ye sumbiri íbiri mu yikumbwa byoshi. Mukuba, kundu yabo Bamiisiri bâli kizi libuza Abahisiraheeri bweneene ku kanyaaro, haliko ubuzinda akabaguluula mu maboko gaabo.»

Hisaaya 2:17

Ku kirya kyanya, Nahano naaho ye gakizi huuzibwa. Si abanabwikangaate boohe, bagatindimazibwa, banagoke mu kati keꞌshoni.

Hisaaya 22:19

Kundu we twaziri, ngakushikula mu butwali bwawe. Na kundu ukuziibwi bweneene, haliko, ngaki kutindimaza.

Hisaaya 23:9

Úwashungika kwoku, ali Nahano woꞌbushobozi bwoshi. Yaba bandu, kundu bâli kizi yikangaata, haliko Rurema analooza ukubatindimaza. Na kundu bâli gweti bagashaagwa, halikago anashungika ukubateeza ishoni.

Hisaaya 25:11

Bagakizi lambuula amaboko, mbu bashaage mwo, ngoꞌmundu úli mu yoga. Kundu kwokwo, Nahano agaamala ubwikangaate bwabo, kuguma neꞌmikolezi yabo mibi.

Hisaaya 26:5

Ikyanya abandu bali mu ba bayidundulisiri, ali mu batindimaza. Yabo bandu, kiri naꞌkaaya kahamu ko batuuziri mwo, ali mu kahongola ngana, kanasigale kilundo kyaꞌmabuye mu luvu.

Hisaaya 42:25

Kyo kikatuma agaturakarira bweneene, anatuleka tuyogogozibwe mwiꞌzibo lyeꞌngunguula. Uburaakari bwage butusokaniini nga ngulumira. Kundu kwokwo, tutazi sobanukirwa. Yubwo buraakari, kundu bukahambiri tujigiivya, si tutaki butwaziizi.

Yeremiya 48:29

«Twâli yuvwiti kwaꞌBamohabu bâli kizi yikangaata bweneene. Ee ma! Ubwikangaate bwabo bwâli leeziri ulugero. Bâli kizi yiheemya bweneene mu mitima yabo, mbu bo bali naꞌkamaro.

Hezekyeri 28:2

«E mwana woꞌmundu, ubwire mwami weꞌTiiro kwo nie Rurema Nahamwabo nadetaga kwokuno: “Si ugweti ugayikangaata bweneene, iri unayihaya, ti: ‘Niehe nie woꞌkuyikumbwa! Ngoli bwatiiri ku kitumbi kya íbiri mu yikumbwa, kinali ha kati keꞌnyaaja.’ Kundu ugweti ugayidundulika kwo we woꞌkuyikumbwa, si ulyagagi mundu ngana, utanali wa kunyigereera.

Danyeri 4:24

Ku yukwo, e mwami! Yiri ihano lyani, nakuyinginga ulisimbahe. Utwikirage ku byaha byawe, na ku mabi gaawe, we kongwa! Na ngiisi bo wâli kizi libuza, leero ukizi bagirira amiija. Ngeeka wangaki genduukirwa mu butwali bwawe.»

Nahumu 1:6

Ikyanya Nahano ali mu shavura, nyandagi úwangaki labuka imbere lyage? Uburaakari bwage, ikyanya buli mu ba bukoli yasiri, nyandi úwangaki sigala? Uburaakari bwage, buli mu siriiza ngana-ngana. Kiri naꞌmaala, gagweti gagabereka imbere lyage.

Nahumu 1:8

Haliko abagoma boohe, agweti agabalandiriza, halinde anabaminike. Ali mu yami bakumbulula nga mwijulire, halinde banaherere mu kihulu, lwoshi-lwoshi.

Luka 18:14

Yesu anashubi deta: «Namùbwiraga kwoꞌlya mubuguza, ikyanya akataahira i kaaya, ye kagaluka akoli kwaniini imbere lya Rurema. Si uwabo, nanga! Kwokwo, iri umundu angaba agweti agayikuza, agabiikwa haashi. Haliko, iri angayibiika haashi, lyoki lyo agakuzibwa.»

Bukengeeze 32:22

Uburaakari bwani, buli mu yaka nga muliro, bunali mu yika, halinde i nakwere. Buli mu siriiza íbiri mu mera kwiꞌdaho. Buli mu jigiivya haashi, halinde indaliro zeꞌmigazi.

Yakobo 4:6

Kuguma na yibyo, Rurema ali mu tuyushuulira ulukogo. Kyo kitumiri biyandisirwi mu Mandiko Meeru na kwokuno: «Ikyanya abandu bali mu yiheemya, Rurema ali mu batindimaza. Si abatuudu boohe, ali mu bagashaanira.»