Hayubu 4:6 - Kifuliiru

⁶ Aahago! Ikyanya usimbahiri Rurema, ka utangayikania mu mutima gwawe? Ikyanya ugweti ugakulikira ukuli, ka kutangakubiika mwoꞌmulangaaliro?

Hayubu 4:6 ပူးပေါင်းရင်းမြစ်များ

2 Baami 20:3

«E Nahano, nakuyinginga ukengeerage ngiisi kwo nâli kizi kukolera mu kati koꞌbwemeera, na ku mutima gwani gwoshi. Ee! Ukengeere ngiisi kwo nâli kizi gira íbikwaniini imbere lyawe.» Haaho, Hezekiya anagwatwa neꞌkifufu, analira.

Hayubu 1:1

Mu kihugo kyeꞌHuuzi, mwâli tuuziri mundu muguma, iziina lyage ye Hayubu. Uyo Hayubu, âli mundu woꞌkuli, úwâli tungiini imbere lya Rurema. Âli kizi múgingika, iri anayiyeka neꞌbyaha.

Hayubu 13:15

Kundu Rurema anganyita, ngamúbiika kwoꞌmulangaaliro. Ngayitanga, mu kuyibulanira imbere lyage.

Hayubu 16:17

Kundu ngweti ngalibuuka kwokuno, ndaabwo buligo bwo nagira. Neꞌkyanya ndi mu huuna Rurema, umutima gwani guli shululu.

Hayubu 17:15

Aaho! Iri byangabiiri kwokwo, umulangaaliro gwani hayagi nangaki gubiisiri? Yugwo mulangaaliro, nyandagi úwangaki gubona?

Zaburi 26:1

Izaburi ya Dahudi. E Nahano, nyamiri ndungiini, na ngubiisiri kwoꞌmulangaaliro, buzira kuhizaanwa. Kwokwo, umbulanire, maashi!

Zaburi 27:3

Kundu nangayiji teerwa niꞌzibo, umutima gwani gutagapuupa. Na kundu abasirikaani bingi banganzokanana, ngayama naaho ndi kihagarusi.

Migani 14:26

Ngiisi úli mu simbaha Nahano, ali mu langwa bwija. Kiri naꞌbaana baage nabo, bagakizi langwa.

Migani 3:26

Si Nahano agakizi kusikamya, anakizi langa neꞌshando zaawe, zitagendi gwa mu mutego.

Hisaaya 33:6

Mwe bandu beꞌYerusaleemu, Nahano ye lutaliro lwinyu lukomu. Agakizi mùkiza, iri anamùheereza ubwitegeereze, noꞌbumenyi. Iri mwangalonga ubugale, mukwaniini mukizi músimbaha.

1 Peturu 1:13

Ku yukwo, mukizi yisaliza ku bwitonde, gira lyo mukizi ba ibiringiini. Munakizi ba masu, iri munabiika umulangaaliro gwinyu gwoshi ku migashani ya Yesu. Mukuba, ikyanya Yesu Kirisito agayerekanwa, lyo mwâye gashaanirwe.

1 Peturu 1:17

Muli mu bwira Rurema «E Daata!» Anali ye mu kizi twa imaaja zaꞌbandu booshi ukukulikirana neꞌmikolezi yabo. Ndaanayo ndoola yo ahiiti. Ku yukwo, ikyanya mugaaba muki tuuziri mu kihugo, mukizi yoboha, bwo mukishumbisiri mwo naaho.