Hayubu 40:10 - Kifuliiru

¹⁰ «Giraga uyerekane ubulangashane bwawe noꞌbukulu bwawe. Uyilimbiise noꞌbushobozi, iri unagingikwa.

Hayubu 40:10 ပူးပေါင်းရင်းမြစ်များ

1 Kutondobola 29:11

We mwene ubukalage, noꞌbushobozi, noꞌbulangashane, noꞌbukulu, noꞌlushaagwa. Kiri na byoshi íbiri mwiꞌgulu, na mu kihugo, biri byeꞌmwawe. E Nahano! Ubwami bulyagagi bweꞌmwawe. Unali mu huuzibwa, bwo uli hiꞌgulu lya byoshi.

Hayubu 39:19

«E Hayubu, ka we kaheereza ifwarasi imisi? Nanga maashi! Ka we kanagiyambika ubwoya bula-bula kwiꞌgosi?

Zaburi 149:4

Nahano asiimiri abandu baage. Ngiisi ábali batuudu, ali mu bakiza, anabagingike.

Zaburi 21:5

Ikyanya akakuhuuna kwo alonge ukulama, wanayemeera. Ee! Ukamúheereza ubulamu, kiri noꞌbulamu bweꞌmyaka neꞌmyakuula.

Zaburi 50:2

Rurema alangashiini bweneene mu kaaya keꞌSayuni. Yako kaaya kaage nako, kabuyahiri ngana-ngana.

Zaburi 93:1

Nahano ye mwami! Anayamiri ayambisirwi ubulangashane nga mirondo. Nahano anali ye mwene ubushobozi bweneene. Keera akasikamya ikihugo kyoshi, bitanâye zige kwo kishaganibwe.

Kulyoka 28:2

«Uyo Harooni, umúhangire imirondo mitaluule, inakizi yerekana kwo ali munalushaagwa.

Hisaaya 4:2

Ku yikyo kyanya, mu kihugo, Nahano agaameza mweꞌshibwe liija, linabe lyoꞌbulangashane. Ee! Abahisiraheeri ábagaaba basigiiri, bagakizi siima ibitumbwe byalyo, banabiyihayire.

Hisaaya 59:17

kwanaba kyo kihazo kyoꞌkuyikinga mwiꞌzibo. Anayambala noꞌbukize, bube yo ngofeera yeꞌkyuma. Anayambala noꞌkuyihoola, libe liꞌkangaata. Anayibwika noꞌkufiitirwa, libe liꞌkooti.

Mataayo 6:13

Utanakizi leka mbu tugezibwe, haliko, ukizi tukiza mu byoꞌlya Mubi. [Mukuba, we mwene ubwami, noꞌbukalage, noꞌbulangashane, halinde imyaka neꞌmyakuula! Bikizi ba kwokwo!]”»

1 Bakorindo 15:54

Ikyanya ibyo kushereera noꞌkufwa bigaaba keera byayambikwa amagala goꞌkuyama ho, liꞌgambo ligaaba keera lyakoleka, íriyandisirwi kwokuno: «Narufu keera amirwa! Anahimwa lwoshi!»