Hayubu 4:3 - Kifuliiru

³ We wâli kizi yigiriza abandu bingi. Aaho! Naawe, uyuvwirizagye. Si ikyanya abandu bâli yiyuvwiti ubukaholwe, wanakizi bakania indege.

Hayubu 4:3 ပူးပေါင်းရင်းမြစ်များ

Ndondeko 18:19

Nꞌgamútoola, gira akizi yigiriza abaana baage, naꞌba mwiꞌkondo lyage, bakizi simbaha imaaja zaani. Kwokwo, lyo baba bandu bemeera, banabe bali mu ngira íbikwaniini imbere lyani. Naani, na mbakwigize imihango yani.»

Hizira 6:22

Banahisa isiku zirinda, bagweti bagashambaalira ulusiku lukulu lweꞌmikate mizira saama. Mukuba, Nahano akahindula umutima gwa mwami weꞌHasuriya, halinde anabatabaala ku mukolwa gwoꞌkuyubakulula inyumba ya Rurema wabo. Kwokwo, banayijula mwoꞌbusiime.

Hayubu 16:5

Kundu kwokwo, niehe, njuba ngamùkania umutima. Nangamùholeziizi, mu kumùluhuusa.

Hayubu 29:11

«Ngiisi mundu úkayuvwa amagambo gaani, anakizi nyivuga. Ikyanya bakambona, banakizi nyivuga imbere lyaꞌbaabo.

Hayubu 29:15

Nâli kizi kolera imbumi, mu kubayerekeza injira. Kiri noꞌtundende, nâli riiri magulu gaatwo.

Hayubu 29:16

Imwaꞌbakeni, nie wâli yishe, nâli kizi tabaala abageezi ku magoorwa gaabo.

Hayubu 29:21

«Ikyanya nâli kizi hanuula abandu, banakizi bwatala shee, mu kulindirira amahano gaani.

Hayubu 4:4

Neꞌkyanya bâli kola bagaagwa, amagambo gaawe ganabasikamya. Neꞌkyanya bakatwika indege, wanabakania zo.

Migani 10:21

Umundu úkwaniini, amagambo gaage gali mu tabaala abandu bingi. Si abahwija boohe, bwo babuziri ubwenge, kyo kitumiri bali mu fwa duba.

Migani 15:7

Abitegeereza, ikyanya bali mu deta, bali mu kwiza ubumenyi. Si abahwija, imitono yabo iri ya busha.

Migani 16:21

Abitegeereza bayijikiini kwo basobanukiirwi, bwaꞌmagambo gaabo gali manunu, banali mu yigiriza bwija bweneene.

Hisaaya 35:3

Amaboko gaawe, kundu gangaba gakoli teziri, si ugasikamye. Naꞌmadwi kwakundi, kundu gangaba gakoli luhiri, ugakanie.

Hisaaya 50:4

Nahano Rurema akanjoboleesa ukudeta ku njiri íkwaniini. Kwokwo, ikyanya abandu bali mu ba bakoli luhiri, ndi mu bakania indege. Ngiisi shesheezi, Nahano ali mu zindukiri nvyula, ananyereke ngiisi kwo aloziizi.

Hezekyeri 13:22

«“Yabo bandu, kundu bâli kizi gira íbikwaniini, halikago ku njira ya birya bibeesha biinyu, mwâli kizi bavuna imitima. Si nienyene, ndali nie wâli kizi bavuna yo. Naꞌbandu babi nabo, mwanakizi bashimya kwo bagenderere mu mabi gaabo, halinde batanaki longa ubulyo bwoꞌkuyikiza.

Sefaniya 3:16

Si yulwo lusiku, abandu beꞌYerusaleemu bagabwirwa, ti: «E bandu beꞌSayuni, mutaki yobohe. Mutanaki vunike umutima.

Luka 22:32

Kundu kwokwo, keera nꞌgagwanwa nakuhuunira imwa Rurema, gira utayabirwe mu kumúbiika kwoꞌbwemeere. Neꞌkyanya ugaaba keera wangalukira, ukakanie abiinyu imitima.»

Luka 22:43

Haaho, umuganda ukulyoka mwiꞌgulu, anamúhulukira kwo, anamúkania indege.

Bahefeso 4:29

Mutanakizi ki deta amagambo ágatali nga go. Si mukizi deta naaho amagambo miija, ágangakizi tabaala abandi ku magoorwa gaabo. Kwokwo, ikyanya abandu bagamùyuvwiriza, bakalonge ukukana mu mitima yabo.

Bukengeeze 3:28

«“Kwokwo, utegaanurage Yoshwa. Umúhe ikise, unamúsikamye. Yehe, ye kola úgarongoora yabo bandu, halinde bajabuke ulwiji Yorodaani. Yikyo kihugo kyo ugaaba wabona, ye gakigabulira Abahisiraheeri, halinde kibe kyeꞌmwabo.”

Bakolosaayi 4:6

Amagambo giinyu, gakizi ba ga kuleeterana imigashani. Ganabe manunu nga muunyu. Kwokwo, ikyanya mugakizi buuzibwa, lyo mugaamenya ukushuvya bwija ngiisi mundu.

Baheburaniya 12:12

Ku yukwo, kundu mukoli yolohiri, musikamagye amaboko giinyu, kiri naꞌmadwi giinyu!